त‍इरकर 7:38 - पुना गच्छरना NT (BSI)

³⁸ ई मूसस दिम इस्राऎल खोंड़हा गने टोड़ंग नू रहचस। अरा सीनाय परता नू तंग्‍है गने कछनख्रका मेर्ख़ा पैकस गने रहचस अरा नम्‍है पूरखर गने रहचस। आस उज्‍जनन चि'अना पॆसकन धर्मेस ती ख़क्‍खियस अरा आ पॆसकन नमा चिच्‍चस।

त‍इरकर 7:38 ပူးပေါင်းရင်းမြစ်များ

यॊहनस 1:17

एन्‍देरगेका धर्मेसी पॆसका मूसस ती चीतारा, लिकिन मया अरा मानिम येसु मसीस ती बरचा।

यॊहनस 6:63

नेम्‍हा बॊलतस दिम उज्‍जनन चि'अदस, आल सवंग ती ईद मना पुल्ली, एका कत्‍था गुट्ठी निमन तिंकन अबड़ा उज्‍जना चि'ऊ बॊलतस ती हवे।

त‍इरकर 7:30

चालीस बछर मंजा ख़ने ओन्‍टा मेर्ख़ा पैकस आसिन सीनाय परता ही टोड़ंग नू लघरना ख़ोप्‍पा ही हदकारना नू ऎथ्रस।

त‍इरकर 7:35

एका मूसासिन आर ‘नॆ निंगन एम्‍है म‍इय्याँ आकुस ननू अरा नेंव‍ई ननू कमचा?’ बाचर ती मल इंझ्रकाचर। आसिनिम धर्मेस आकुस ननू अरा बछाब'ऊ कमचस ती लघरना ख़ोप्‍पा नू ऎथ्रका रहचस आ मेर्ख़ा पैकस ती आसिन त‍इय्यस।

त‍इरकर 7:53

नीम मेर्ख़ा पैकस ती पॆसकन गा ख़क्‍खकर, लिकिन अदिन मल पॆस्रकर।”

रोमी 3:2

उर्मी तरती ढ़ॆर बग्‍गे ख़क्‍खरा। उर्मी ती मुन्‍द धर्मेसी कत्‍था गुट्ठी यहूदीर गे थोपरा।

रोमी 9:4

आर इस्राऎल आलर हिकनर, अरा धर्मेसी गोद उइय्‍का ख़द्दर हिकनर। अरा आर धर्मेसी महबा आबोन ईरका र'अनर। अरा आर गे धर्मेसी अरा तम्‍है गने ता धर्मेसी गच्‍छरना र'ई। अरा धर्मेस आर गे चिच्का मूसासी पॆसका अरा महबा नन्ना ही नॆग अरा गच्‍छरना गुट्ठी र'ई।

गलातिया 3:19

ईगे नॆग ही चाड़ एन्‍द्रा रहचा? ख़ॆख़ेल ता आलर गे अक्‍का-बलकन अख़त'आ गे का? ईद अब्राहमसी पिड़ही ही बरना गूटी र'ओ, अदगे गच्‍छरका रहचा, अरा धर्मेस तंग्‍है नॆगन मेर्ख़ा पैकर ती मूसासिन चिच्‍चस। एकास धर्मेस अरा आलर ही चिलकठवा रहचस।

इब्रानी 2:2

एन्‍देरगेका एका कत्‍था मेर्ख़ा पैकर ती बातारकी रहचा आद मानिम बन्चकी रहचा, अरा एका ओर्तर अदिन मल नंजर अरा मल पॆस्रर आर गे ठौका दंडे ख़क्‍खरा।

इब्रानी 4:12

धर्मेसी कत्‍था गा उज्‍जना अरा सवंगिय अरा उर्मी अखी-पखी धारे तलवार ती कोड़हे धारे र'ई, अरा आद जिया अरा बॊलता, अरा टोकना टोकना अरा ख़ॊचॊल ही गुद्दा गुद्दा गूटी अंड़सत'ई ती भगि'ई चि'ई, अरा जिया ही सोच अरा मने गुट्ठिन दहदर ननी।

इब्रानी 5:12

ई बेड़ा गूटी गा निमा धर्मेसी कत्‍था ही सिखाब'ऊ मन्‍ना रहचा, लिकिन नीम गा एन्ने दसा नू र'अदर का अउर ओर्तस पारेड़ मुन्‍द निमा गे धर्मेसी कत्‍थन ऒर तिम सिखाब'अना ही चाड़ र'ई। नीम गा अक्‍कु गूटी बॊलॊ ख़द्दर लेक्‍खा र'अदर, नॆका मंडी ही मला दुदही ही चाड़ र'ई।

1 पतरस 4:11

ओर्तस गे कत्था मेन्त'अना ही इनाम र'ई होले, आस धर्मेस तान आसी ती ब'अना लेक्खा कत्था मेन्त'अना र'ई। ओर्तस गे सुसर नन्ना ही इनाम र'ई होले, आस धर्मेस चि'अना सवंग ती अदन नन्ना र'ई। ख़ने नीम नन्ना उर्मी कत्था गुट्ठी येसु मसीस संगरा ती धर्मेस गे महबा ओन्द्रना र'ई। आस गेम उर्मी महबा अरा सवंग उर्मी उल्ला मनन नेकअन। आमेन।