त‍इरकर 6:4 - पुना गच्छरना NT (BSI)

⁴ होले ऎम गा गोहरारना नू अरा दौ कत्‍था तेंगना नू लक्‍का र'ओम।”

त‍इरकर 6:4 ပူးပေါင်းရင်းမြစ်များ

लू‍कस 1:23

इकला धर्मेसी मन्दिर नू आसी नैग नलख नन्‍ना ही हप्‍ता पूरचा, ख़ने आस तंग्‍है एड़पा किर्रिम बिच्‍चियस।

त‍इरकर 1:14

इबड़ा ओर्मर अरा जोक्‍क मुक्‍कर येसुसी तंग्यो मरियम, अरा आसी भ‍इय्योर गने ओन जिया मंजर ती गोहरारना अरा ने'अना नू र'आलियर।

त‍इरकर 2:42

अरा आर त‍इरकर ही सिखाब'अना अरा अपन ती नन्नर गने चोन्‍हा ती संगे भेंटारना नू अरा संगे ओन्ना-मॊख़ना ती उर्बासी दाँड़े आबोन सुरता नन्ना नू अरा संगे गोहरारना नू लक्‍का रहचर।

रोमी 1:9

एका धर्मेसी ऎन आसी ख़द्दासी पत्त ता दौ कत्‍था तेंगना ती सौंसे जिया ती तेतर-सुसर नन्‍दन, आस अख़दस का ऎन सगरो एंग्‍है बिन्‍ती नू निमन सुरत'अदन।

1 कोरिन्‍थ 9:16

अन्नु हूँ ऎन दौ कत्‍था तेंगदन होले, इदगे एंगा फुलई मना गे अड्डा मल्‍ली, एन्‍देरगेका ऎन इदन नना गे धर्मेस एंगन बड़पेलहा नंजस। ऎन दौ कत्‍था मल तेंगोन होले एंगा गे ओहरे।

फिलिप्‍पी 1:4

ऎन ननू उर्मी गोहरारना नू सगरो नीम ओर्मर गे रिझ ती गोहरारदन।

कोलोस्से 2:1

निमा गे अरा लवोदिकेया नगरे ता कलीसिया गे अरा एंगन मल ईरका अउर नन्ना ओर्मा पत्त'ऊ आलर गे ऎन एका कोड़हे चिहुट नन्दन एन्ने नीम अख़'आ गे ऎन बेद्ददन।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

कोलोस्से 4:17

अरा नीम अर्ख़िप्पोसिन आनके का, “एका सुसर'अना उर्बस निंगा चिच्कादस, अदिन चिहुंक लगे पूरा ननके।”

2 तीमोथियुस 4:2

नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।