20 तहाँ ख़न्न ऎख़्रना ही बेड़ा उर्बा धर्मेसी मुन्दहारे ती बर'ओ। अरा आस येसुसिन तइय्योस, नॆकन आस मुन्द तिम निमा गे मसी कमचकादस।
मनवा ख़द्दन ऎन एम्बासी महबा अरा आसी पैकर गने किर्रोन। अरा आ उल्ला ऎन ओर्मर गे तम्है तम्है नलख लेक्खा ख़ंजपा चि'ओन।
एन्ने बाचका ख़ॊख़ा येसुस चेलर गने जैतून परता केरस। ख़ने आसी चेलर भिनेम आसी हेद्दे बरचर ती बाचर, “एमन तेंगा, इबड़ा कत्था इकला मनो? निंग्है बरना ही अरा ख़ॆख़ेल मुंज्रना ही एन्देर चिन्हा मनो?”
फिन उर्मी आलर मनवा ख़द्दन एंगन बदाली नू ती बरनन ऎरोर। अरा आ बारी ऎन ख़ॆख़ेल ता आलारिन बॆलस लेक्खा आकुस गने राजी ननोन।
आलर इबड़ा कत्थन मेना लगियर ख़ने, येसुस ओन्टा जोक्खा ख़ीरी तिंगियस। एन्देरगेका आस येरुसलॆम हेद्दे रहचस अरा आर सोच'आ लगियर का धर्मेसी राजी लॆम दहदर मन्ना र'ई।
फिन उर्मी आलर मनवा ख़द्दन एंगन बदाली नू बरनन ऎरोर। अरा एंगा ख़ॆख़ेल ता आलारिन राजी नना गे कोड़हे महबा अरा आकुस मनो।
एन्देरगेका आस ओन उल्लन ओकताचकादस। अउला आस आसी चाजरका आलस ती गोट्टा ख़ॆख़ेल ता आलारिन उजगो ती नेंवई ननोस। आ आलासिन आस केचका ती उज्जा चॊदताचस ती ई कत्थन ओर्मारिन मानिम ऎदका र'अस।”
औंगे नीम जियन किर्त'आ, होले धर्मेस निम्है उर्मी पापन छमा ननोस।
येसुस मेर्ख़ा नू र'आ गे चाड़ र'ई, एका गूटी धर्मेस उर्मी जिनिस गुट्ठिन पुना कम'ओस। एकदन धर्मेस चिरान नू तंग्है कत्था तिंगुर ती बाचकाचस।
एकअम धर्मेसी कत्था तिंगुर ही कत्था महले नन्नर ही कत्था महले चिठी एम्है तरती बरचा ब'अरकी, अइय्या “येसु मसीसी बरना अंड़सकी र'ई” एन्ने लिख्रकी र'ई ब'अरकी ब'अनर होले हूँ अत्र इत्र अमके मना।
होले आ नॆग मलका दहदर मनो। लिकिन उर्बा येसुस तंग्है बई ता सांस ती अदिन पिटोस अरा तंग्है बरना नू तंग्है लौकारना ती अदिन नठाब'ओस।
अन्नेम मसीस हूँ बग्गे आलर ही पाप गुट्ठिन ओथ्र'आ गे ओंग्होन दाँड़े मन्तारस। अरा आस दुसर खेप बर'ओस। आस पाप गुट्ठिन चॊद'आ गे मला, लिकिन एकार आसी पाब ऎरालनर आर गे नाड़रनन ओन्द्र'ओस बर'ओस।
ऎरा! आस बदाली गुट्ठी गने बर'ऊ र'अदस। ओर्मर आसिन ऎरोर, नॆ आसिन जोबचका रहचर आर हूँ आसिन ऎरोर। ख़ॆख़ेल ता उर्मी जातियर आसी चड्डे चींख़ोर ओलख़ोर। हाँ, ईद मनो दिम। आमेन!