त‍इरकर 6:14 - पुना गच्छरना NT (BSI)

¹⁴ अरा ऎम गा ईसी एन्ने ब'अनन मेंजकम का नासरेत ता येसुस ई अड्डन नठाब'ओस अरा मूसस नमा चिच्का चाल गुट्ठिन बदल'ओस चि'ओस।”

त‍इरकर 6:14 ပူးပေါင်းရင်းမြစ်များ

त‍इरकर 21:21

आर निंग्‍है पत्त नू मेंजकानर का नीन नन-यहूदी आलर नू र'ऊ यहूदी आलारिन मूसासी नॆग ती किर्रा काला गे सिखाब'अदय, अरा ब'अदय का निम्‍है ख़द्दर ही खतना नन्‍त'आ मला अरा चाल गुट्ठी ही लेक्‍खा अमा ऎका।

त‍इरकर 15:1

जोक्‍क आलर यूदेया राजी ती सीरिया राजी ता अन्‍तियोख़ेया बरचर ती नन-यहूदी पत्त'उरिन एन्ने सिखाब'आ लगियर, “मूसासी सिखाबाचका नॆग ही लेक्‍खा निम्‍है खतना मल मनो होले नीम नाड़र'आ पोल्‍लोर।”

गलातिया 3:23

लिकिन पत्त'अना ही बरना ही मुन्‍द अदही दहदर मन्‍ना बेड़ा गूटी नाम नॆग ही ऎरना ख़ॊजना नू खुटरका उइरका रहचकत।

गलातिया 3:19

ईगे नॆग ही चाड़ एन्‍द्रा रहचा? ख़ॆख़ेल ता आलर गे अक्‍का-बलकन अख़त'आ गे का? ईद अब्राहमसी पिड़ही ही बरना गूटी र'ओ, अदगे गच्‍छरका रहचा, अरा धर्मेस तंग्‍है नॆगन मेर्ख़ा पैकर ती मूसासिन चिच्‍चस। एकास धर्मेस अरा आलर ही चिलकठवा रहचस।

त‍इरकर 28:17

तीन उल्‍ला ख़ॊख़ा पौलुस यहूदीर ही मुद्ध आलारिन मीख़ियस। आर जुम्मरर ख़ने आरिन बाचस, “अना भ‍ईरो, ऎन नम्‍है आलर ही बिड़दो महले नम्‍है पूरखर ही चाल ही बिड़दो नू एन्‍देर हूँ मल नंजकन। अन्नु हूँ ऎन येरुसलॆम नू हॆंरकन ती रोमीर ही ख़ेक्खा नू सोंपतारकन।

यॊहनस 4:21

येसुस अदिन बाचस, “अनय आली! एंग्‍है कत्‍थन पत्त'अय, बेड़ा बर'आली, आ बारी नीम धर्मे बंगासिन ई परता नू हूँ मला महले येरुसलॆम नगरे नू हूँ मल महबा ननोर।

लू‍कस 21:6

“नीम ऎरदर ईद उर्मी, आ उल्‍ला बर'ओ का पखना म‍इय्याँ पखना मल र'ओ, उर्मी दिम धंसतार'ओ कालो।”

त‍इरकर 26:3

एन्‍देरगेका नीन यहूदीर ही उर्मी चाल गुट्ठिन अरा उर्मी आनानख्रना ही कत्था गुट्ठिन बॆस गने अख़दय। औंगे ऎन गोहरारदन का नीन एंग्हैन खतीर गने मेना।

त‍इरकर 25:8

पौलुस तंग्‍है पत्त नू आनाकिर्ताचस, “ऎन यहूदीर ही नॆग ही बिड़दो महले धर्मेसी मन्दिर ही बिड़दो महले कैसरसी बिड़दो एन्‍देर हूँ पाप मल नंजकादन।”

लू‍कस 21:24

आर तबेल ती पिटतार'ओर, अरा उर्मी राजी नू हें'अरकी होतार'ओर। अरा नन-यहूदी आलर ही उल्‍ला अरगी मन्ना गूटी येरुसलॆम आर ही आकुस नू र'ओ।

मरकुस 14:58

“ऎम ईसिन एन्ने ब'अना मेंजका र'अदम, ‘ऎन आलर ती कमचका ई धर्मेसी मन्दिर आबोन धस'ओन चि'ओन, अरा तीन उल्‍ला नू ऎन नन्ना कम'ओन, आद आलर ही ख़ेक्खा ती कमरका मल र'ओ’।”

मत्तायोस 26:61

आर बाचर, “ऎम ईसिन एन्ने ब'अना मेंजका र'अदम, ‘ऎन धर्मेसी ई मन्दिर आबोन धंस'आ ओंग्दन, अरा तीन उल्‍ला नू ऎन कम'आ ओंग्‍दन।’”

यॊहनस 2:19

येसुस आनाकिर्ताचस, “ई धर्मेसी मन्दिर आबोन धंस'आ चि'आ, ऎन इदन तीन उल्‍ला नू कम'ओन चि'ओन।”