त‍इरकर 5:5 - पुना गच्छरना NT (BSI)

⁵ हनानियास ई कत्‍थन मेंजस ती असानिम खत्तरस ती केच्‍चस केरस। इदही पत्त नू मेंजका आलर ओर्मर म‍इय्याँ इल्चक'आ कोरचा केरा।

त‍इरकर 5:5 ပူးပေါင်းရင်းမြစ်များ

त‍इरकर 13:11

ऎरा! अक्‍कुनिम उर्बस निंगन दंडे चि'ओस, नीन अन्धहा मनोय अरा जोक्‍क उल्‍ला बीड़ी ही बिल्‍लिन ऎरा पोल्‍लोय।” आ बारिम आसी ख़न्न धुन्‍द्रा मंजा केरा अरा ऊख़ा मंजा केरा। अरा आस अत्रा इत्रा कप्‍पा कुद्दियस का नेक‍ईम आसिन ख़ेक्खन धर'अरकी हो'ओर।

त‍इरकर 2:43

ओर्मर म‍इय्याँ इल्चका कोरचा केरा, अरा नगदे कोहाँ कोहाँ अजगुत नलख अरा चिन्‍हा त‍इरकर ती मनालिया।

त‍इरकर 5:13

नन्ना आलर नॆखा हूँ ‍आर ही गने मेसरा गे डिढ मल मना लगिया। अन्नु हूँ आलर आरिन नगदे म‍ईन नना लगियर।

1 कोरिन्‍थ 4:21

नीम एन्‍देर बेद्ददर? ऎन टेम्पा धर'ओन ती बर'ओन का, महले चोन्‍हा अरा लुदऊ जिया ही बॊलता गने बर'ओन का?

2 कोरिन्‍थ 13:10

ऎन निम्है ती गेच्छा नू र'अना बारी इबड़ा कत्थन इदगे लिखदन का, ऎन निम्है गुसन बर'ओन ख़ने, उर्बस एंगा चिच्का अदिया ती निम्है गने सकत गने इन्द्रिइम नन्ना मल मनो। एन्‍देरगेका एंगा ई अदिया निमन बगड़'आ गे मला कम'आ गे चीतारकी र'ई।

2 कोरिन्‍थ 13:2

ऎन दोसर खेप निम्है गुसन बरचकन ख़ने, मुन्द दिम ऎन निमन चेताबाचकन। ऎन अक्‍कु निम्है गुसन मल र'अदन, अन्नु हूँ ऎन अउरिम निमन चेताब'अदन। ऎन अउर निम्है गुसन बर'ओन होले, नॆ मुन्द पाप नंजकानर अरा नॆ अक्कु पाप नन्नर, नॆकन हूँ सोग्‍गे मल ऎरोन।

2 कोरिन्‍थ 7:11

नीम ऎरा का, नीम एका दुक्खेन धर्मेसी मने ही लेक्खा इंझ्रकर, अत्रु ती निमा एवंदा भगती आबोन कुन्द्रा। नीम बिगर बदी आलर एन्ने ऎद'आ गे एवंदा अंगियारदर, अरा एवंदा कैर नन्दर, अरा एवंदा इल्‍चदर, अरा एवंदा चीबाख़ारदर, अरा एवंदा रिझ, अरा नेंवई मन्नन ऎरा गे एवंदा मने नन्दर। ई लेक्‍खा नीम ई पत्त नू उर्मी तरती बिगर बदी मना गे पुरुब नंजकादर।

दहदर मंजका कत्‍था 11:13

अरा आ बारिम ओन्टा कोहाँ ख़ॆख़ेल नुकुरना मंजा, अरा नगरे ही दस ती ओन भाग बिड़्रिया केरा। अरा आ ख़ॆख़ेल नुकुरना ती सात हजार आलर केच्‍चर केरर। अरा बछ्रका आलर इल्‍चियर केरर, अरा मेर्खा ता धर्मेसी महबा नंजर।

दहदर मंजका कत्‍था 11:5

अरा नेकईम आरिन सस्ती नना बेद्दनर होले, आर ही बई ती चिच्‍ची उरखरकी आर ही बैरीरिन बस्‍सी चि'ई। अरा नेकईम आरिन सस्ती नना बेद्दनर होले, आर एन्नेम खे'अना र'ई।