त‍इरकर 7:56 - पुना गच्छरना NT (BSI)

⁵⁶ अरा आस बाचस, “ऎरा! ऎन मेर्ख़न तिसगरका अरा मनवा ख़द्दासिन धर्मेसी तीना चोक्‍ख इज्‍जका ऎरदन!”

त‍इरकर 7:56 ပူးပေါင်းရင်းမြစ်များ

मत्तायोस 25:31

इकला मनवा ख़द्दन ऎन एंग्‍है महबा नू उर्मी मेर्ख़ा पैकर गने बर'ओन, अरा ऎन एंग्‍है महबा ही बॆल-गदिया नू ओ‍क्‍कोन।

मत्तायोस 3:16

नॊड़रस ती येसुस अम्‍मु ती उरखस ख़नेम, मेर्ख़ा तिसग्रा अरा धर्मेसी बॊलता पेरवाँ लेक्‍खा एत्तना दरा तंग्‍है मइय्याँ बरना ईरयस।

मत्तायोस 8:20

येसुस आसिन बाचस, “सिकटा गुट्ठी ही लाता र'ई, अरा ऒड़ा गुट्ठी ही खोता र'ई, लिकिन मनवा ख़द्दन एंगा गे कुक्‍कन हूँ बेड़त'आ ती ख़न्न ऎख़ा गे अड्डा मलकी।”

मरकुस 1:10

आस अम्मु ती बहरी उरखस ती लेथेम मेर्ख़ा तिसग्रनन अरा नेम्‍हा बॊलतन पेरवाँ लेक्‍खा तंग्‍है म‍इय्‍याँ एत्तनन ईरियस।

लू‍कस 3:21

एकाबारी बग्‍गे आलर नॊड़रर मुंज्रर, अदही ख़ॊख़ा येसुस हूँ नॊड़रस। अरा आस बिन्‍ती ननालियस ख़ने मेर्ख़ा तिसग्रा केरा,

यॊहनस 1:51

येसुस एन्ने हूँ बाचस, “ऎन निमन मानिमन ब'अदन, नीम मेर्ख़न तिसगरका अरा धर्मेसी पैकारिन मेर्ख़ा अरा ख़ॆख़ेल ही मझी नू अड़ार लेक्खा मनवा ख़द्दन एंगा मइय्याँ अरगनन अरा एत्तनन ऎरोर।”

त‍इरकर 10:11

आस मेर्ख़न तिसगरका ईरियस अरा चरियो गंडा ऎप ती हॆंरका दिगहा अरा चकड़ चदर बेसे एन्‍देर लॊ एत्तना ती ख़ॆख़ेल नू उइरना ईरियस।

त‍इरकर 10:16

एन्ने तीन खेप मंजा, अरा अदही ख़ॊख़ा आ चदर मेर्ख़ा म‍इय्याँ होतारा केरा।

त‍इरकर 7:57

तहाँ आर जॊरसरिया चिच्चि‍यारर ती ख़ेबदा गुट्ठिन कप्‍पियर अरा आर जम्मर जुम्मरर ती आसी म‍इय्याँ झपारर।

दहदर मंजका कत्‍था 11:19

फेन मेर्ख़ा नू र'अना धर्मेसी मन्दिर तिसगरा केरा। अरा आसी मन्दिर नू आसी गच्छरना ही बक्सा ऎथ्रा। अरा आ बेड़ा नू लवका लौकारना गुट्ठी, अरा ख़रख़ना गुट्ठी, मुर्रना चाड़ना गुट्ठी अरा ख़ॆख़ेल नुक्रना मंजा, अरा कोहाँ आली खत्रा।

दहदर मंजका कत्‍था 19:11

फेन ऎन मेर्ख़न तिसगिरका ईरकन, अरा ऎरा, ओन्टा पंडरु घोड़ो असन इज्जकी रहचा। अरा एका ओर्तस आ घोड़ोन चलाब'अदस आस पत्त'अना जॊगे अरा मानिम बारदस। आस उजगो गने नेंवई अरा लड़ई नन्दस।

दहदर मंजका कत्‍था 4:1

इबड़ा कत्था ही ख़ॊख़ा ऎन मेर्ख़ा नू ओन्टा तिसगरका बलिन ईरकन। अरा ऎन मुन्द एंग्है गने कछनख्रका मेंजका पेंड़हे ही ख़रख़ना लेक्‍खा सड़न मेंजकन। आद बाचा, “मइय्याँ इसन बरा। इबड़ा कत्था ही ख़ॊख़ा एन्‍देर एन्देर मन्ना र'ई, अबड़न ऎन निंगन ऎद'ओन।”