त‍इरकर 4:34 - पुना गच्छरना NT (BSI)

³⁴ अबड़र नू नॆ हूँ इन्द्रिइम जिनिस ही चांड़ नू मल रहचर, एन्‍देरगेका नॆख'आ गुसन ख़ल्ल महले एड़पा गुट्ठी रहचा अबड़न आर बीसरकी अदही दामन

त‍इरकर 4:34 ပူးပေါင်းရင်းမြစ်များ

मत्तायोस 19:21

येसुस आसिन बाचस, “नीन बड़ीयर मना बेद्ददय होले, कला, निंग्है खुर्जिन बीसा ती मलकर गे चि'आ, फिन निंगा मेर्ख़ा नू खुर्जी ख़क्‍ख्र'ओ। फिन बरा ती एंग्‍है गने चॊंख़्र'आ।”

मरकुस 10:21

येसुस आसिन नगदे चोन्‍हा नंजस अरा आसिन ऎररकी बाचस, “नीन अक्‍कुन गूटी ओन्‍टा कत्‍थन मल नंजकादय, कला, नीन निंग्‍है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्‍है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”

लू‍कस 12:33

औंगे निम्‍है खुर्जिन बीसा चि'आ अरा कीड़र गे चि'आ। अरा मल पच्‍चना ढिबा झोला अरा मल खंगर'ओ खुर्जी आबोन मेर्ख़ा नू बेन्‍द'आ। असन ख़लबर मल ख़ड़नर अरा सुरही मल मूख़ी।

लू‍कस 16:9

अरा ऎन निमन ब'अदन, ख़ॆख़ेल ही खुर्जी ती निमा संगेरिन कम'आ, एन्‍देरगेका एकाबारी खुर्जी निम्‍है ती अम्‍बर'ओ, होले ईर निमन जनमजुग ता एड़पा गुट्ठी नू परघ'ओर।

लू‍कस 22:35

अउरिम येसुस बारोरिन बाचस, “इकला ऎन निमन दौ कत्थन मेन्‍त'आ गे बिगर थ‍ईला, बिगर झोला अरा अगरहा जूता ही त‍इय्‍कन ख़ने निमा इन्द्रिइम जिनिस ही घटी मंजकीचा का?” ख़ने आर बाचर, “मला।”

त‍इरकर 2:45

आर तम्‍है जिनिसन अरा कुर्जिन बीसालियर अरा अदही ढिबन ओर्मर ही चाड़ ही लेक्‍खा ओर्मर गे ख़ट्टालियर।

त‍इरकर 4:37

आस तंग्‍है ओन्‍टा ख़ल्ल आबोन बीसियस ती अदही दामन त‍इरकर गे ओन्‍द्रस चिच्‍चस।

2 कोरिन्‍थ 8:14

ई बेड़ा नू निम्है निन्द्रका र'अना नन्नर ही चाड़न पुराब'ओ। अन्नेम नन्ना बेड़ा नू नन्नर ही निन्द्रका र'अना निम्है चाड़न पुराब'ओ। ई लेक्खम नीम इरबर हूँ ओन्टम मनोर क'ओर।

1 थेस्‍सलोनिकॆयर 4:12

तहाँ निम्‍है उज्‍जना ती सौंसार ता आलर ती मईन ख़क्‍ख्र'ओ, लिकिन निमा निम्‍है चाड़ गे आरिन असरा नन्‍ना ती उज्‍जना मल्‍ला।

1 तीमोथियुस 6:19

एन्ने नन्ना ती आर तम्‍है खुर्जिन मेर्ख़ा नू बछाब'अनर ती उइय्यनर अरा तम्‍है बरना उल्‍ला गे बड़ियर नेव उइय्यनर। इत्रु आर मानिम उज्‍जनन तम्‍है आकुस नू नन्नर।

याकॊब 1:27

टुरर अरा रड़ियाहीर ही दुक्‍खे नू आरिन ऎरना ख़ॊजना, अरा तान तंगन ख़ॆख़ेल ता सोतबोड़'आ ती तरकूटी उइय्ना दिम नम्‍है धर्मे बंगासी ऎरना नू निमन अरा बिगर दगहा भगती हवे।