त‍इरकर 5:27 - पुना गच्छरना NT (BSI)

²⁷ आर त‍इरकारिन ओन्‍द्रर ती कोहाँ सभा ही मुन्‍दहारे इजताचर। ख़ने कोहाँ नैगस आरिन मेंजस,

त‍इरकर 5:27 ပူးပေါင်းရင်းမြစ်များ

मत्तायोस 5:22

लिकिन ऎन निमन ब'अदन का, एका ओर्तस तंग्‍है भईस मलता बहिन आबोन खींस मन्‍दस होले आस दं‍डे ख़क्‍खोस। अरा एका ओर्तस तंग्‍है भईस मलता बहिन आबोन मलदौ ब'अदस होले आस महासभा नू दं‍डे जॊगे मनोस। अरा एका ओर्तस एक‍अम ओर्तासिन ‘अना बोया’ ब‍'अदस होले आस नरक ही चिच्‍ची ही जॊगे मनोस।

लू‍कस 22:66

बिज्‍जया ख़ने सभा ही पचगी मुद्धर अरा मुध नैगर अरा नॆग सिखाब‍'उर ख़ॊंड़रर। आर येसुसिन तम्‍है कोहाँ सभा नू ओन्‍द्रर ती मेंजर।

त‍इरकर 22:30

दोसर उल्‍ला फउद उर्बस यहूदी आलर एन्‍देरगे पौलुस म‍इय्याँ बदी ठेका बाचर, इदन ठौका ठौका अख़'आ बिद्दियस। औंगे आस आसी हॆंचकन कुल्‍लियस चिच्‍चस ती मुध नैगर अरा गोट्टा कोहाँ सभा ता आलारिन ख़ॊंड़र'आ गे आनियस। फिन आस पौलुसिन बहरी ओन्‍द्रस ती आर ही मुन्‍दहारे इजताचस।

त‍इरकर 4:7

आर पतरस अरा यॊहनसिन मझी नू इजताचर ती इबड़ा कत्‍थ‍न मेना हेलरर, “नीम एका सवंग ती मलता एका नामे ती ई नलख आबोन नंजकर?”

त‍इरकर 5:21

आर इदिन मेंजर ती बिज बेड़ा नू धर्मेसी मन्दिर नू कोरचर ती सिखाब'आ हेलरर। तहाँ कोहाँ नैगस अरा आसी संगेर बरचर ती इस्राऎल ही उर्मी सेयान आलर र'अना कोहाँ सभा आबोन मीख़ियर। अरा जोक्‍क आलारिन जेहेल ती त‍इरकारिन ओन्‍द्र'आ गे त‍इय्यर।

त‍इरकर 5:34

आ बारी ओर्मा आलर ती म‍ईन ख़क्ख्रका नॆग सिखाब'ऊ गमालिऎल नामे ओन्‍टा फरिसीस कोहाँ सभा नू इज्‍जस अरा त‍इरकारिन एगघड़ी गे बहरी त‍इय्या गे आनियस।

त‍इरकर 6:12

अरा आर आलारिन अरा सेयान आलारिन अरा नॆग सिखाब'उरिन स्‍तेफनोसी बिड़दो नू तोतकाचर। फिन आर स्‍तेफनोसिन धरचर ती कोहाँ सभा नू होच्‍चर।