त‍इरकर 3:19 - पुना गच्छरना NT (BSI)

¹⁹ औंगे नीम जियन किर्त'आ, होले धर्मेस निम्‍है उर्मी पापन छमा ननोस।

त‍इरकर 3:19 ပူးပေါင်းရင်းမြစ်များ

मत्तायोस 13:15

एन्‍देरगेका ईर ही जिया दड़िया मंजकी र'ई, अरा आर ख़ेबदा ती कोड़हे मल मेन्नर, अरा आर तम्‍है ख़न्नन मिंक्‍खका चिच्कानर। अन्‍ति कहियों एन्ने अम्‍बन मना का ख़न्न ती ऎरोर, अरा ख़ेबदा ती मेनोर, अरा जिया ती बुझ्र'ओर, अरा आर एंग्‍है गुसन किर्रोर, अरा ऎन आरिन कोड़े ननोन।’

मत्तायोस 18:3

अरा बाचस, “ऎन निमन मानिम ब'अदन, एका गूटी नीम निम्‍है पाप ती किर्रोर ती सन्नी ख़द्दर बेसे मल मनोर, नीम मेर्ख़ा राजी नू कोर'आ पोल्‍लोर।

लू‍कस 1:16

आस नगदे इस्राऎल आलारिन आर ही धर्मेस उर्बस तरा किर्त'ओस।

लू‍कस 22:57

ख़ने पतरस नटचस ती बाचस, “अनय कुकेय, ऎन आसिन बलदन।”

त‍इरकर 1:6

एकाबारी त‍इरकर ख़ॊंड़रर ख़ने येसुसिन मेंजर, “अना उर्बायो, नीन अक्‍कुनिम इस्राऎल आलर गे राजिन किर्त'ओय चि'ओय का?”

त‍इरकर 11:18

अबड़ा कत्‍थन मेंजर ख़ने, आर कलेकले मंजर केरर। अरा आर एन्ने ब'अनुम धर्मेसी ओहमा नंजर, “धर्मेस नन-यहूदीर गे हूँ जियन किर्त'अना ती उज्‍जनन ख़क्‍खा गे मोका चिच्‍चस।”

त‍इरकर 11:21

आर ही गने उर्बासी सवंग रहचा। ख़ने नगदे बग्‍गे आलर पत्ताचर ती उर्बस तरा बरचर।

त‍इरकर 15:3

अन्‍तियोख़ेया कलीसिया आरिन त‍इय्या। आर फोइनिकॆ दरा समारिया मन्नुम केरर ती असता उर्मी पत्त'उर गने तिंगियर का एकासे नन-यहूदीर धर्मेसिन इंझ्रर। अरा ई कत्‍था ओर्मा पत्त'उरिन नगदे रिझ्रताचा।

त‍इरकर 17:26

आस ओर्त आलस ती गोट्टा ख़ॆख़ेल नू र'आ गे उर्मी जाती गुट्ठिन कमचस। अरा आस मुन्‍द तिम आ जातियर ही चो'अना अरा खतरना ही बेड़न ओक्‍ताचकादस, अरा आर ही सिवान गुट्ठिन हॆंचकादस।

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

त‍इरकर 28:27

एन्‍देरगेका इबड़ा आलर ही जिया करचकी र'ई, अरा ईर ही ख़ेबदा दड़िया मंजकी किरकी र'ई, अरा ईर तम्‍है ख़न्नन मिंक्‍खका र'अनर। मला होले ईर तम्‍है ख़न्न ती ऎरा ओंगोर, अरा तम्‍है ख़ेबदा ती मेना ओंगोर, अरा तम्‍है जिया ती बुझुर'आ ओंगोर, अरा एंग्‍है तरा किर्रा ओंगोर, अरा ऎन आरिन कोड़े ननोन।’

त‍इरकर 3:20

तहाँ ख़न्न ऎख़्रना ही बेड़ा उर्बा धर्मेसी मुन्‍दहारे ती बर'ओ। अरा आस येसुसिन त‍इय्‍योस, नॆकन आस मुन्‍द तिम निमा गे मसी कमचकादस।

त‍इरकर 3:21

येसुस मेर्ख़ा नू र'आ गे चाड़ र'ई, एका गूटी धर्मेस उर्मी जिनिस गुट्ठिन पुना कम'ओस। एकदन धर्मेस चिरान नू तंग्‍है कत्‍था तिंगुर ती बाचकाचस।

रोमी 11:25

अना भ‍ईरो! ऎन निमन ई भेद ही मनेन बुझुरत'आ गे बेद्ददन, होले नीम निमन कोड़हे लूरगर अम्‍बोर बुझ्र'ओर। इस्राऎल ता कुदहा आलर अक्‍कुन बेड़हा मंजका र'अनर। लिकिन गोट्टा नन-यहूदीर हूँ आसिन पत्त'अना गूटी लेका आर एन्ने र'ओर।

2 थेस्‍सलोनिकॆयर 1:10

आसी महबा तंग्‍है नेम्‍हा आलर नू ऎथ्र'ओ अरा तंगन पत्ताचका आलर ती हैकट मनोस, आसी बरना उल्‍ला ईद मनो। नीम हूँ आर ही गने मेस्र'ओर, एन्‍देरगेका ऎम निमन गोवाह चिच्‍कम अदिन पत्ताचकर।

2 थेस्‍सलोनिकॆयर 1:7

अरा सस्‍ती नू र'अदर निमा गे आस ख़न्‍न ऎख़ना ही ख़ंजपा चि'ओस। अन्नेम आस एमा हूँ चि'ओस। उर्बा येसुस तंग्‍है सवंगिय मेर्ख़ा पैकर गने लघ्रना चिच्‍ची गने मेर्ख़ा ती दहदर मन्‍ना बेड़ा नू ईद मनो।

2 तीमोथियुस 2:25

अरा आस गे तंगन बिड़दो ननुरिन लुद‍ऊ जिया मनरकी बुझाब'अना र'ई। धर्मेस अबड़ा आलर ही जियन किर्त'आ गे लूर चि'ओस नेकअन, अरा आर हों मानिम आबोन अख़'ओर।

इब्रानी 4:1

धर्मेसी ख़न्न ऎख़्रना अड्डा नू कोरना ही पत्त ता गच्‍छरना अक्‍कु गूटी र'ई। औंगे नमा चिहुंक र'अना र'ई का निम्‍है ती नॆ हूँ अइय्या कोरना ती अम्‍बोर अम्‍बर'आ।

1 पतरस 2:25

मानिम नू मुन्द नीम बेहड़ारका भेंडो लेक्‍खा रहचकर, लिकिन अक्‍कु निम्‍‍है जिया गुट्ठी ही ख़ापुस अरा ईरु-ख़ूजुस मसीस गुसन किर्रका बरचका र'अदर।

2 पतरस 3:8

लिकिन अना चोन्हा आलारो, ई मानिमन नीम मॊधर'आ गे ऎन मल बेद्ददन का, उर्बस गे उन्दुल उल्ला हजार चाँन लेक्खा र'ई, अरा हजार चाँन उन्दुल उल्ला लेक्खा र'ई।

दहदर मंजका कत्‍था 21:4

अरा आस आर ही ख़न्न ती उर्मी ख़ंजलख़ोन चींचोस। अरा अक्कु ती खे'अना मल मनो, अरा ख़ोदख़ोरना मलता ओलख़ना मलता नुंजना मल र'ओ, एन्देरगेका पच्चा कत्‍था गुट्ठी गुछरा केरा।”