त‍इरकर 26:5 - पुना गच्छरना NT (BSI)

⁵ आर एंगन नगदे उल्‍ला ती अख़नर। आर बेद्दनर होले, एंग्‍है गोवाह हूँ चि'आ ओंग्‍नर का ऎन फरिसी मंजकन ती एकासे नम्‍है धरम ही कोड़हे ठिम-ठिम खोंड़हा ही लेक्‍खा उज्‍जा लिक्‍कन।

त‍इरकर 26:5 ပူးပေါင်းရင်းမြစ်များ

त‍इरकर 15:5

लिकिन फरिसीर ही खोंड़हा ता जोक्‍क पत्त'ऊ आलर इज्‍जर ती बाचर, “नन-यहूदी पत्त'ऊ आलर खतना नन्ना दिम र'ई अरा मूसासी पॆसकन पॆस्रना र'ई।”

त‍इरकर 22:3

“ऎन गा यहूदी आलन हिकदन। ऎन किलिकिया देस ता तरसोस नगरे नू कुन्‍द्रकन। अरा ई येरुसलॆम नगरे नू पर्दकन ती गमालिऎलसी ख़ेड्डमूली उक्‍कन ती नम्‍है पूरखर ही नॆग अरा चाल गुट्ठिन ठौका ठौका सिख्रकन। अरा धर्मेस गे एन्ने मूलख़का रहचकन, एकासे इन्ना नीम ओर्मर र'अदर।

त‍इरकर 22:5

इबड़ा कत्‍था गे कोहाँ नैगस अरा सभा ही उर्मी सेयान आलर गोवाह र'अनर। ऎन आर ही ती दमसकोस ता यहूदी भइय्योर गे चिठी होच्‍चकन। ई डहरे नू ईकू आलारिन हें'ओन ती येरुसलॆम ओन्‍द्र'ओन ती दंडे चि'आ गे दमसकोस काला लिक्‍कन।

त‍इरकर 23:6

फिन पौलुस अबड़र नू ओन्‍टा खोंड़हा सदुकीर ही अरा नन्ना खोंड़हा फरिसीर ही एन्ने अक्‍खस ती कोहाँ सभा नू चिच्चि‍यारस ती बाचस, “अना भ‍ईरो, ऎन फरिसी आलन अरा फरिसीर ही ख़द्द हिकदन, केचका आलर ही उज्‍जा चो'ओर एन्ने एंग्‍है असरा ही पत्त नू एंग्‍है नेंव‍ई मना लगी।”

त‍इरकर 24:14

ऎन निंग्‍है मुन्‍दहारे ई कत्‍थन मन्‍दन का, एका डहरेन ऎन मन्‍दन ती ऎकदन आ डहरेन आर ठौका मल्ला ब'अनर। ऎन एंग्‍है पूरखर ही धर्मेसिन ऒड़ नन्‍दन, अरा एकदा एकदा मूसासी नॆग अरा धर्मेसी कत्‍था तिंगुर ही पुथी नू लिख्रकी र'ई, अबड़ा उर्मिन ऎन पत्त'अदन।

त‍इरकर 24:5

एम्‍है अख़ना ती ई आलस गा हींड़'ऊ आलस हवे, अरा ख़ॆख़ेल ता ओर्मा यहूदीर नू लड़ाई नन्‍त'ऊ आलस हवे, अरा नासरेत ता ओर्तोसी धरम खोंड़हा ही मुद्ध आलस हवे।