त‍इरकर 27:23 - पुना गच्छरना NT (BSI)

²³ एन्‍देरगेका नॆख'आ ऎन र'अदन अरा नॆख'आ सुसर नन्‍दन, आ धर्मेसी पैकस चेरो माख़ा बरचस ती एंगन बाचस,

त‍इरकर 27:23 ပူးပေါင်းရင်းမြစ်များ

यॊहनस 12:26

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

त‍इरकर 12:23

आ बारिम उर्बासी पैकस आसिन बेमार ती लौचस, एन्‍देरगेका आस धर्मेस गे महबा मल नंजस। अरा आस पुच्‍चियस ती ख़ॊख़ा केच्‍चस केरस।

त‍इरकर 16:17

आद पौलुसी अरा एम्‍है ख़ॊख़ा बरचा ती चिच्चि‍यार'आ हेलरा, “इबड़ा आलर उर्मी ती कोहाँ धर्मेसी जॊंख़र हिकनर। ईर नीम एकासे नाड़र'आ ओंग्दर अदही पत्त नू तेंगनर।”

त‍इरकर 18:9

ओन माख़ा उर्बस पौलुसिन देखार चिच्‍चस ती बाचस, “अमा एल्‍चा, तेंगतेम र'आ, कलेकले अमा र'आ।

त‍इरकर 23:11

अउलम माख़ा उर्बस पौलुसी हेद्दे इज्‍जस ती बाचस, “अना पौलुस डिढ नना, एन्‍देरगेका एकासे नीन येरुसलॆम नू एंग्‍है गोवाह चिच्‍कय, अन्नेम निंगा रोम नगरे नू हूँ गोवाह चि'अना र'ई।”

त‍इरकर 5:19

लिकिन माख़ा उर्बासी ओन्‍टा पैकस जेहेल ही बलिन तिसगस ती आरिन बहरी ओन्‍द्रस ती बाचस,

त‍इरकर 8:26

फिन धर्मेसी पैकस फिलिप्‍पोसिन बाचस, “नीन चो'आ ती दखिन तरा येरुसलॆम ती गाजा काना ही टोड़ंग डहरे नू कला।”

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

रोमी 1:9

एका धर्मेसी ऎन आसी ख़द्दासी पत्त ता दौ कत्‍था तेंगना ती सौंसे जिया ती तेतर-सुसर नन्‍दन, आस अख़दस का ऎन सगरो एंग्‍है बिन्‍ती नू निमन सुरत'अदन।

रोमी 6:22

लिकिन अक्‍कु नीम पाप ही सवंग ती अम्‍बरकर ती धर्मेसी बिट्ठी ननू जॊंख़र मंजका र'अदर। ईद निमन नेम्‍हा उज्‍जा गे कड़हाब'ई। एकदा ही ख़ंजपा र'ई जनमजुग ही उज्‍जना।

1 कोरिन्‍थ 6:20

एन्‍देरगेका नीम कोड़हे दाम चि'अरकी ख़ॆन्‍द्रकादर। औंगे नीम निम्‍है मॆद ती धर्मेसी महबा नना।

2 तीमोथियुस 1:3

ऎन निंगा गे धर्मेसिन धन्‍यवाद चि'अदन। ऎन धर्मेसिन निमन लखना गने महबा नन्‍दन, एन्नेम एंग्‍है पूरखर हूँ नंजर। ऎन सगरो उल्‍ला दरा माख़ा बिन्‍ती नू निंगन सोचदन।

2 तीमोथियुस 2:24

उर्बासी जॊंख़स गे अरबानखर‍ना मलकी। लिकिन ओर्मर गने लुद‍ऊ जिया अरा सिखाब'अना नू बड़ियर अरा कयास ननू मन्ना र'ई।

2 तीमोथियुस 4:17

लिकिन उर्बस एंग्‍है गने रहचस ती एंगा सवंग चिच्‍चस। होले ऎन दौ कत्‍था बॆस लगे तेंगा ऊंग्‍कन, अरा नॆ यहूदी मलनर आर हूँ एंग्‍है ती अदिन मेना ऊंगियर। आस एंगन पिटरना ती बछाबाचस।

तीतुस 1:1

ऎन पौलुस धर्मेसी जॊंख़न अरा येसु मसीसी त‍इरकन। ऎन धर्मेसी चज्जिका आलर गे पत्त'अना ही अरा मानिम लूर अरा महबा डहरे नू कड़हाब'अना कत्‍था ही पत्त नू तेंगा गे, ई नलख नू एंगन सोंपचकादन।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

इब्रानी 1:14

उर्मी मेर्ख़ा पैकर तेतर-सुसर ननू बॊलता हिकनर, नॆ नाड़रनन ख़क्‍खोर आर गे संगरा नना गे अबड़ा त‍इतार'ई।

दहदर मंजका कत्‍था 22:16

ऎन येसु एंग्‍है पैकासिन इदगे तइय्कन का आस इबड़ा कत्‍था गुट्ठी ही पत्त नू कलीसिया गुट्ठी नू निमा गे तेंगोस। ऎन दाऊद बॆलासी कोड़हे मुध जंईपुंई हिकदन, अरा ऎन लौकारना बिज-बीनको हिकदन।”