त‍इरकर 4:32 - पुना गच्छरना NT (BSI)

³² पत्त'ऊ आलर ही खोंड़हा ओन जिया अरा बॊलता नू रहचर। अरा नॆ हूँ तम्‍है खुर्जी गुट्ठिन एम्‍है मल ब'आ लगियर अन्‍ति उर्मिदिम सजहा रहचा।

त‍इरकर 4:32 ပူးပေါင်းရင်းမြစ်များ

यॊहनस 17:11

अक्‍कु ती ऎन ख़ॆख़ेल नू मल र'ओन, लिकिन ईर ख़ॆख़ेल नू र'अनर, अरा ऎन निंग्‍है गुसन बरदन। अना नेम्‍हा बंगायो, नीन एंग्‍है चिच्का निंग्‍है नामे ही सवंग ती नीन आरिन ख़ापा, का ईर नम्‍है लेक्‍खा ओन्‍टेम र'ओर।

त‍इरकर 1:14

इबड़ा ओर्मर अरा जोक्‍क मुक्‍कर येसुसी तंग्यो मरियम, अरा आसी भ‍इय्योर गने ओन जिया मंजर ती गोहरारना अरा ने'अना नू र'आलियर।

त‍इरकर 2:1

पेन्‍तॆकोस्‍तॆ परब ही उल्‍ला अंड़सिया ख़ने आर ओर्मर ओन अड्डा ख़ॊंड़रका रहचर।

त‍इरकर 5:12

त‍इरकर ती आलर ही मझी नू नगदे चिन्‍हा अरा अजगुत नलख गुट्ठी मना लगिया। पत्त'ऊ आलर जम्मर धर्मेसी मन्दिर नू सालोमॊन कुड़िया ब'अना अड्डा नू उर्मी उल्‍ला ख़ॊंड़र'आ लगियर।

रोमी 12:5

अन्ने नाम हूँ ओन कुदहा र'अदत, मसी नू ओन्टा कया मनरकी नम्‍है मझी नू ओरोत ओरोत ही अंग हिकदत।

1 कोरिन्‍थ 1:10

अना भईरो! ऎन नम्‍है उर्बस येसु मसीसी आकुस ती निमन ने'अदन का नीम ओर्त ओर्त गने मेस्र'आ ती उज्‍जा, होले निम्‍है मझी नू ख़ाड़रना मल मनो। अरा नीम ओन जिया अरा ओन मने ती मेस्र'आ ती र'आ।

2 कोरिन्‍थ 13:11

छेद्दे नू अना भईरो, रिझ्र'आ, बड़ियर मना, डिढ मना, ओन जिया ती र'आ, निभर'आ ती र'आ। ख़ने चोन्‍हा अरा सान्ति ही धर्मेस निम्‍है गने र'ओस।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

1 पतरस 3:8

छेद्द नू आन्‍दन, नीम ओर्मर ओन्टे जिया ओर्त ओर्तर ही पत्त नू सोच नू र'आ, ओर्मारिन भईर लेक्‍खा चोन्हा नना, सोग्‍गे ईरू अरा लुदऊ जिया मना।

1 पतरस 4:11

ओर्तस गे कत्था मेन्त'अना ही इनाम र'ई होले, आस धर्मेस तान आसी ती ब'अना लेक्खा कत्था मेन्त'अना र'ई। ओर्तस गे सुसर नन्ना ही इनाम र'ई होले, आस धर्मेस चि'अना सवंग ती अदन नन्ना र'ई। ख़ने नीम नन्ना उर्मी कत्था गुट्ठी येसु मसीस संगरा ती धर्मेस गे महबा ओन्द्रना र'ई। आस गेम उर्मी महबा अरा सवंग उर्मी उल्ला मनन नेकअन। आमेन।