44 धर्मेस आर ही गने रहचस अदही गोवाह ही तमबु टोड़ंग नू नम्है पूरखर गने रहचा। धर्मेस मूसासिन ई तमबुन एकासे कमना र'ई अदिन बाचस। अरा आस धर्मेस एकासे ऎदस अन्नेम अदिन कमचस।
अरा आस असन कोड़हे नेम्हा अड्डा नू सुसर नन्दस। ईदिम महबा नन्ना ही मानिम अड्डा हवे। इदिन आलर मल्ला कमचका लिकिन धर्मेस दिम कमचकादस।
आर मेर्ख़ा नू र'ऊ नेम्हा अड्डा ही रूप नू अरा ऎख़ ही लेक्खा इसन र'ऊ नेम्हा अड्डा नू सुसर नन्नर। मूसस गा नेम्हा कोहाँ कुम्बा कम'आ गे सपड़ारना नू रहचस ख़ने, आस गे धर्मेस ती एन्ने चेताब'अना ख़क्ख्रा का, “ऎरा, एका नमुना निंगा परता नू ऎदका रहचकन अदही लेक्खम उर्मिन कम'आ गे चिहुंक र'आ।”