त‍इरकर 26:6 - पुना गच्छरना NT (BSI)

⁶ नम्‍‍है पूरखर गे धर्मेस एका गच्छरकन गच्‍छरकाचस, अइय्या ऎन नंजका एंगा असरा ही चड्डे दिम अक्‍कुन एंग्‍है म‍इय्याँ पिसी मना लगी।

त‍इरकर 26:6 ပူးပေါင်းရင်းမြစ်များ

त‍इरकर 23:6

फिन पौलुस अबड़र नू ओन्‍टा खोंड़हा सदुकीर ही अरा नन्ना खोंड़हा फरिसीर ही एन्ने अक्‍खस ती कोहाँ सभा नू चिच्चि‍यारस ती बाचस, “अना भ‍ईरो, ऎन फरिसी आलन अरा फरिसीर ही ख़द्द हिकदन, केचका आलर ही उज्‍जा चो'ओर एन्ने एंग्‍है असरा ही पत्त नू एंग्‍है नेंव‍ई मना लगी।”

त‍इरकर 24:15

एंगा धर्मेस ती असरा र'ई, एकासे ईर गे हूँ र'ई का, उजगो आलर अरा पपहर इरबर ही उज्‍जा चो'अना मनो।

त‍इरकर 24:21

ऎन आर ही मुन्‍दहारे इज्‍जना बेड़ा नू, ‘केचकर ही उज्‍जा चो'अना ही पत्त नू इन्ना निम्‍है मुन्‍दहारे एंग्‍है नेंव‍ई मना लगी’ एन्ने ई कत्था ही लेका ऎन जॊरसरिया बाचका रहचकन।”

त‍इरकर 26:8

धर्मेस केचका आलारिन उज्‍जा चॊद्दस, इदिन असरा जॊगे नलख मलकी एन्ने नीम एन्‍देरगे सोचदर?

त‍इरकर 28:20

इदही चड्डे ऎन निमन ओर्मारिन मीख़कन का निम्‍है गने भेंट मनोन अरा कछनख्र'ओन। इस्राऎल आलर बर'ओस एन्ने पाब ईरका मसीसी म‍इय्याँ ता एंग्है पत्त'अना ही चड्डे तिम ऎन सिकड़ी ती हॆंरकादन।”

त‍इरकर 3:24

उर्मी धर्मेसी कत्‍था तिंगुर सामुऎल ती ख़ॊख़ा गूटी ती बरचका धर्मेसी कत्‍था तिंगुर ओर्मर इबड़ा उल्‍ला ही पत्त नू तिंकाचर।

रोमी 15:8

ऎन ब'अदन का एका गच्‍छरका गुट्ठिन धर्मेस यहूदी पूरखर गे चिच्का रहचस अबड़न पूरा नना ती मसीस धर्मेसी पत्त'अना जोगेन ऎद'आ गे यहूदीर ही जॊंख़ मंजस।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।

तीतुस 2:13

नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।