त‍इरकर 4:27 - पुना गच्छरना NT (BSI)

²⁷ इसन हॆरॊदॆस अरा पोन्‍तियुस पिलातुस नन-यहूदीर अरा इस्राऎल आलर गने येरुसलॆम नू ख़ॊंड़रर ती नीन मसी कमचका निंग्‍है नेम्‍हा जॊंख़स येसुसी बिड़दो नू चॊचर।

त‍इरकर 4:27 ပူးပေါင်းရင်းမြစ်များ

मत्तायोस 14:1

आ बारी गलिलेया जिला ही राजी ख़ापुस हॆरॊदॆस अंटिपस येसुसी पत्त नू हलन मेंजस।

मत्तायोस 14:3

एन्‍देरगेका जोक्‍क उल्‍ला ही मुन्‍द हॆरॊदॆस अंटिपस बॆलस हॆरॊदिया आबोन उइय्‍काचस, एकाद हॆरॊदॆसी भइय्योस फिलिप्‍पोसी मुक्‍का रहचा। हॆरॊदॆस फिलिप्‍पोसी उज्‍जनुम अदिन उइय्यस। यॊहनस हॆरॊदॆसिन घड़ी घड़ी ब'आलियस, “निंगा निंग्ड़ीसी मुक्‍कन उइय्‍ना धर्मेसी नॆग ती बिड़दो र'ई।” ख़ने हॆरॊदिया ही चड्डे हॆरॊदॆस यॊहनसिन गुड़'आ गे सैनारिन त‍इय्‍का रहचस, अरा आसिन धर'अरकी जेहेल नू सजताचकाचस।

मत्तायोस 14:6

हॆरॊदॆसी कुन्‍दुर उल्‍ला अंड़सिया ख़ने, हॆरॊदिया ही तंग्‍दा हॆरॊदॆस अरा आसी पाहियर ही मुन्‍दहारे नलिया ती हॆरॊदॆसिन रिझ्रताचा।

मत्तायोस 21:28

नीम एन्‍देर इदही पत्त नू सोचदर? एकअम आलासी ऎनोटा ख़द्दर रहचर। आस कोहँस गुसन केरस ती बाचस, ‘बेटा, इन्ना अंगुर बटकी नू नलख नना कला।’

मत्तायोस 23:37

अना येरुसलॆम ता आलारो, नीम धर्मेसी कत्‍था तिंगुरिन पिटकर अरा नॆकन निम्है गुसन ऎन त‍इरकन आरिन पखना ल'अदर ती पिटदर। ढ़ॆर हॆल धर्मेस बिद्दयस का ख़ॆर तंग्‍है ख़द्दन डेना किइय्या ख़िवड़'ई, अन्नेम धर्मेस हूँ निम्है ख़द्दारिन ख़ेवड़'ओस, लिकिन नीम एन्ने नना मल चिच्‍चकर।

मत्तायोस 27:2

फिन आर येसुसिन हॆंचर अरा आसिन होच्‍चर ती ‍यूदेया ही रोमी राजीख़ापुस पिलातुसी ख़ेक्खा नू चिच्‍चर।

मरकुस 10:33

“ऎरा, नाम येरुसलॆम कालालदत। मनवा ख़द्दन ऎन असन मुध नैगर अरा नॆग सिखाब'उर ती हॆंर'ओन। अरा आर एंगन बदी ननोर अरा एंगन पिटा बेद्दोर अरा नॆ यहूदी मलनर आर ही ख़ेक्खा नू चि'ओर।

मरकुस 15:31

एन्ने मुध नैगर अरा नॆग सिखाब'उर ताम ताम आसिन भेंसड़ाचर ती बाचर, “ईस नन्नारिन बछाबाचस लिकिन तंगन बछाब'आ पोलदस।

लू‍कस 1:35

पैकस बाचस, “नेम्‍हा बॊलतस निंग्‍है म‍इय्‍याँ बर'ओस, अरा उर्मी ती कोहाँ धर्मेसी सवंग निंग्‍है म‍इय्‍याँ ऎख़ ननो। औंगे एका बॊलॊ ख़द्दस कुन्‍द्र'ओस आस नेम्‍हा मनोस, अरा आस धर्मेसी तंग्‍दस बातार'ओस।

लू‍कस 22:63

अक्‍कु एका सैनर येसुसिन धरचर आर येसुसिन लज्‍जे मॊख़तालियर अरा लौ'आ पस्‍स'आ लगियर।

लू‍कस 23:1

तहाँ सौंसे गोंहड़ा चॊचा ती येसुसिन राजी ख़ापू पिलातुस गुसन होच्‍चा।

लू‍कस 4:18

“उर्बासी बॊलता एंग्‍है म‍इय्याँ र'ई, इदगे का आस एंगन कीड़र गे दौ कत्‍था मेन्‍त'आ गे चज्जिकादस। अरा आस एंगन हॆंरकारिन बछरनन तेंगा गे, अरा अन्‍धारिन ऎरत'आ गे, अरा ओर्मा तिरख़रकारिन छोड़ाब'आ गे,

लू‍कस 9:22

तहाँ येसुस आरिन बाचस, “मनवा ख़द्दन एंगा गे अजम खिलपत मन्ना मनो, अरा यहूदी सेयान आलर अरा मुध नैगर अरा नॆग सिखाब'उर एंगन दुस'ओर अरा पिटोर। लिकिन ऎन तिसर उल्‍ला उज्‍जा चॊर'ओन।”

यॊहनस 1:11

आस तंग्‍है आलर गुसन बरचस, अन्नु हूँ तंग्‍है आलर आसिन मल इंझ्रर।

यॊहनस 10:36

एंग्‍है पत्त नू ईद का, एंगन बंगस चज्जियस ती एंगन ख़ॆख़ेल नू तइय्यस। होले ऎन धर्मेसी ख़द्दन हिकदन बाचका ती नीम एकासे एंगन ब'आ ओंग्‍दर का ऎन धर्मेसिन निंदा नन्‍दन?

यॊहनस 18:28

फिन आर कैफस गुस्‍ते येसुसिन रोमी राजी ख़ापुसी गढ़िया नू होच्‍चर। आ बारी बिज्‍जना बेड़ा रहचा। आर गढ़िया भितरी इदगे मल केरर का आर सोतरा मल मनोर अरा कट्टना परब ही ओन्ना-मॊख़नन मॊख़ा ओंगोर।

यॊहनस 18:29

खने पिलातुस बहरी आर गुसन बरचस ती मेंजस, “नीम ई आलासी बिड़दो नू एन्‍देर दोस नन्‍दर?”

यॊहनस 19:34

लिकिन सैनर ती ओर्तोस आसी पंजरन बरछी ती जोबचस, ख़ने लॆम ख़ॆंस अरा अम्मु उरखा।

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

त‍इरकर 2:27

एन्‍देरगेका नीन एंग्‍है बॊलतन केचकर ही मझी नू मल अम्‍बोय, अरा नीन निंग्‍है नेम्‍हा आलासिन कित्ता मल चि'ओय।

त‍इरकर 4:30

नीन निंग्‍है कोहाँ सवंग आबोन ऎद'आ, एकाबारी ऎम निंग्‍है नेम्‍हा जॊंख़स येसुसी नामे ती आलारिन उजग'ओम अरा चिन्‍हा अरा अजगुत नलख गुट्ठी ननोम।”

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।