त‍इरकर 5:16 - पुना गच्छरना NT (BSI)

¹⁶ येरुसलॆम ही अड्डे-बेड्डे ता नगरे गुट्ठी ती हूँ बग्‍गे आलर रोगियारिन अरा मलदौ बॊलता गुट्ठी ती धरचका आलारिन ओन्‍द्र'आ लगियर, अरा आर ओर्मर कोड़े मना लगियर।

त‍इरकर 5:16 ပူးပေါင်းရင်းမြစ်များ

मत्तायोस 2:16

ख़ने हॆरॊदॆस बॆलस अबड़ा लूरगर आलर एंगन ठकचकानर बाचस ती नगदे कैरारस। ख़ने आस बॆतलहेम अरा अदही उर्मी सिवान ता उर्मी ख़द्दारिन फउद तइय्यस ती पिटताचस, अन्नेम अबड़ा लूरगर आलर ती मेंजका उल्ला ही लेक्खा अबड़ा पिटतारका ख़द्दर ऎंड़ बछर ख़द्दर महले अदिन ती जुक्‍की ही रहचर।

मत्तायोस 4:24

येसुसी पत्त ता कत्‍था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्‍द्र'आ लगियर। अरा आस आरिन उजग'आ लगियस।

मत्तायोस 8:16

बीड़ी पुत्तिया ख़ने कोड़हे आलर नाद लक्‍का आलारिन आसी गुसन ओन्द्रर ती बरचर। येसुस कत्‍था लेका तिम अबड़ा बॊलता गुट्ठिन ओथ्रस अरा ओर्मा रोगियारिन कोड़े नंजस।

लू‍कस 5:17

उन्‍दुल येसुसी सिखाब'अना बेड़ा फरिसीर अरा नॆग सिखाब'उर असन उक्‍का रहचर। एकाबड़र गलिलेया जिला ही बग्‍गे पद्दा गुट्ठी ती अरा येरुसलॆम ती अरा यूदेया जिला ही नन्ना पद्दा ती बरचका रहचर। अरा कोड़े नना गे धर्मेसी सवंग येसुस गने रहचा।

लू‍कस 6:18

ईर आस ती मेना गे अरा तम्‍है रोगे ती उजगार'आ गे आसी गुसन बरचका रहचर। अरा नॆ मलदौ बॊलता गुट्ठी ती सतारका रहचर आरिन आस कोड़े नंजस।

लू‍कस 9:11

लिकिन आलर इदन अक्‍खर ती आसी ख़ॊख़ा चॊंख़्रर। अरा येसुस आरिन परघाचस, अरा आर ही गने धर्मेसी राजी ही पत्त नू तिंगियस, अरा नॆ कोड़े मना बिद्दियर आरिन कोड़े नंजस।

यॊहनस 14:12

ऎन निमन मानिमन ब'अदन, नॆ एंग्‍है मइय्याँ पत्त'अदस, आस ऎन एका नलख गुट्ठिन नंजकादन अबड़न तान हूँ ननोस। अरा ऎन बंगस गुसन कालदन ई चड्डे आस अबड़ा ती हूँ कोहाँ नलख गुट्ठिन ननोस।

त‍इरकर 4:30

नीन निंग्‍है कोहाँ सवंग आबोन ऎद'आ, एकाबारी ऎम निंग्‍है नेम्‍हा जॊंख़स येसुसी नामे ती आलारिन उजग'ओम अरा चिन्‍हा अरा अजगुत नलख गुट्ठी ननोम।”

त‍इरकर 5:15

आलर रोगियारिन सड़क गुट्ठी नू हो'आ लगियर ती पिटरी नू खटी नू कीद'आ चि'आ लगियर का पतरस अन्नु कट्टोस होले आसी ऎख़ अबड़र ती जोक्‍कोर म‍इय्याँ मनो।

त‍इरकर 5:17

तहाँ कोहाँ नैगस अरा आसी गने रहचका संगेर सदुकी आलर कैर ती भरमारर केरर।

1 कोरिन्‍थ 12:9

अरा नन्‍नस गे आ बॊलतस तिम पत्त'अना चीरकी र'ई। अरा नन्नस गे आ बॊलतस तिम कोड़े नन्‍ना ही इनाम गुट्ठी चीरकी र'ई।

याकॊब 5:16

औंगे नीम निम्है पाप गुट्ठिन ओर्त ओर्तर नू तेंग्र'आ, अरा ओर्त ओर्तर गे गोहरार'आ, होले नीम उजगार'ओर। उजगो आलासी गोहरारना सवंगिय र'ई, अरा इत्रु ती कोड़हे नलख मना ऊंगी।