त‍इरकर 6:9 - पुना गच्छरना NT (BSI)

⁹ तहाँ बिट्ठी नन्ना ती अम्‍बरका आलर ही गोड़हा एड़पा ता जोक्‍कोर स्‍तेफनोसी बिड़दो नू चॊचर ती आनानख्र'आ हेलरर। आर कुरॆनॆ अरा अलेक्‍सन्‍द्रिया अरा किलिकिया अरा आसिया ता यहूदी आलर रहचर।

त‍इरकर 6:9 ပူးပေါင်းရင်းမြစ်များ

मत्तायोस 10:17

लिकिन आलर ती चिहुंक र'अके। नीम एंग्‍है गने चॊख़र'उर र'अना चड्डे आर निमन कोहाँ सभा गुट्ठी नू चि'ओर अरा तम्‍है गोड़हा एड़पा नू कोर्रा ती ल'ओर।

मत्तायोस 23:34

औंगे मेना! ऎन निम्‍है गुसन धर्मेसी कत्‍था तिंगुरिन अरा लुरगर आलारिन अरा नॆग सिखाब'उरिन तइय्यालदन। आर ती जोक्‍कोरिन नीम पिटोर अरा क्रुस नू ठोक'ओर, अरा जोक्‍कोरिन गोड़हा एड़पा नू कोर्रा ल'ओर अरा ओन्‍टा नगरे ती नन्ना नगरे खेच्का कुद्दोर।

मत्तायोस 27:32

फिन सैनर येसुस गने नगरे ती बहरी काला लगियर ख़ने, आर सिमॊन नामे ओन्‍टा कुरॆनॆ नगरे ता आलासिन येसुसी क्रुस आबोन चेड़'आ गे बिट्ठी नू धरचर।

मरकुस 13:9

लिकिन इकला इबड़ा मनो नीम चिहुंक ती र'अके। आलर निमन हें'ओर हो'ओर, अरा पंचायत नू चि'ओर, अरा नीम गोड़हा एड़पा नू लौर'ओर। नीम एंग्‍है चड्डे राजीख़ापुर अरा बॆलर ही मुन्‍द इजतार'ओर। एन्‍देरगेका नीम एंग्‍है गने चॊंख़्र'‍उर हिकदर। लिकिन ईद निमा गे एंग्‍है पत्त नू आरिन तेंगना ही मोका मनो।

लू‍कस 21:12

लिकिन इबड़ा उर्मी कत्‍था ही मुन्‍द आलर निमन धर'अरकी सताब'ओर। अरा निमन गोड़हा एड़पा नू बिढ़'आ गे सोंप'ओर अरा जेहेल नू सज'ओर अरा बॆलर अरा राजीखापुर ही मुन्‍द इजतार'ओर। एन्‍देरगेका नीम एंग्‍है गने चॊंख़्र‍'उर हिकदर।

त‍इरकर 11:20

लिकिन अबड़र नू जोक्‍कोर कुप्रोस टापू अरा कुरॆनॆ नगरे ता आलर रहचर। अरा अबड़र अन्‍तियोख़ेया अंड़सियर ती नन-यहूदी आलारिन हूँ उर्बा येसुसी दौ कत्‍था तेंगा लगियर।

त‍इरकर 13:1

अन्‍तियोख़ेया कलीसिया नू कैनो बग्‍गे धर्मेसी कत्‍था तिंगू अरा सिखाब'ऊ आलर रहचर। इबड़र बरनबास अरा नीगेर बारना सिमॊन अरा कुरॆनॆ नगरे ता लूकियोस अरा बॆलस हॆरॊदॆस अंटिपसी संगे परदका मनायॆन अरा स‍उल हिकनर।

त‍इरकर 13:45

एन्ने कोहाँ गोंहड़न ईरियर ती यहूदीर कुटमुटर'आ हेलरर अरा पौलुसी निं‍दा नंजर ती आसी कत्‍था ही बिड़दो नू आनानखर'आ हेलरर।

त‍इरकर 15:23

अरा आर ही ख़ेक्खा नू ई चिठिन त‍इय्यर: “अन्‍तियोख़ेया अरा सीरिया अरा किलिकिया ता नन-यहूदी पत्त'ऊ भइय्योर गे ऎम त‍इरकर अरा सेयान आलर अरा येरुसलॆम ता पत्त'ऊ भइय्योर ही मोंजरा।

त‍इरकर 15:41

अरा आस सीरिया दरा किलिकिया मन्नुम कलीसिया गुट्ठिन बड़ियर नंजस ती केरस।

त‍इरकर 16:6

नेम्‍हा बॊलतस आरिन आसिया नू दौ कत्‍था तेंगा गे छेंकचस ती आर फ्रुगिया अरा गलातिया चकभार नू मन्नुम केरर।

त‍इरकर 18:24

आ बेड़ा नू अलेक्‍सन्‍द्रिया नगरे ता अप्‍पोल्लॊस नामे ओन्‍टा यहूदी इफेसुस नगरे नू बरचस। आस नेम्हा पुथिन दौ अख़'उस अरा बड़ियर कछनख्र'ऊ आल रहचस।

त‍इरकर 19:10

दुई बछर गूटी एन्नेम मना लगिया। औंगे आसिया देस ता ओर्मा आलर यहूदी अरा नन-यहूदी आलर उर्बासी कत्‍थन मेंजर।

त‍इरकर 19:26

लिकिन नीम ऎरदर अरा मेना लगदर का आ पौलुस गा इफेसुस नू लेका मला लिकिन गोट्टा आसिया नू कोड़हे आलारिन बुझाबाचस ती तंग्‍है आकुस नू नंजस, अरा ब'अदस का ख़ेक्खा गुट्ठी ती कमर‍का देंवता गुट्ठी मानिम धर्मे मल्‍दस।

त‍इरकर 21:27

इकला सात उल्‍ला पूरना रहचा ख़ने, आसिया ता जोक्‍क यहूदी आलर पौलुसिन धर्मेसी मन्दिर नू ईरियर ती उर्मी गोंहड़न ततकाचर ती आसिन धरचर।

त‍इरकर 21:39

पौलुस बाचस, “मला, ऎन गा किलिकिया देस ही तरसोस नगरे ता यहूदी आलन हिकदन। अरा ऎन आ मुद्ध नगरे तरसोस ता र'ऊ आलन। ऎन निंगन गोहरारदन का नीन एंगन ई आलर गने कछनख्र'आ चि'आ।”

त‍इरकर 22:19

ख़ने ऎन बाचकन, ‘अना उर्बायो, आर अख़नर का उर्मी गोड़हा एड़पा नू ऎन निंगन पत्त'ऊ आलारिन जेहेल नू सज'आ लिक्‍कन अरा लौत'आ लिक्‍कन।

त‍इरकर 22:3

“ऎन गा यहूदी आलन हिकदन। ऎन किलिकिया देस ता तरसोस नगरे नू कुन्‍द्रकन। अरा ई येरुसलॆम नगरे नू पर्दकन ती गमालिऎलसी ख़ेड्डमूली उक्‍कन ती नम्‍है पूरखर ही नॆग अरा चाल गुट्ठिन ठौका ठौका सिख्रकन। अरा धर्मेस गे एन्ने मूलख़का रहचकन, एकासे इन्ना नीम ओर्मर र'अदर।

त‍इरकर 23:34

ख़ने राजीख़पुस चिठिन पढ़चस ती पौलुस ती मेंजस, “नीन एका चकभार ता हिकदय।” पौलुस किलिकिया चकभार ता एन्ने अक्‍खस ख़ने,

त‍इरकर 24:18

ऎन धर्मेसी मन्दिर नू चाल ही लेक्‍खा एंगा सुध मन्नन पूरा मंजकन, आ बारी एंग्‍है म‍इय्याँ गुन्‍हा ठेकाब'उर एंगन ख़क्‍खियर। असन एंग्‍है गने आलर ही गोंहड़ा मल रहचा, अरा इन्द्रिइम नग्‍गानख्रना मल मंजा।

त‍इरकर 26:11

ऎन आरिन उर्मी गोड़हा एड़पा नू कैनो खेप दंडे चि'अरकी येसु नामे ही निंदा नन्‍त'आ गे चिहुट नंजकन। ऎन आर ही बिड़दो ता एंग्‍है खींस ही चड्डे ई गूटी पूरकन का नन्ना नगरे गुट्ठी नू हूँ कालरकी आरिन सताबाचकन।

त‍इरकर 6:10

लिकिन स्‍तेफनोस एका लूर अरा बॊलतस ती बाचस अदही बिड़दो नू आर ब'आ पोल्‍लर।

1 कोरिन्‍थ 1:20

एसन र'अनर लूरगर? एसन र'अनर बग्गे पढ़चका आलर? एसन र'अनर ई ख़ॆख़ेल ता कोड़हे लूर उइय्यू आनानखर'उर? एन्‍देर धर्मेस ई ख़ॆख़ेल ता लूरन खईता मल कमचका र'अदस का?

गलातिया 1:21

इदही ख़ॊख़ा ऎन सीरिया अरा किलिकिया ही चकभार गुट्ठी नू केरकन।