त‍इरकर 5:36 - पुना गच्छरना NT (BSI)

³⁶ जोक्‍क उल्‍ला मुन्‍द थेउदास दहदर मंजस, आस ऎन कोहाँ आलस र'अदन बाचस, अरा चार सौ केम आलर आसी ख़ॊख़ा ईकू आलर रहचर। लिकिन आस पिटतारस, अरा आसी पॆस्र'ऊ आलर ओर्मर छितियारर केरर अरा आर एन्‍देर हूँ नना पोल्‍लर।

त‍इरकर 5:36 ပူးပေါင်းရင်းမြစ်များ

मत्तायोस 24:24

एन्‍देरगेका जोक्‍कोर फसक‍ट'ओर ती ‘ऎन मसी हिकदन’ ब'ओर अरा जोक्‍कोर फसकट'ओर ती ‘ऎन धर्मेसी कत्‍था तिंगुस’ ब'ओर। अरा बेड़ाब'आ गे आर कोड़हे चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

मत्तायोस 24:26

औंगे निक‍ईम निमन ब'ओर, ‘ऎरा, आस टुंगरी नू र'अस’ होले, बहरी अमके उरखा, अरा ‘आस एड़पा भितरि कुठली नू र'अस’ ब'ओर होले अमके पत्त'आ।

मत्तायोस 24:5

एन्‍देरगेका नगदे आलर एंग्‍है नामे ती बर'अरकी ‘ऎन मसीस हिकदन’ ब'ओर ती कोड़हे आलारिन ठक'ओर।

त‍इरकर 21:38

नीन आ मिसर आलय मलदय का, एकास जोक्‍क उल्‍ला मुन्‍द हुलहुली नंजस ती चार हजार बलवा ननुरिन टोड़ंग तरा डगराचस होच्‍चस?”

त‍इरकर 5:35

अरा कोहाँ सभा ता आलारिन बाचस, “इस्राऎल आलारो, नीम चिहुंक र'आ का इबड़ारिन एन्‍देर नना बेद्दालदर।

त‍इरकर 8:9

सिमॊन नामे ही ओन्टा आलस आ नगरे नू रहचस। आस नस'आ लगियस ती समारिया ता आलारिन अकबक नना लगियस। अरा तंगन कोहाँ आल ब'आ लगियस।

गलातिया 2:6

अरा कलीसिया ता मुद्धर एकार एका कोहाँ मुध होले हूँ आर एंग्हा तिंका दौ कत्‍था गने इन्द्रिइम मल जोड़चकर। आर कोहाँ मुध र'ओर महले सन्नी र'ओर, एंगा गे अदही नू एन्‍द्रा हूँ सोच मलकी। धर्मेस नॆख'आ हूँ मुहिन ऎररकी नेंव‍ई मल नन्‍दस।

गलातिया 6:3

एन्‍देरगेका एकअम ओर्तस तंग्‍है नलख नू मानिम बुझ्रदस होले, आस तंगन ठकदस।

2 पतरस 2:18

ईर अनभनियाँ कत्था गुट्ठिन कछनख्रनर ती तम्है पत्त नू फुलई मन्नर। अरा मलदौ डहरे नू उज्जू आलर ती बछर'आ गे चिहुट ननू पुना पत्त'ऊ आलारिन ईर आल सुबहा ती बरना पेहरन ही सोतरा नलख ही चिबाख़ारनन चिबाख़ार'आ गे नन्ना ती आरिन पाप नुम र'आ गे तिहा नन्नर।

2 पतरस 2:2

अरा कोड़हे आलर आर ही कोड़हे सोतरा उज्जा ओक्कना नू ऎकोर। अरा आर ही चड्डे मानी ही डहरे गे निंदा मनो।

यहूदा 1:16

ईर कुटमुटर'ऊ हिकनर, अरा नन्नर ही मइय्याँ गुन्हा बिद्दू हिकनर। अरा आर तम्है मलदौ चिबाख़ारना ही लेक्खम ऎकनर। अरा आर तम्है पत्त नू फुलई ही कत्थन मन्नर। अरा आर तम्है फयदा गे नन्नारिन हक'आ कुद्दनर।

दहदर मंजका कत्‍था 17:3

इदही ख़ॊख़ा नेम्हा बॊलतस एंगन तंग्है आकुस नू नंजस, अरा आ मेर्ख़ा पैकस एंगन टोड़ंग तरा होच्‍चस। अरा असन ऎन ओन्टा आलिन ओन्टा ख़ॆंसो मेक्‍खो नू उक्‍का ईरकन। आ मेक्‍खो ही गोट्टा मॆद नू धर्मेसी हींड़ना कत्‍था गुट्ठी लिख्रकी रहचा। अरा अदही सात गोटा कुक्कु अरा दस गोटा मरग रहचा।

दहदर मंजका कत्‍था 17:5

अरा अदही कपड़े नू ओन्टा गम ही नामे लिख्रकी रहचा, “कोहाँ बाबुलॊन! बेस्वार अरा ख़ॆख़ेल ता उर्मी घिनघिना नलख गुट्ठी ही तंगियो।”