2 ख़ने अबड़ा बारो तइरकर ओर्मा पत्त'ऊ आलारिन तम्है गुसन मीख़ियर ती बाचर, “ईद दौ मलकी का ऎम धर्मेसी कत्था तेंगनन अम्बरकी मंडी ख़ट्टना नू र'ओम।
होले नाम एन्देर नन्ना र'ई? आर मेनोर दिम का नीन इसन बरचका र'अदय।
एन्देरगेका एकअम हॆंरकासिन आसी मइय्याँ ठेका बाचका बदिन मल तेंगना ती कैसरस गुसन तइय्ना एंगा दौ मल लग्गिया।”
ख़ने पतरस अरा यॊहनस आरिन किर्त'अर बाचर, “नीमिम फरिय'आ, धर्मेसी ऎरना नू एकदा बने मनो का ऎम धर्मेसी कत्थन महले निम्है कत्थन पॆस्र'ओम।
अबड़ा उल्ला नू पत्त'ऊ आलर बग्गे मन्नुम कालालियर ख़ने, युनानी भखा कछनख्र'ऊ यहूदी पत्त'ऊ आलर इब्रानी भखा कछनख्र'ऊ यहूदी पत्त'ऊ आलारिन कुटमुटर'आ हेलरर, एन्देरगेका एम्है रड़ियाहीर गे उर्मी उल्ला ता मंडी बटा बॆस लगे मल ख़क्ख्र'ई।
औंगे अना भईरो, निम्है ती सात गोटंग आलारिन चाजा, नॆ नेम्हा बॊलतस अरा लूर ती निन्द्रका ती बॆस नामे ख़क्खका र'अनर, आरिन ई नलख नू ओक्त'ओत।
एका ओर्तस सैनस र'अदस, आस तंगन ख़ॆख़ेल ता नलख गुट्ठी नू मल बझाब'अदस, लिकिन आस फउद मुद्धासिन खुसमारत'आ गे बेद्ददस।