त‍इरकर 4:29 - पुना गच्छरना NT (BSI)

²⁹ उर्बायो! अक्‍कु नीन आर ही एलेकताना गुट्ठिन ऎरा अरा निंग्‍है जॊंख़र एमा गे निंग्‍है दौ कत्‍थन कोड़हे डिढ गने मेन्‍त'आ गे सवंग चि'आ।

त‍इरकर 4:29 ပူးပေါင်းရင်းမြစ်များ

त‍इरकर 13:46

पौलुस दरा बरनबास बिगर एल्‍चम बाचर, “ईद चाड़ रहचा का मुन्‍द निमा गे धर्मेसी कत्‍था तेंगना रहचा, लिकिन नीम इदिन मल इंझ्रदर, अरा नीम निमन मुंजा मलका उज्‍जना ख़क्‍खना जॊगे मल बुझुरदर। औंगे ऎम अक्‍कु इदिन नन-यहूदीरिन तेंगदम।

त‍इरकर 14:3

पौलुस अरा बरनबास बग्‍गे उल्‍ला गूटी असन रहचर अरा डिढ गने उर्बस येसुसी पत्त नू तेंगा लगियर। उर्बस हूँ आर ती चिन्‍हा अरा अजगुत नलख गुट्ठी ऎद'आ गे आर गे सवंग चिच्‍चस ती आर ही कत्‍थन मानिम ऎदस।

त‍इरकर 19:8

फिन पौलुस तीन महिना गूटी गोड़हा एड़पा काला लगियस ती धर्मेसी राजी ही प‍त्त नू डिड़गर गने यहूदी आलारिन बुझाब'आ लगियस।

त‍इरकर 26:26

बॆलस अग्रिप्‍पस हूँ गा इबड़ा कत्‍था ही पत्त नू अख़दस। औंगेम ऎन बेगर एल्‍चम ती आसिन ब'आ लगदन। ऎन अख़दन का इबड़ा कत्‍था आस ती नूख्रका मल्‍ला, एन्‍देरगेका ईद एकअम कोड़ा नू मल्‍ला मंजका।

त‍इरकर 28:31

अरा आस बिगर छेके-रुके ती डिढ गने धर्मेसी राजी ही पत्त नू तेंगा कुद्दा लगियस अरा उर्बस येसु मसीसी पत्त नू सिखाब'आ लगियस।

त‍इरकर 4:13

पतरस अरा यॊहनसी डिढ आबोन ईरियर ती अरा आर मल्‍ला पढ़चका आलर अरा आर सोया आलर बाचर ती कोहाँ सभा ता आलर अकबक मंजर केरर। फिन आर चिन्‍हचर का ईर येसुस गने रहचका आलर हिकनर।

त‍इरकर 4:21

ख़ने आर पतरस अरा यॊहनसिन फिन एलेकताचर ती अम्‍बियर चिच्‍चर। अरा आर आरिन दंडे चि'आ गे एन्‍देर ओट्टा हूँ मल ख़क्‍खरा, एन्‍देरगेका ई मंजका पत्त नू उर्मी आलर धर्मेसी ओहमा नना लगियर।

त‍इरकर 4:31

इकला आर गोहरारका रहचर अन्नेम आर ख़ॊंड़रका रहचर आ अड्डा नुक्रा केरा, अरा अबड़र जम्मर नेम्‍हा बॊलतस ती निन्‍दियर ती धर्मेसी कत्‍थन डिढ गने तेंगा हेलरर।

त‍इरकर 9:27

लिकिन बरनबास स‍उलसिन इंझ्रस ती आसिन त‍इरकर गुसन होच्‍चस ती तिंगियस का उर्बस डहरे नू स‍उलस गे ऎथ्रस अरा उर्बस आसी गने कछनख्रकाचस अरा स‍उलस एकासे दमसकोस नू डिढ ती येसुसी दौ कत्‍थन तिंका रहचस।

त‍इरकर 9:28

इदही ख़ॊख़ा स‍उलस येरुसलॆम नू आर गने काला बर'आ हेलरस अरा डिढ ती उर्बासी नामे ती दौ कत्‍थन तेंगा लगियस।

1 कोरिन्‍थ 14:13

ई चड्डेम एकास कैनो मदहे बलना भखा गुट्ठिन कछनख्रदस, आस अदही मनेन तेंगना ही सवंग ख़क्‍खा गे गोहरारदस नेकअन।

2 कोरिन्‍थ 3:12

औंगे एन्ने लेक्खा असरा एमा गे र'अना चड्डे ऎम कोड़हे डिढ गने र'अदम।

फिलिप्‍पी 1:14

अरा बग्गे पत्त'ऊ आलर एंग्है हॆंरका ती उर्बस संगरा ननोस ब'अरकी आस नू असरा नंजर ती मुन्द ती कोड़हे डिढ गने बिगर इल्चिक'आ धर्मेसी कत्‍थन मेन्त'आ लगनर।

1 थेस्‍सलोनिकॆयर 2:2

लिकिन नीम अख़दर का मुन्‍द फिलिप्‍पी नगरे नू सस्‍ती सारना पीख़्रना नू हूँ एम्‍है धर्मेस एमा गे एन्ने डिढ चिच्‍चस का ऎम बिगर अटकरका धर्मेसी दौ कत्‍थन तिंकम।

2 तीमोथियुस 4:17

लिकिन उर्बस एंग्‍है गने रहचस ती एंगा सवंग चिच्‍चस। होले ऎन दौ कत्‍था बॆस लगे तेंगा ऊंग्‍कन, अरा नॆ यहूदी मलनर आर हूँ एंग्‍है ती अदिन मेना ऊंगियर। आस एंगन पिटरना ती बछाबाचस।