त‍इरकर 3:26 - पुना गच्छरना NT (BSI)

²⁶ धर्मेस निमन ओर्मारिन निम्‍है मलदौ नलख ती किर्त'आ गे अरा बरकत नना गे आस तंग्‍है जॊंख़स येसुसिन इजताचस ती निम्‍है गुसन मुन्‍द त‍इय्यस।”

त‍इरकर 3:26 ပူးပေါင်းရင်းမြစ်များ

मत्तायोस 1:21

आद ख़द्द पाको अरा नीन आसी येसु नामे पिंजके, एन्‍देरगेका आस तंग्है आलारिन तम्‍है पाप गुट्ठी ती नाड़ोस।”

मत्तायोस 15:24

येसुस आनाकिर्ताचस, “धर्मेस एंगन इस्राऎलर ता एबस्रका भेंडो गुसन लेका तइय्कादस।”

लू‍कस 24:47

अरा येरुसलॆम ती ऒड़ मनरकी जम्मा राजी नू आसी नामे नू जियन किर्त'अना दरा पाप छमा गे तेंगा कुद्दना मनो।

यॊहनस 4:22

नीम समारिया ता आलर मानिम नू बलदर, नॆकन महबा नन्‍दर, अरा ऎम यहूदीर अख़दम, नॆकन महबा नन्‍दम, एन्‍देरगेका नाड़रना यहूदीर ती बर'ई।

त‍इरकर 1:8

लिकिन इकला नेम्‍हा बॊलतस निम्‍है म‍इय्याँ एत्तोस, नीम सवंग ख़क्‍खोर अरा येरुसलॆम नू अरा गोट्टा यूदेया अरा समारिया नू अरा ख़ॆख़ेल ही ठुट्ठु गूटी नीम एंग्‍है गोवाह मनोर।”

त‍इरकर 13:26

अना भ‍ईरो, अब्राहमसी जंईपुंई आलारो, अरा धर्मेसिन इल्‍चू नन-यहूदी आलारो, मेना। ई बछरना ही पत्त ता कत्‍था नम्‍है गुसन त‍इरकी र'ई।

त‍इरकर 2:24

लिकिन धर्मेस आसिन खे'अना ही सस्ती गुट्ठी ही नुंजना ती अम्बताचस ती आसिन उज्‍जताचस चॊदस। खे'अना गा आसिन तंग्‍है तबे नू उइय्या पोल्‍ला।

त‍इरकर 2:32

ई येसुसिन धर्मेस केचका ती उज्‍जताचस चॊदस, ऎम ओर्मम इदही गोवाह हिकदम।

त‍इरकर 26:20

औंगे मुन्‍द गा ऎन दमसकोस, फिन येरुसलॆम ता र'ऊ आलारिन, अदही ख़ॊख़ा सौंसे यूदेया राजी नू, अरा नन-यहूदीर नू हूँ तेंगा कुद्दकन का आर जियन किर्त'अना र'ई अरा जिया किर्त'अना ही जॊगे नलख नन्‍ना र'ई।

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

त‍इरकर 3:15

अरा नीम उज्‍जना ही अक्‍स'उसिन पिटकर, अरा आसिन धर्मेस केचका ती उज्‍जना चॊदस, अरा इबड़ा कत्‍था ही ऎम गोवाह र'अदम।

त‍इरकर 3:20

तहाँ ख़न्न ऎख़्रना ही बेड़ा उर्बा धर्मेसी मुन्‍दहारे ती बर'ओ। अरा आस येसुसिन त‍इय्‍योस, नॆकन आस मुन्‍द तिम निमा गे मसी कमचकादस।

त‍इरकर 3:22

मूसस बाचस, ‘उर्बस निम्‍है धर्मेस एंग्‍है लेक्‍खा ओन्‍टा धर्मेसी कत्‍था तिंगुसिन निम्‍है आलर ती निमा गे चॊद'ओस। आस निमन एन्‍देर एन्‍देर ब'ओस अबड़ा उर्मिन चिहुंक ती मेनके।

त‍इरकर 3:25

नीम अबड़ा धर्मेसी कत्‍था तिंगुर ही जंईपुंई र'अदर। अरा नीम धर्मेस निम्‍है पूरखर गने नंजका गच्‍छरकन ख़क्‍खकर। आस निम्‍है बंगस अब्राहमसिन बाचस, ‘निंग्है बनस गुट्ठी ती गोट्टा ख़ॆख़ेल ता आलर बरकत ख़क्‍खोर।’

रोमी 1:16

ऎन गा दौ कत्‍थन मेन्‍त'आ गे मल लज्‍जरदन। ईदिम पत्त'ऊ आलर ओर्मर गे मुन्‍द यहूदीर गे अरा ख़ॊख़ा नन-यहूदी आलर गे नाड़रना ही धर्मेसी सवंग ही डहरे हिके।

रोमी 15:29

अरा ऎन अख़दन का इकला ऎन निम्‍है गुसन बर'ओन, आ बारी मसीसी अजगुत बरकत गने बर'ओन।

रोमी 15:8

ऎन ब'अदन का एका गच्‍छरका गुट्ठिन धर्मेस यहूदी पूरखर गे चिच्का रहचस अबड़न पूरा नना ती मसीस धर्मेसी पत्त'अना जोगेन ऎद'आ गे यहूदीर ही जॊंख़ मंजस।

इफेसुस 1:3

धर्मेस गे अरा नम्‍है उर्बस येसु मसीसी बंगस गे ओहमा मनन नेकअन। आस नमन मेर्ख़ा अड्डा गुट्ठी ती बरना बॊलता ही उर्मी आसीस गुट्ठी ती मसीस नू आसीस नंजकादस।

1 पतरस 1:3

नम्है उर्बस येसु मसीसी बंगस धर्मेस गे उर्मी ओहमा मनन नेकअन। आस तंग्‍है कोड़हे सोग्‍गे ही चड्डे येसु मसीसिन केच्‍चकर ती उज्‍जत'अना ती नमा गे ओन्टा पुना कुन्द्रनन चिच्कादस। इदही चड्डे नाम कोड़हे असरा गने उज्‍जदत।

1 पतरस 3:9

नीम मलदौ ही ऊजी मलदौ अमा नना, केबना ही ऊजी अमा केबा, लिकिन ऊजी नू बरकत दिम नना। एन्नेम नीम ननोर होले धर्मेस निमन बरकत ननोस, इदगेम नीम मॆख़्रका र'अदर।

यहूदा 1:24

मूड़ना ती निमन ख़ापा उंगू, अरा निमन बिगर बदी ती तंग्है महबा निंदका अड्डा ही मुन्दहारे कोड़हे रिझ गने इजत'आ गे उंगू,