त‍इरकर 5:26 - पुना गच्छरना NT (BSI)

²⁶ ख़ने धर्मेसी मन्दिर ख़ापुर ही मुद्धस सैनर गने केरर ती आरिन ओन्‍द्रर, लिकिन बड़पेलहा मला, एन्‍देरगेका आर आलारिन एलचियर का आलर तमन पखना ती लोड़ग'ओर।

त‍इरकर 5:26 ပူးပေါင်းရင်းမြစ်များ

मत्तायोस 14:5

अरा आस आसिन पिटा बेद्दा लगियस, लिकिन आस आलर ती एल्‍चा लगियस, एन्‍देरगेका आर आसिन धर्मेसी कत्‍था तिंगुस सोच'आ लगियर।

मत्तायोस 21:26

लिकिन आलर आकुस चिच्‍चर ब'ओत होले, आलर ती इल्चका र'ई। एन्‍देरगेका ओर्मर यॊहनसिन धर्मेसी कत्‍था तिंगू मननर।”

मत्तायोस 26:5

लिकिन आर ब'आलियर, “परब ही उल्‍ला नू मला, एन्ने अम्‍बन मना का आलर नू हुलहुली चो'ओ।”

मत्तायोस 26:58

लिकिन पतरस गेच्‍छा ती येसुसी ख़ॊख़ा ख़ॊख़ा कोहाँ नैगासी चाली गूटी केरस। अरा भितरी केरस ती एन्‍देर मनो अदिन ऎरा गे धर्मेसी मन्दिर ख़ा‍पुर गने उक्‍कियस।

लू‍कस 20:19

आ बारिम नॆग सिखाब'उर अरा मुध नैगर आसिन धर'आ बेद्दा लगियर, एन्‍देरगेका आर बुझुर ख़च्चिका रहचर का येसुस आर ही बिड़दो ई जोक्‍खा ख़ीरिन बाचकाचस। लिकिन आर आलारिन इल्‍चियर।

लू‍कस 20:6

अरा आलर आकुस चिच्‍चर एन्ने ब'ओत होले, ओर्मा आलर नमन पखना ती लोड़ग'ओर। एन्‍देरगेका आर पत्ताचर का यॊहनस धर्मेसी कत्‍था तिंगुस रहचस।”

लू‍कस 22:2

मुध नैगर अरा नॆग सिखाब‍'उर येसुसिन पिटा गे आलर नम्‍है बिड़दो नू इन्द्रिइम ननोर एन्ने एल्‍चियर ती एकासे आसिन पिटोत बाचर ती मोका बेद्दालियर।

लू‍कस 22:4

ख़ने आस मुध नैगर अरा धर्मेसी मन्दिर ख़ापुर ही मुद्धर गुसन कछनख्र'आ गे केरस का एका बने घत ती येसुसिन धरत'आ गे आर गे संगे चि'आ ओंगोस।

त‍इरकर 4:21

ख़ने आर पतरस अरा यॊहनसिन फिन एलेकताचर ती अम्‍बियर चिच्‍चर। अरा आर आरिन दंडे चि'आ गे एन्‍देर ओट्टा हूँ मल ख़क्‍खरा, एन्‍देरगेका ई मंजका पत्त नू उर्मी आलर धर्मेसी ओहमा नना लगियर।

त‍इरकर 5:13

नन्ना आलर नॆखा हूँ ‍आर ही गने मेसरा गे डिढ मल मना लगिया। अन्नु हूँ आलर आरिन नगदे म‍ईन नना लगियर।

त‍इरकर 5:22

लिकिन आ सैनर जेहेल नू अंड़सियर ती त‍इरकारिन असन मल ख़क्‍खियर। अरा आर किर्रियर ती हलन तिंगियर।

त‍इरकर 5:24

इदिन मेंजर ती धर्मेसी मन्दिर ख़ापुर ही मुद्धस अरा मुध नैगर आर ही पत्त नू सोच नू मंजर केरर अरा अकबकरर का ईद एन्‍देर मना लगी।

त‍इरकर 5:25

आ बारिम एक‍अम ओर्तस बरचस ती तिंगियस, “नीम जेहेल नू मुच्‍चका रहचकर, आर धर्मेसी मन्दिर चाली नू इज्‍जर ती आलारिन सिखाब'आ लगनर।”