त‍इरकर 3:14 - पुना गच्छरना NT (BSI)

¹⁴ नीम नेम्‍हा अरा उजगो आलासिन मल हुकमारकर, अरा आल पिटका आलासिन अम्‍बा गे आनकर।

त‍इरकर 3:14 ပူးပေါင်းရင်းမြစ်များ

मत्तायोस 27:20

लिकिन मुध नैगर अरा सेयान आलर आलारिन मेना गे तुतकाचर का आस बरब्‍बसिन अम्‍बत'ओस, अरा येसुसिन पिटतोस।

मरकुस 1:24

“हे नासरेत पद्दा ता येसु! एम्‍है गने निंगा गे एन्‍देर नलख र'ई? नीन एमन नास नना गे बरचका र'अदय का? ऎन अख़दन नीन एका ओर्तय, नीन गा धर्मेस ती बरचका नेम्‍हा आलय।”

मरकुस 15:11

लिकिन मुध नैगर आलारिन आसिन मेना गे तुतकाचर का आस बरब्‍बसिन दिम आर गे अम्‍बोस।

मरकुस 15:7

अबड़ा उल्‍ला नू बरब्‍बस नामे ही ओन्‍टा गुड़ुरकस रहचस। आस रोमीर ही बिड़दो नू हुलहुली नंजका ओन्‍टा खोंड़हा ता ओर्त रहचस। आर हुलहुली नू आलारिन लौचका पिटका रहचर।

लू‍कस 1:35

पैकस बाचस, “नेम्‍हा बॊलतस निंग्‍है म‍इय्‍याँ बर'ओस, अरा उर्मी ती कोहाँ धर्मेसी सवंग निंग्‍है म‍इय्‍याँ ऎख़ ननो। औंगे एका बॊलॊ ख़द्दस कुन्‍द्र'ओस आस नेम्‍हा मनोस, अरा आस धर्मेसी तंग्‍दस बातार'ओस।

लू‍कस 23:25

अरा आस हुलहुली नंजका दरा पिटका चड्डे जेहेल नू गुड़ुरकासिन आर ही ने'अना लेक्‍खा आसिन अम्‍बियस चिच्‍चस अरा येसुसिन आर ही मने लेक्‍खा नन्‍त'आ गे सोंपचस।

यॊहनस 16:10

अरा ऎन बंगस गुसन काना ती नीम एंगन अउर मल ऎरोर ई चड्डे उजगो र'अना ही पत्त नू आस तेंगोस।

यॊहनस 18:40

ख़ने आर चिच्चियार'आ हेलरर अरा बाचर, “ईसिन मला, बरब्‍बसिन अम्‍बा चि'आ।” (बरब्‍बस गा हुलहुली नंजका आलस रहचस।)

त‍इरकर 13:28

आर गे आस नू पिटना दंडे जॊगे एन्‍देर हूँ बदी मल ख़क्‍ख्रा। अन्नु हूँ पिलातुस ती गोहरारर का आसिन पिटा।

त‍इरकर 2:27

एन्‍देरगेका नीन एंग्‍है बॊलतन केचकर ही मझी नू मल अम्‍बोय, अरा नीन निंग्‍है नेम्‍हा आलासिन कित्ता मल चि'ओय।

त‍इरकर 22:14

फेन आस बाचस, ‘नम्‍है पूरखर ही धर्मेस निंगन इदगे ओकताचकादस का, नीन आसी मने आबोन अख़'ओय, अरा एकास धर्मेसी उजगो र'अस आसिन ऎरोय अरा आसी ब‍ई ती आसी कत्‍था मेनोय।

त‍इरकर 4:27

इसन हॆरॊदॆस अरा पोन्‍तियुस पिलातुस नन-यहूदीर अरा इस्राऎल आलर गने येरुसलॆम नू ख़ॊंड़रर ती नीन मसी कमचका निंग्‍है नेम्‍हा जॊंख़स येसुसी बिड़दो नू चॊचर।

त‍इरकर 5:28

“ऎम निमन चेताबाचकम ती पॆसका मल चिच्‍चकम का ई नामे ती अमके सिखाब'आ? अन्नु हूँ नीम गोट्‍टा येरुसलॆम ता उर्मी आलारिन आसी पत्त नू तिंकर चिच्‍चकर। अरा आसी पिटका ही बदी एम्‍है म‍इय्याँ नना लगदर।”

त‍इरकर 7:52

धर्मेसी कत्‍था तिंगुरिन नॆकन निम्‍है पूरखर मल्‍ला डाहचका? आर आ उजगो आलासी बरनन नॆ नॆ मुन्‍द तिम तिंगियर आरिन पिटियर। अक्‍कु नीम आ उजगो आलस मसीसिन धरचकर अरा पिटकर।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

याकॊब 5:6

निम्है बिड़दो मल मंजका उजगो आलारिन हूँ नीम बदी टिड्डकर ती पिटकादर।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।

1 यॊहन 2:1

अना एंग्है ख़द्दारो, ऎन इदगे इदन निमा गे लिखदन का नीम पाप अम्बोर नना। लिकिन नेकईम पाप नन्दस होले, धर्मेस बबस गुसन नमा गे गोहरार'ऊ ओन्टा सहाड़ा ननू र'अस। आसिम येसु मसीस, अरा आस उजगो दिम र'अस।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का: