त‍इरकर 3:25 - पुना गच्छरना NT (BSI)

²⁵ नीम अबड़ा धर्मेसी कत्‍था तिंगुर ही जंईपुंई र'अदर। अरा नीम धर्मेस निम्‍है पूरखर गने नंजका गच्‍छरकन ख़क्‍खकर। आस निम्‍है बंगस अब्राहमसिन बाचस, ‘निंग्है बनस गुट्ठी ती गोट्टा ख़ॆख़ेल ता आलर बरकत ख़क्‍खोर।’

त‍इरकर 3:25 ပူးပေါင်းရင်းမြစ်များ

लू‍कस 1:72

अरा तंग्‍है नेम्‍हा गच्छरकन सोच'अरकी नम्‍है पूरखर म‍इय्‍याँ सोग्‍गे ईरकादस।

त‍इरकर 13:26

अना भ‍ईरो, अब्राहमसी जंईपुंई आलारो, अरा धर्मेसिन इल्‍चू नन-यहूदी आलारो, मेना। ई बछरना ही पत्त ता कत्‍था नम्‍है गुसन त‍इरकी र'ई।

त‍इरकर 2:39

एन्‍देरगेका ई गच्‍छरका निमा गे अरा निम्‍है ख़द्दर गे अरा नन्ना राजी गुट्ठी नू र'उर गे हूँ हवे। ईद उर्बस नम्‍है धर्मेस तंग्‍है गुसन मींख़का ओर्मा आलर गे हवे।”

रोमी 15:8

ऎन ब'अदन का एका गच्‍छरका गुट्ठिन धर्मेस यहूदी पूरखर गे चिच्का रहचस अबड़न पूरा नना ती मसीस धर्मेसी पत्त'अना जोगेन ऎद'आ गे यहूदीर ही जॊंख़ मंजस।

रोमी 4:13

अब्राहमस अरा आसी बनस गोट्टा ख़ॆख़ेलन ख़क्‍ख'ओर एन्ने धर्मेस ती गच्‍छरका ख़क्‍खियर। ई गच्‍छरका पॆसकन पॆस्रना ती मला लिकिन पत्त'अना ती धर्मेसी ऎरना नू उजगो आल मन्ना ती ख़क्‍ख्रकी रहचा।

गलातिया 3:16

गच्‍छरना गुट्ठी अब्राहमस गे अरा आसी जंईपुंई गे चीरकी र'ई। धर्मेस एन्ने मल बाचस का “निंग्‍है जंईपुंईर गे” इदही मने बग्‍गेर गे एन्ने र'ई। लिकिन धर्मेस बाचस, “निंग्‍है जंईपुंई गे” इदही मने ओर्तोस गे एन्ने र'ई। आ आलस येसुस हिकदस।

गलातिया 3:29

नीम मसीसी हिकदर होले अब्राहमसी बनस हिकदर। अरा धर्मेस अब्राहमस गने नंजका गच्‍छरना चड्डे नीम धर्मेसी आसीस ख़क्खोर।

गलातिया 3:8

नेम्‍हा पुथी नू मुन्‍द तिम लिख्रकी र'ई, “धर्मेस पत्त'अना ती नन-यहूदीरिन उजगो आल कम'ओस। औंगे आस अब्राहमस गे ई दौ कत्‍थन मेन्ताचस, ‘उर्मी आलर निंग्‍है ती आसीस ख़क्‍खोर।’”

दहदर मंजका कत्‍था 14:6

इदही ख़ॊख़ा ऎन अउर ओन्टा मेर्ख़ा पैकासिन मझी मेर्ख़ा नू उढियारना ईरकन। आसी गुसन ख़ॆख़ेल नू र'ऊ उर्मी राजी अरा गोतोर अरा भखा अरा आल खोंड़हा ता आलर गे मेन्त'आ गे जनमजुग ही दौ कत्‍था रहचा।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।

दहदर मंजका कत्‍था 7:9

इबड़ा कत्था ही ख़ॊख़ा ऎन ईरकन ख़ने, ऎरा, उर्मी राजी अरा गोतोर अरा आल खोंड़हा अरा भखा ती बरचका नॆ हूँ गन'आ पोलना ओन्टा कोहाँ आल गोंहड़न ईरकन। अबड़र पंडरु किचरी गुट्ठी अत्तका ती तम्है ख़ेक्खा नू कींदा डहुड़ा गुट्ठी धरचका बॆल-गदिया ही मुन्दहारे अरा भेंडो ख़द्द मसीसी मुन्दहारे इज्‍जका रहचर।