त‍इरकर 6:1 - पुना गच्छरना NT (BSI)

¹ अबड़ा उल्‍ला नू पत्त'ऊ आलर बग्‍गे मन्नुम कालालियर ख़ने, युनानी भखा कछनख्र'ऊ यहूदी पत्त'ऊ आलर इब्रानी भखा कछनख्र'ऊ यहूदी पत्त'ऊ आलारिन कुटमुटर'आ हेलरर, एन्‍देरगेका एम्‍है रड़ियाहीर गे उर्मी उल्‍ला ता मंडी बटा बॆस लगे मल ख़क्‍ख्र'ई।

त‍इरकर 6:1 ပူးပေါင်းရင်းမြစ်များ

मत्तायोस 23:13

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम आलर ही मुन्‍दहारे मेर्ख़ा बलिन मुच्‍चदर। नीमिम हूँ कोरदर मला अरा कुर'उरिन हूँ कोर'आ मल चि'अदर। [

त‍इरकर 11:20

लिकिन अबड़र नू जोक्‍कोर कुप्रोस टापू अरा कुरॆनॆ नगरे ता आलर रहचर। अरा अबड़र अन्‍तियोख़ेया अंड़सियर ती नन-यहूदी आलारिन हूँ उर्बा येसुसी दौ कत्‍था तेंगा लगियर।

त‍इरकर 11:26

अरा आसिन बिद्दियस ती अन्‍तियोख़ेया ओन्‍द्रस। अबड़र इरबारिम ओन बछर गूटी अइय्या ता कलीसिया नू रहचर ती नगदे बग्‍गे आलारिन सिखाब'आ लगियर। अरा अन्‍तियोख़ेया नू उर्मी ती मुन्‍द पत्त'ऊ आलर मसीर बातारर।

त‍इरकर 11:29

तहाँ पत्त'ऊ आलर यूदेया राजी ता भ‍इय्‍योर ही सहाड़ा गे ओर्मर तम्‍है ओंगना लेक्‍खा रुपया त‍इय्या गे सलहा मंजर।

त‍इरकर 2:41

एकार पतरसी कत्‍थन पत्ताचर आर नॊड़रर। अउलम तीन हजार केम आलर चेलर गने मेसरर।

त‍इरकर 2:45

आर तम्‍है जिनिसन अरा कुर्जिन बीसालियर अरा अदही ढिबन ओर्मर ही चाड़ ही लेक्‍खा ओर्मर गे ख़ट्टालियर।

त‍इरकर 2:47

अरा धर्मेसी ओहमा ननालियर ती उर्मी आलर ती मया ख़क्‍खियर। अरा नॆ नॆ नाड़र'आलियर आरिन उर्बस उर्मी उल्‍ला आर नू मेस'आलियस।

त‍इरकर 4:35

त‍इरकर गुसन ओन्‍द्र'आ चि'आ लगियर। अरा नॆका चाड़ मना लगिया अन्नेम ख़ट्टा चि'आ लगियर।

त‍इरकर 4:4

लिकिन नॆ आर ही तेंगनन मेंजका रहचर, अत्रु ढ़ॆर आलर पत्ताचर। अक्‍कु मलागूटी मॆतर पाँच हजार पत्त'ऊ आलर मंजर केरर।

त‍इरकर 5:14

अरा नगदे बग्‍गे मॆतर अरा मुक्‍कर उर्बा येसुसिन पत्त'आ लगियर। अरा आर पत्त'ऊ आलर ही खोंड़हा नू मेसर'आ लगियर।

त‍इरकर 5:28

“ऎम निमन चेताबाचकम ती पॆसका मल चिच्‍चकम का ई नामे ती अमके सिखाब'आ? अन्नु हूँ नीम गोट्‍टा येरुसलॆम ता उर्मी आलारिन आसी पत्त नू तिंकर चिच्‍चकर। अरा आसी पिटका ही बदी एम्‍है म‍इय्याँ नना लगदर।”

त‍इरकर 6:2

ख़ने अबड़ा बारो त‍इरकर ओर्मा पत्त'ऊ आलारिन तम्‍है गुसन मीख़ियर ती बाचर, “ईद दौ मलकी का ऎम धर्मेसी कत्‍था तेंगनन अम्बरकी मंडी ख़ट्टना नू र'ओम।

त‍इरकर 6:7

तहाँ धर्मेसी कत्‍था बिंड़रनुम केरा अरा येरुसलॆम नू पत्त'ऊ आलर ही गनती बग्‍गे मन्नुम केरा। अरा बग्‍गे यहूदी नैगर हूँ पत्ताचर अरा मनचर।

त‍इरकर 9:29

अरा आस युनानी भखा कछनख्र'ऊ यहूदी आलर गने कछनख्र'आ अरा आनानख्र'आ लगियस। आर गा आसिन पिटा गे चिहुट नना लगियर।

त‍इरकर 9:39

ख़ने पतरस चॊचस ती आर ही गने केरस। आस योप्‍पॆ अंड़सियस ख़ने, आलर आसिन मचा कुटली नू होच्‍चर। असन उर्मी रड़ियाहीर चींख़नुम आसी गुसन बरचर ती इज्‍जर ती अबड़ा किचरी गुट्ठिन ऎद'आ लगियर, एकदन दोरका आर ही गने रहचा ख़ने कमचकी रहचा।

त‍इरकर 9:41

पतरस तंग्‍है ख़ेक्खा ती अदिन चॊदस। अरा आस पत्त'ऊ आलारिन अरा रड़ियाहीरिन मीख़ियस ती अदिन आर गे उज्‍जना ऎदस।

रोमी 12:7

अन्नेम नॆका तेतर-सुसर नन्ना ही ख़ंजपा ख़क्ख्रकी र'ई होले, आस तेतर-सुसर नन्‍ना नू बोथ्रका र'अना र'ई। अरा नॆका सिखाब'अना ही ख़ंजपा ख़क्ख्रकी र'ई होले, आस सिखाब'अना नू बोथ्रका र'अना र'ई।

1 कोरिन्‍थ 10:10

अरा अबड़र ती जोक्‍कोर कुनमुनरर ती पिटना मेर्ख़ा पैकस ती नठाबारर। अन्ने नीम हूँ अमा कुनमुनर'आ।

2 कोरिन्‍थ 11:22

आर लेका इब्रानी आलर का? ऎन हूँ इब्रानी आलन हिकदन। आर लेका इस्राऎल आलर का? ऎन हूँ इस्राऎल आलन हिकदन। आर लेका अब्राहमसी बनस ता आलर हिकनर का? ऎन हूँ अब्राहमसी बनस ता हिकदन।

फिलिप्‍पी 3:5

एंग्हा कुन्द्रका ती आठ उल्ला नू एंग्है खतना मंजा, अरा ऎन इस्राऎल आलर ता हिकदन, अरा ऎन बेनियमिन गोतोर ता हिकदन, अरा एंग्है अयंग बंगर निमन इब्रानी आलर हिकनर ती ऎन हूँ निमन इब्रानी आलन हिकदन, अरा मूसासी नॆग उर्मिन पॆस्रना ही पत्त नू गा ऎन फरिसी हिकदन।

1 तीमोथियुस 5:3

रड़ियाहीर नू नॆखा संगरा ननू नॆ हूँ मलकर आर गे संगरा नना।

1 तीमोथियुस 5:9

एका रड़ियाही ही बछर साठ ती बग्‍गे र'ओ अरा ओन्‍टे लेका मॆतस ही मुक्‍का रहचकी र'ओ, होले दिम आद ही नामेन रड़ियाहीर ही सूची नू अरगके।

इब्रानी 13:1

तंग्‍है ती नन्नारिन भ‍ई बहिन बेसे चोन्‍हा नन्ना नू बन्चका र'आ।

याकॊब 1:27

टुरर अरा रड़ियाहीर ही दुक्‍खे नू आरिन ऎरना ख़ॊजना, अरा तान तंगन ख़ॆख़ेल ता सोतबोड़'आ ती तरकूटी उइय्ना दिम नम्‍है धर्मे बंगासी ऎरना नू निमन अरा बिगर दगहा भगती हवे।

याकॊब 4:5

“नम्है नू ओक्कर'आ गे धर्मेस नमा गे चिच्का नेम्हा बॊलतस, नाम आसी आलर र'आ गे दिम कोड़हे पत्तारदस,” एन्ने नेम्हा पुथी नू अनभनियाँ ती लिख्रकी र'ई एन्ने नीम अमा सोच'आ।

याकॊब 5:9

अना भईरो, नीम ओर्त ओर्तर ही बिड़दो नू अमा हउडउर'आ, होले नीम नेंवई मल नन्तार'ओर। ऎरा, नेंवई ननुस चाड़हेम बर'ऊ र'अदस।