त‍इरकर 4:36 - पुना गच्छरना NT (BSI)

³⁶ यॊसॆफस नामे कुप्रियोस टापू ता लेवी गोतोर ता ओर्तोस रहचस, आस गे त‍इरकर बरनबास नामे पिंजकाचर इदही माने “रिझ्रत'ऊ ख़द्दस” हवे।

त‍इरकर 4:36 ပူးပေါင်းရင်းမြစ်များ

मरकुस 3:17

अरा जेबदयुसी तंग्‍दस याकॊब अरा याकॊबसी भइय्योस यॊहन, ईर इरबर गे आस बोअनॆरगेस नामे उइय्‍यस, इदही माने “मुर्रुसी ख़द्दर” हवे।

त‍इरकर 11:30

आर अन्नेम नंजर ती इनाम आबोन बरनबास अरा स‍उलसी ख़ेक्खा नू चिच्‍चर। आर अदिन येरुसलॆम ता सेयान आलर गुसन ओन्‍द्रर चिच्‍चर।

त‍इरकर 12:25

बरनबास अरा स‍उलस तम्‍है नलखन मुंजियर अरा येरुसलॆम ती किर्रियर। अरा तम्‍है गने मरकुस बारना यॊहनसिन ओन्‍द्रर बरचर।

त‍इरकर 13:1

अन्‍तियोख़ेया कलीसिया नू कैनो बग्‍गे धर्मेसी कत्‍था तिंगू अरा सिखाब'ऊ आलर रहचर। इबड़र बरनबास अरा नीगेर बारना सिमॊन अरा कुरॆनॆ नगरे ता लूकियोस अरा बॆलस हॆरॊदॆस अंटिपसी संगे परदका मनायॆन अरा स‍उल हिकनर।

त‍इरकर 13:15

पॆसका ही पुथी अरा धर्मेसी कत्‍था तिंगुर ही पुथी ती पढ़चका ख़ॊख़ा, गोड़हा एड़पा ता मुद्धर आरिन एन्ने बाचर त‍इय्यर, “भ‍ईरो! नीम आलारिन रिझ्रता गे इन्द्रिइम ब'आ बेद्ददर होले ब'आ।”

त‍इरकर 13:2

आर उन्‍दुल उपास नन्नुम उर्बासी महबा नना लगियर ख़ने, नेम्‍हा बॊलतस बाचस, “ऎन स‍उलसिन अरा बरनबासिन एन्‍देर नलख गे मीख़कादन अदगे आरिन भिनंग नना।”

त‍इरकर 13:4

अन्नेम बरनबास अरा स‍उलस नेम्‍हा बॊलतस ती त‍इय्का ती सेलुकिया केरर अरा असलेक ती आर कोहाँ डोंगा नू कुप्रोस टापू केरर।

त‍इरकर 15:12

तहाँ ओर्मा खोंड़हा कलेकसे मंजा अरा पौलुसी अरा बरनबासी कत्‍थन मेंजा का धर्मेस आर ही ती एन्‍देर एन्‍देर चिन्‍हा दरा अजगुत नलख गुट्ठी नन-यहूदीर मझी नू नंजस।

त‍इरकर 15:2

इदही पत्त नू पौलुस दरा बरनबास अरा अबड़ा आलर गने कोड़हे आनानख्रना मंजा। औंगे कलीसिया पौलुस अरा बरनबास अरा अन्‍तियोख़ेया ता जोक्‍क पत्त'उरिन येरुसलॆम त‍इय्या गे तिगचर का असन आर ई पत्त नू त‍इरकर अरा सेयान आलर गने कछनख्र'ओर।

त‍इरकर 15:37

बरनबास गा मरकुस बारना यॊहनसिन संगे हो'आ गे तिगचस।

त‍इरकर 15:39

ई पत्त नू इरबर नू कोड़हे नग्‍गानख्रना मंजा का आर इरिबर छिन्‍डरर केरर। बरनबास मरकुसिन संगे होच्‍चस ती डोंगा ती कुप्रोस केरस।

त‍इरकर 21:16

अरा कैसरेया ती हूँ जोक्‍क पत्त'ऊ आलर एम्‍है गने केरर, अरा एमन कुप्रियोस टापू ता मनासॊन नामे ओन्‍टा पच्चा पत्त'ऊ आलस गुसन ओन्‍द्रर बरचर का ऎम आसी गुसन र'आ ओंगोम।

त‍इरकर 21:3

एकाबारी कुप्रोस टापू ऎथ्रा ख़ने, अदिन ऎम डेब्‍बा अम्‍बकम ती सीरिया राजी केरकम ती तुरोस नू इत्तकम, एन्‍देरगेका असन कोहाँ डोंगा ही माल एत्त'अना रहचा।

त‍इरकर 27:4

असलेक ती ऎम कोहाँ डोंगा ती उरखकम ती ताका मुन्‍द तरती धुकना चड्डे कुप्रोस टापू ही ओदहा नू मन्नुम केरकम।

त‍इरकर 9:27

लिकिन बरनबास स‍उलसिन इंझ्रस ती आसिन त‍इरकर गुसन होच्‍चस ती तिंगियस का उर्बस डहरे नू स‍उलस गे ऎथ्रस अरा उर्बस आसी गने कछनख्रकाचस अरा स‍उलस एकासे दमसकोस नू डिढ ती येसुसी दौ कत्‍थन तिंका रहचस।

1 कोरिन्‍थ 14:3

लिकिन धर्मेसी कत्‍थन मुन्‍द तेंगुस आलारिन बड़ियर नन्त'आ गे अरा रिझ्रत'आ गे अरा जिया सालनन चि'आ गे तेंगदस।

1 कोरिन्‍थ 9:6

महले बरनबास अरा ऎन लेका नलख नन्ना ती उज्‍जना बिज्‍जना र'ई का?

गलातिया 2:1

इदही चौदा बछर ख़ॊख़ा अउरिम ऎन बरनबास गने येरुसलॆम केरकन, अरा तीतुसिन हूँ संगे होच्‍चकन।

गलातिया 2:13

नन्‍ना यहूदी भईर हूँ पतरस गने उतुरमाड़ना नलख नंजर। अन्‍ति बरनबास हूँ उतुरमाड़ना चड्डे बेहड़ारस केरस।

गलातिया 2:9

आलर याकॊब अरा पतरस अरा यॊहनसिन कलीसिया ही कोहाँ मुद्धर लेक्‍खा सोचर। आर धर्मेस ती एंगा ख़क्‍ख्रका मया आबोन अक्‍खर। आर एंगन अरा बरनबासिन संगे नलख ननू लेक्‍खा इंझ्रर अरा रिझाबाचर का ऎम नन-यहूदीर गुसन क'ओम, अरा ताम यहूदीर गुसन क'ओर।

कोलोस्से 4:10

अरिस्‍तरख़ोस नॆ एंग्‍है गने जेहेल नू हॆंरकादस, आस निमा गे मोंजरा नन्दस। अरा मरकुस नॆ बरनबासी अंड़सका भई मन्दस, आस निमा गे मोंजरा नन्दस। मरकुसी पत्त नू नीम मुन्द दिम पॆसका ख़क्‍खका रहचकर, आस निम्है गुसन बर'ओस होले, नीम आसिन परघ'अके।