32 ‘ऎन निंग्है पूरखर ही धर्मेन, अब्राहम, इसाक अरा याकॊबसी धर्मे हिकदन।’ ख़ने मूसस इल्चिक'आ ती असरा हेलरस अरा ऎरा गे डिढ मल मंजा।
चेलर मेंजर ती मुंही पाब खत्तरर अरा नगदे कोड़हे इल्चियर केरर।
‘ऎन अब्राहम अरा इसाक अरा याकॊबसी धर्मे हिकदन।’ आस केचका आलर ही धर्मे मलदस, लिकिन आस उज्जना आलर ही धर्मेस हिकदस।”
अरा नॆ हूँ इदही पत्त नू ओन कत्था हूँ आनाकिर्त'आ पोल्लर। अउला ती नॆका हूँ फिन आसिन मेना गे डिढ मल मंजा।
सिमॊन पतरस इदिन ईरयस ती येसुसी ख़ेडमूली खत्तरस ती बाचस, “अना उर्बायो, एंग्है गुसले कला, एन्देरगेका ऎन पपहा आलन हिकदन, अरा निंग्है जॊगे मलकन।”
अब्राहम अरा इसाक अरा याकॊबसी धर्मेस, नम्है पूरखर ही धर्मेस तंग्है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्बा बिद्दियस ख़ने, नीम आसिन ताड़चकर।
मूसस इदिन ईरियस ख़ने अकबक मंजस, अरा ऎरा गे हेद्दे केरस। ख़नेम धर्मेसी ई ब'अना मेन्द्रा,
लिकिन आर अदही ती ओन्टा कोड़हे बॆस देस मेर्ख़ा राजी ही चिबाख़ार'ऊ अरा पाब ईरू रहचर। ईगेम धर्मेस आर ही धर्मे बार'आ गे मल लज्रदस, एन्देरगेका आस आर गे ओन्टा नगरे सपड़ाचकादस।
आसिन ईरकन ख़ने, ऎन आसी ख़ेड्डे नू केचका लेक्खा खत्रकन केरकन। ख़ने आस तंग्है तीना ख़ेक्खन एंग्है मइय्याँ नंजस ती बाचस, “अमा एल्चा, ऎन मुन्द ता अरा ख़ॊख़ा ता हिकदन।