त‍इरकर 4:30 - पुना गच्छरना NT (BSI)

³⁰ नीन निंग्‍है कोहाँ सवंग आबोन ऎद'आ, एकाबारी ऎम निंग्‍है नेम्‍हा जॊंख़स येसुसी नामे ती आलारिन उजग'ओम अरा चिन्‍हा अरा अजगुत नलख गुट्ठी ननोम।”

त‍इरकर 4:30 ပူးပေါင်းရင်းမြစ်များ

यॊहनस 4:48

ख़ने येसुस आसिन बाचस, “नीम गा चिन्‍हा अरा अजगुत नलख गुट्ठिन बिगर ईरका इक्‍ला हूँ मल पत्त'ओर।”

त‍इरकर 2:22

इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

त‍इरकर 2:43

ओर्मर म‍इय्याँ इल्चका कोरचा केरा, अरा नगदे कोहाँ कोहाँ अजगुत नलख अरा चिन्‍हा त‍इरकर ती मनालिया।

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

त‍इरकर 3:16

अरा आ येसु मसीस मइय्याँ ता पत्त'अना ती अरा आसी नामे तिम ई आलस पैया ख़क्खियस, नॆकन नीम अख़दर अरा ऎरदर। अरा येसुसी म‍इय्याँ ता पत्त'अना आद दिम नीम ओर्मर ही मुन्‍दहारे ईसिन दौ गने कोड़े नंजकी र'ई।

त‍इरकर 3:6

लिकिन पतरस आसिन बाचस, “सोना अरा चाँदी गा एंग्‍‍है गुसन मल्‍ला, लिकिन एंग्‍‍है गुसन एन्‍द्रा र'ई, अदिन निंगा चि'अदन। नासरेत ता येसु मसीसी नामे ती चो'आ अरा कुद्दा नुंगा।”

त‍इरकर 4:10

नीम ओर्मर अरा इस्राऎल ही उर्मी आलर इदिन अक्‍का र'आ का नासरेत ता येसु मसीसी सवंग ती ई आलस कोड़े मंजस ती निम्‍है मुन्‍दहारे इज्‍जका र'अदस। नीम गा येसुसिन क्रुस नू ठोकचकर, लिकिन धर्मेस आसिन केचका आलर ती उज्‍जताचस चॊदस।

त‍इरकर 4:27

इसन हॆरॊदॆस अरा पोन्‍तियुस पिलातुस नन-यहूदीर अरा इस्राऎल आलर गने येरुसलॆम नू ख़ॊंड़रर ती नीन मसी कमचका निंग्‍है नेम्‍हा जॊंख़स येसुसी बिड़दो नू चॊचर।

त‍इरकर 5:12

त‍इरकर ती आलर ही मझी नू नगदे चिन्‍हा अरा अजगुत नलख गुट्ठी मना लगिया। पत्त'ऊ आलर जम्मर धर्मेसी मन्दिर नू सालोमॊन कुड़िया ब'अना अड्डा नू उर्मी उल्‍ला ख़ॊंड़र'आ लगियर।

त‍इरकर 6:8

स्‍तेफनोस धर्मेसी मया अरा सवंग ती निन्‍दियस ती कोहाँ अजगुत नलख अरा चिन्‍हा गुट्ठी ऎद'आ लगियस।