त‍इरकर 5:21 - पुना गच्छरना NT (BSI)

²¹ आर इदिन मेंजर ती बिज बेड़ा नू धर्मेसी मन्दिर नू कोरचर ती सिखाब'आ हेलरर। तहाँ कोहाँ नैगस अरा आसी संगेर बरचर ती इस्राऎल ही उर्मी सेयान आलर र'अना कोहाँ सभा आबोन मीख़ियर। अरा जोक्‍क आलारिन जेहेल ती त‍इरकारिन ओन्‍द्र'आ गे त‍इय्यर।

त‍इरकर 5:21 ပူးပေါင်းရင်းမြစ်များ

मत्तायोस 5:22

लिकिन ऎन निमन ब'अदन का, एका ओर्तस तंग्‍है भईस मलता बहिन आबोन खींस मन्‍दस होले आस दं‍डे ख़क्‍खोस। अरा एका ओर्तस तंग्‍है भईस मलता बहिन आबोन मलदौ ब'अदस होले आस महासभा नू दं‍डे जॊगे मनोस। अरा एका ओर्तस एक‍अम ओर्तासिन ‘अना बोया’ ब‍'अदस होले आस नरक ही चिच्‍ची ही जॊगे मनोस।

लू‍कस 22:66

बिज्‍जया ख़ने सभा ही पचगी मुद्धर अरा मुध नैगर अरा नॆग सिखाब‍'उर ख़ॊंड़रर। आर येसुसिन तम्‍है कोहाँ सभा नू ओन्‍द्रर ती मेंजर।

यॊहनस 18:35

पिलातुस किर्त'अर बाचस, “ऎन यहूदी मलदन। निंग्‍है आलर दिम अरा आर ही मुध नैगर निंगन एंग्‍है ख़ेक्खा नू सोंपचका र'अनर। नीन एन्‍देर नंजकय?”

यॊहनस 8:2

अरा पैरी बारी आस धर्मेसी मन्दिर चाली नू अउरिम बरचस। ख़ने ओर्मा आलर आसी गुसन बरचर, अरा आस उक्‍कियस ती आरिन सिखाब'आ हेलरस।

त‍इरकर 22:15

एन्‍देरगेका नीन उर्मी आलर गे आसी गोवाह मनोय, एकदन नीन ईरकय अरा मेंजकय।

त‍इरकर 22:5

इबड़ा कत्‍था गे कोहाँ नैगस अरा सभा ही उर्मी सेयान आलर गोवाह र'अनर। ऎन आर ही ती दमसकोस ता यहूदी भइय्योर गे चिठी होच्‍चकन। ई डहरे नू ईकू आलारिन हें'ओन ती येरुसलॆम ओन्‍द्र'ओन ती दंडे चि'आ गे दमसकोस काला लिक्‍कन।

त‍इरकर 5:17

तहाँ कोहाँ नैगस अरा आसी गने रहचका संगेर सदुकी आलर कैर ती भरमारर केरर।

त‍इरकर 5:27

आर त‍इरकारिन ओन्‍द्रर ती कोहाँ सभा ही मुन्‍दहारे इजताचर। ख़ने कोहाँ नैगस आरिन मेंजस,

त‍इरकर 5:34

आ बारी ओर्मा आलर ती म‍ईन ख़क्ख्रका नॆग सिखाब'ऊ गमालिऎल नामे ओन्‍टा फरिसीस कोहाँ सभा नू इज्‍जस अरा त‍इरकारिन एगघड़ी गे बहरी त‍इय्या गे आनियस।

त‍इरकर 5:41

त‍इरकर रिझ मंजर ती कोहाँ सभा एड़पा ती उरखर। एन्‍देरगेका आर येसुसी नामे चड्डे मार मॊख़ा गे अरा लज्‍जे मॊख़र'आ गे जॊगे गन्‍तारर।