त‍इरकर 27:2 - पुना गच्छरना NT (BSI)

² आसिया देस ही पिंडी पिंडी कालू अद्रमुत्तॆनोस नगरे ती बरचका ओन्‍टा कोहाँ डोंगा रहचा, आद काना बारी रहचा। अइय्या नू ऎम अरगकम। अरा अरिस्‍तरख़ोस नामे थेस्‍सलोनिकॆ नगरे ता ओन्‍टा मकेदोनिया ता आलस एम्‍है गने रहचस।

त‍इरकर 27:2 ပူးပေါင်းရင်းမြစ်များ

लू‍कस 8:22

उन्‍दुल येसुस अरा आसी चेलर डोंगा नू अर्गियर अरा आस आरिन बाचस, “बरा, नाम समुदर ही आ पक्‍खे क'ओत।” तहाँ आर काला हेलरर।

त‍इरकर 16:17

आद पौलुसी अरा एम्‍है ख़ॊख़ा बरचा ती चिच्चि‍यार'आ हेलरा, “इबड़ा आलर उर्मी ती कोहाँ धर्मेसी जॊंख़र हिकनर। ईर नीम एकासे नाड़र'आ ओंग्दर अदही पत्त नू तेंगनर।”

त‍इरकर 17:1

फिन पौलुस अरा सीलास अम्‍फिपोलिस अरा अपोल्‍लॊनिया नगरे मन्नुम थेस्‍सलोनिकॆ नू बरचर। असन यहूदीर ही ओन्‍टा गोड़हा एड़पा रहचा।

त‍इरकर 19:19

देवड़ा मदहे ती कैनो आलर तम्‍है पुथी गुट्ठिन ख़ॊंड़चर ती ओर्मर ही मुन्‍दहारे बस्‍सियर। अरा अबड़ा ही दामन लेखतारा ख़ने, पचास हजार चांदी ही सिक्‍का ही दाम रहचा।

त‍इरकर 19:29

अरा सौंसे नगरे नू हुलहुली मंजा केरा। आर पौलुस गने डहरे ऎकना नू संगे मंजका मकेदोनिया ता आलर गायोस अरा अरिस्‍तरख़ोसिन धरचर ती अखड़ा टोंका नू बोंगर।

त‍इरकर 2:9

नम्‍है नू पारथी अरा मॆदी अरा एलामिती अरा मेसोपोतामिया नू र'उर अरा यूदेया अरा कप्‍पदोकिया अरा पोन्‍तोस अरा आसिया

त‍इरकर 21:5

अबड़ा उल्‍ला मुंज्रा ख़ने, ऎम असले कोहाँ डोंगा तरा किर्रिम बिच्‍चकम। ओर्मा पत्त'ऊ आलर तम्‍है मुक्‍कर अरा ख़द्दर गने एमन नगरे ती बहरी अंड़सताचर। असन ऎम पिंडी नू मूकलिदरकम ती गोहरारकम।

त‍इरकर 28:10

अबड़र एमन नगदे म‍ईन नंजर। अरा ऎम काला उरखकम ख़ने, एम्‍है डहरे ऎकना ही उर्मी चाड़ ही आलॊन एमा गे चिच्‍चर।

त‍इरकर 28:12

सूरकुसा नगरे नू अंड़सकम ती ऎम तीन उल्‍ला गूटी असन रहचकम।

त‍इरकर 28:16

ऎम रोम अंड़सकम ख़ने, पौलुस गे ओन्‍टा सैनस ही पहरा नू ओर्त लेका र'आ गे पॆसका ख़क्‍खरा।

त‍इरकर 28:2

अइय्या ता र'ऊ आलर एमन नगदे सोग्‍गे ईरियर। चॆप पुंइना अरा प‍इय्याँ ही चड्डे आर चिच्‍ची ओद्दर ‍ती एमन परघाचर।

कोलोस्से 4:10

अरिस्‍तरख़ोस नॆ एंग्‍है गने जेहेल नू हॆंरकादस, आस निमा गे मोंजरा नन्दस। अरा मरकुस नॆ बरनबासी अंड़सका भई मन्दस, आस निमा गे मोंजरा नन्दस। मरकुसी पत्त नू नीम मुन्द दिम पॆसका ख़क्‍खका रहचकर, आस निम्है गुसन बर'ओस होले, नीम आसिन परघ'अके।

फिलॆमॊन 1:24

अन्नेम एंग्है गने सुसर नलख ननू मरकुस, अरा अरिस्‍तरख़ोस, अरा दॆमस, अरा लूकस हूँ निंगन मोंजरा नन्नर।