त‍इरकर 3:12 - पुना गच्छरना NT (BSI)

¹² पतरस इदन ईरियस ती आरिन बाचस, “इस्राऎल आलारो! नीम इदही पत्त नू एन्‍देरगे अकबक मन्‍दर? ऎम एम्‍है सवंग ती मलता एम्‍है भगती ती ई आलासिन ऎकना कुद्दना जॊगे कमचकादम ब'अरकी नीम एम्‍है तरा एन्‍देरगे एन्ने ऎरा लगदर?

त‍इरकर 3:12 ပူးပေါင်းရင်းမြစ်များ

यॊहनस 7:18

नॆ तंग्‍है तरती ब'अदस आस तंगा गे मईन बेद्ददस। लिकिन नॆ तंग्‍है त‍इय्युस गे मईन बेद्ददस, आस मानिम जॊगे आलस र'अस, अरा आस नू फंगटिया कत्‍था मलकी।

त‍इरकर 13:26

अना भ‍ईरो, अब्राहमसी जंईपुंई आलारो, अरा धर्मेसिन इल्‍चू नन-यहूदी आलारो, मेना। ई बछरना ही पत्त ता कत्‍था नम्‍है गुसन त‍इरकी र'ई।

त‍इरकर 2:22

इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

त‍इरकर 3:11

आ लेंगड़ा आलस पतरस अरा यॊहनसिन नगदे बजर धरचका ती आर गने रहचस ख़ने, उर्मी आलर अकबक मंजर ती सालोमॊन नामे पिन्‍डा तरा आर ही गुसन बोंग बरचर।

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

रोमी 11:1

तहाँ ऎन मेन्‍दन का धर्मेस तंग्‍है आलारिन अम्‍बियस चिच्चस का? कहियों मला! ऎन हूँ गा इस्राऎल आलन हिकदन, अब्राहमसी बनस तन अरा बेनियमिनसी गोतर तन।

रोमी 9:4

आर इस्राऎल आलर हिकनर, अरा धर्मेसी गोद उइय्‍का ख़द्दर हिकनर। अरा आर धर्मेसी महबा आबोन ईरका र'अनर। अरा आर गे धर्मेसी अरा तम्‍है गने ता धर्मेसी गच्‍छरना र'ई। अरा धर्मेस आर गे चिच्का मूसासी पॆसका अरा महबा नन्ना ही नॆग अरा गच्‍छरना गुट्ठी र'ई।

2 कोरिन्‍थ 3:5

एम्है ती इन्द्रिइम मना ओंगो एन्ने ऎम इन्द्रिइम सोच'आ गे ऎम एम्है ती जॊगे मलदम। लिकिन एम्है जॊगे धर्मेस तरती बर'ई।

दहदर मंजका कत्‍था 7:13

फेन सेयान आलर ती ओर्तोस एंगन एन्ने मेंजस, “पंडरु किचरी गुट्ठी अत्तका र'अनर इबड़र नॆ तंग्‍है? अरा ईर एसलेक ती बरचका र'अनर?”