त‍इरकर 3:6 - पुना गच्छरना NT (BSI)

⁶ लिकिन पतरस आसिन बाचस, “सोना अरा चाँदी गा एंग्‍‍है गुसन मल्‍ला, लिकिन एंग्‍‍है गुसन एन्‍द्रा र'ई, अदिन निंगा चि'अदन। नासरेत ता येसु मसीसी नामे ती चो'आ अरा कुद्दा नुंगा।”

त‍इरकर 3:6 ပူးပေါင်းရင်းမြစ်များ

मत्तायोस 10:9

नीम गोच्‍छा नू सोना महले चाँदी महले रुपा ही ढिबा अमके हो'आ।

मत्तायोस 7:22

अउला अजम बग्‍गे आलर एंगन ब'ओर, ‘अना उर्बायो! अना उर्बायो! ऎम निंग्‍है नामे ती धर्मेसी कत्था तिंकम अरा निंग्‍है नामे ती नाद गुट्ठिन ओथ्रकम अरा निंग्‍है नामे ती बग्‍गे हैकट नलख नंजकम।’

मरकुस 14:8

आद एन्‍देर नना उंगी अदिन नंजकी र'ई। ईद एंग्‍है माड़ना ही सपड़'अना नू एंग्‍है मॆद नू मुन्‍द तिम इसुंगन तुन्‍दकी र'ई।

मरकुस 16:17

अरा पत्त'उर गे इबड़ा चिन्‍हा मनो: आर एंग्‍है आकुस ती नादन ओथ्र'ओर, पुना पुना भखा कछनख्र'ओर।

यॊहनस 19:19

अरा पिलातुस ओन्‍टा दोस चिठी लिखताचस ती क्रुस नू लगाबाताचस। अरा अइय्या एन्ने लिख्रकी रहचा का, “नासरेत ता येसुस यहूदीर ही बॆलस।”

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

त‍इरकर 16:18

आद नगदे उल्‍ला गूटी एन्नेम नना लगिया। लिकिन पौलुस गोसा मंजस अरा किर्रे ईरियस ती आ बॊलतन बाचस, “ऎन निंगन येसु मसीसी सवंग ती आनदन, इदही म‍इय्याँ ती उरखय कलय।” अरा आ बॊलता आ बारिम आद ती उरखा केरा।

त‍इरकर 2:22

इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

त‍इरकर 2:36

औंगे इस्राऎल ही ओर्मा आलर इदन मानिम गने अख़'आ हो'आ का नीम क्रुस नू ठोकचका ई येसुसिन धर्मेस उर्बस हूँ अरा मसीस हूँ कमचस।”

त‍इरकर 3:16

अरा आ येसु मसीस मइय्याँ ता पत्त'अना ती अरा आसी नामे तिम ई आलस पैया ख़क्खियस, नॆकन नीम अख़दर अरा ऎरदर। अरा येसुसी म‍इय्याँ ता पत्त'अना आद दिम नीम ओर्मर ही मुन्‍दहारे ईसिन दौ गने कोड़े नंजकी र'ई।

त‍इरकर 3:5

ख़ने आस आर ही गुसले इन्द्रिइम ख़क्‍खना ही असरा ती आर ही तरा ऎरा हेलरस।

त‍इरकर 3:7

अरा पतरस आसी तीना ख़ेक्खन धरचस ती चॊदस। आ बारिम लेंगड़ासी ख़ेड्डे अरा मूका गुट्ठी नू पैया बरचा केरा।

त‍इरकर 4:10

नीम ओर्मर अरा इस्राऎल ही उर्मी आलर इदिन अक्‍का र'आ का नासरेत ता येसु मसीसी सवंग ती ई आलस कोड़े मंजस ती निम्‍है मुन्‍दहारे इज्‍जका र'अदस। नीम गा येसुसिन क्रुस नू ठोकचकर, लिकिन धर्मेस आसिन केचका आलर ती उज्‍जताचस चॊदस।

त‍इरकर 4:7

आर पतरस अरा यॊहनसिन मझी नू इजताचर ती इबड़ा कत्‍थ‍न मेना हेलरर, “नीम एका सवंग ती मलता एका नामे ती ई नलख आबोन नंजकर?”

त‍इरकर 9:34

पतरस आसिन बाचस, “ऐनेयास, येसु मसीस निंगन कोड़े नन्‍दस, चो'आ ती निंग्‍है पिटरिन तेरमा।” लॆम आस चॊचस ती इज्‍जस।

1 कोरिन्‍थ 4:11

ऎम अक्‍कुन गूटी हूँ कीड़ा अरा ओनक'आ नू र'अदम, अरा ठेठंगे र'अदम, अरा कुंहड़ारदम, अरा असन इसन ठुडुरदम जोबोरदम।

2 कोरिन्‍थ 6:10

ऎम दुक्खे सार'ऊ एन्ने सोचना ती हूँ उर्मी बेड़ा रिझ्र'ऊ आलम हिकदम। ऎम कीड़र लेख्रदम अन्नु हूँ बग्‍गेरिन उर्ब कमदम। एम्‍है गुसन एन्दरा हूँ मलकी अन्नु हूँ उर्मी जिनिसन अर्ज'अदम।

2 कोरिन्‍थ 8:12

अन्ति ओर्तस गे दान चि'आ गे अंगिय'अना र'ई होले, तंग्है औसान लेक्‍खा इन्‍द्रिइमन हूँ चीतारदस, धर्मेस अदिन इंझ्रदस। नॆख'आ तिम हूँ एन्ने असरा मल नन्तार'ई का आस अपन औसान ती बग्‍गे चि'ओस।

2 कोरिन्‍थ 8:9

नीम गा नम्है उर्बस येसु मसीसी मया आबोन अख़दर का, आस उरुब रहचका ती हूँ निम्‍है चड्डे कीड़ा मंजस, ईगेका नीम आसी कीड़ा मन्ना ती उरुब मना ओंगोर।

याकॊब 2:5

अना एंग्‍है चोन्‍हा भईरो, मेना, एन्‍देर धर्मेस ई ख़ॆख़ेल ता कीड़ा आलारिन पत्त'अना नू उरुब मना गे, अरा तंग्है मइय्याँ चोन्हा ननुर गे तान गच्छरका राजी ही अदिया मना गे मल्ला चज्जिका का?

1 पतरस 4:10

नीम ओर्मर धर्मेस ती ख़क्खका इनामन बउरारकी ओर्त ओर्त गे सुसर नना। एन्नेम नन्ना नन्ना रकम ती बरना धर्मेसी मया आबोन मानी गने उय्यू-उस्र'ऊ मना।