त‍इरकर 6:3 - पुना गच्छरना NT (BSI)

³ औंगे अना भ‍ईरो, निम्‍है ती सात गोटंग आलारिन चाजा, नॆ नेम्‍हा बॊलतस अरा लूर ती निन्‍द्रका ती बॆस नामे ख़क्‍खका र'अनर, आरिन ई नलख नू ओक्‍त'ओत।

त‍इरकर 6:3 ပူးပေါင်းရင်းမြစ်များ

मत्तायोस 23:8

लिकिन नीम ‘गुरु’ अमके बार'आ, एन्‍देरगेका निम्‍है गा ओर्तलेका गुरु र'अस अरा नीम ओर्मर भइय्योर हिकदर।

यॊहनस 21:23

औंगे ई कत्‍था पत्त'उर ही नू बींड़रा केरा का आ चेलस मल खे'ओस। लिकिन येसुस एन्ने मल बाचका रहचस का, आस मल खे'ओस। आस एन्ने लेका बाचस, “ऎन आसिन एंग्‍है किर्रना गूटी आस उज्‍जा गे ऎन बेद्ददन होले, इत्रु निंगा एन्‍देर?”

त‍इरकर 1:15

अबड़ा उल्‍ला नू उन्दुल मलागूटी ओन सौ बीस आलर ख़ॊंड़रका रहचर, पतरस आर ही मझी नू इज्‍जस ती बाचस,

त‍इरकर 1:21

औंगे उर्बा येसुस एम्‍है संगे काला बर'आ लगियस अबड़ा उर्मी बेड़ा गूटी एम्‍है गने रहचका आलर ती ओर्तोसिन नाम यूदसी अड्डा नू चाजना र'ई।

त‍इरकर 10:22

ख़ने आर बाचर, “कोरनेलियोस नॆ सौ सैनर ही मुद्धस अरा उजगो आलस अरा धर्मेसी इल्‍चुस र'अदस। उर्मी यहूदी आलर आसी म‍ईन नन्नर। आस गे ओन्‍टा नेम्‍हा पैकस निंगन आसी एड़पा नू मॆख़ा ओन्‍द्र'आ गे पॆसस अरा निंग्‍है ती सिख्र'आ गे बारकी र'ई।”

त‍इरकर 15:23

अरा आर ही ख़ेक्खा नू ई चिठिन त‍इय्यर: “अन्‍तियोख़ेया अरा सीरिया अरा किलिकिया ता नन-यहूदी पत्त'ऊ भइय्योर गे ऎम त‍इरकर अरा सेयान आलर अरा येरुसलॆम ता पत्त'ऊ भइय्योर ही मोंजरा।

त‍इरकर 16:2

लुस‍त्रा अरा इकोनियोन ता पत्त'ऊ आलर आसी पत्त नू दौ तिंगियर।

त‍इरकर 2:4

अरा अबड़ा ओर्मर नेम्‍हा बॊलतस नू निन्‍दियर केरर, अरा बॊलतस एकासे कछनख्र'आ गे सवंग चिच्‍चस अबड़ा ओर्मर नन्ना नन्ना भखा कछनख्र'आ हेलरर।

त‍इरकर 22:12

तहाँ हनानिया नामे आलस एंगन ऎरा बरचस। आस मूसासी नॆगन भगती गने पॆस्र'ऊ आलस रहचस। आस असन र'ऊ उर्मी यहूदी आलर नू बॆस नामे आलस रहचस।

त‍इरकर 28:14

असन एमा जोक्‍क पत्त'ऊ भ‍ईर ख़क्‍खरर। आर एंगन तम्‍है गुसन सात उल्‍ला र'आ गे एड्डर। अदही ख़ॊख़ा ऎम रोम बरचकम।

त‍इरकर 6:2

ख़ने अबड़ा बारो त‍इरकर ओर्मा पत्त'ऊ आलारिन तम्‍है गुसन मीख़ियर ती बाचर, “ईद दौ मलकी का ऎम धर्मेसी कत्‍था तेंगनन अम्बरकी मंडी ख़ट्टना नू र'ओम।

त‍इरकर 6:5

ई कत्‍था उर्मी खोंड़हा गे बॆस लग्‍गिया, ख़ने आर सात आलारिन चज्‍जियर। आर ईर हिकनर का पत्त'अना अरा नेम्‍हा बॊलतस नू पोकता रहचका स्‍तेफनोस अरा फिलिप्‍पोस अरा प्रोख़ोरोस अरा निकानॊर अरा तीमॊन अरा परमेनास अरा अन्‍तियोख़ेया नगरे ता निकालाउस एकास मुन्द यहूदी धरम नू मन्रका नन-यहूदी रहचस।

त‍इरकर 6:6

ईरिन त‍इरकर ही मुन्‍दहारे ओन्द्रर। अरा आर गोहरारर ती आर ही म‍इय्याँ ख़ेक्खा ओक्‍ताचर।

त‍इरकर 9:30

पत्त'ऊ भईर इदन अक्‍खर ख़ने, आर स‍उलसिन कैसरेया होच्‍चर ती तरसोस नगरे त‍इय्यर।

1 कोरिन्‍थ 12:8

एकासे का ओर्तस गे नेम्‍हा बॊलतस ती हया ही कत्‍था, अरा नन्‍नस गे आ बॊलतस तिम लूर ही कत्‍था चीरकी र'ई।

1 कोरिन्‍थ 16:3

एकाबारी ऎन अइय्या बर'ओन ख़ने, नीम नॆकन बेद्ददर आर गे चिठी चि'ओन ती तइय्‍योन का आर निम्‍है बरार आबोन येरुसलॆम अंड़सत'ओर।

इफेसुस 5:18

अरा उंखू अमा मना, एन्‍देरगेका इत्रु भड़ुवा नलख मनी। लिकिन नेम्हा बॊलतस ती नींदनुम कला।

1 तीमोथियुस 5:10

अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।

याकॊब 1:17

उर्मी दौ अरा बॆस इनाम धर्मे बंगस ती बर'ई, नॆ मेर्ख़ा ता उर्मी बिल्लिन गढ़चस। आस ऎख़ अड्डा अड्डा बदलारना बेसे बदलार'ऊ मलदस।

3 यॊहन 1:12

दॆमॆत्रियोसी पत्त नू ओर्मर बॆस गोवाह तेंगनर, अरा मानी हूँ आसी पत्त नू बॆस गोवाह चि'ई। अरा ऎम हूँ आसी पत्त नू बॆस गोवाह चि'अदम। अरा नीन अख़दय का एम्है गोवाह मानिम र'ई।