त‍इरकर 26:3 - पुना गच्छरना NT (BSI)

³ एन्‍देरगेका नीन यहूदीर ही उर्मी चाल गुट्ठिन अरा उर्मी आनानख्रना ही कत्था गुट्ठिन बॆस गने अख़दय। औंगे ऎन गोहरारदन का नीन एंग्हैन खतीर गने मेना।

त‍इरकर 26:3 ပူးပေါင်းရင်းမြစ်များ

त‍इरकर 21:21

आर निंग्‍है पत्त नू मेंजकानर का नीन नन-यहूदी आलर नू र'ऊ यहूदी आलारिन मूसासी नॆग ती किर्रा काला गे सिखाब'अदय, अरा ब'अदय का निम्‍है ख़द्दर ही खतना नन्‍त'आ मला अरा चाल गुट्ठी ही लेक्‍खा अमा ऎका।

त‍इरकर 24:10

राजीख़ापुस पौलुसिन कछनख्र'आ गे मोका चिच्‍चस ख़ने, पौलुस आनाकिर्ताचस, “नीन नगदे चान ती ई राजी ही म‍इय्याँ नेंव‍ई ननू हिकदय, इदिन अक्‍कन ती ऎन रिझ ती एंग्‍है कत्‍थन निंग्‍है मुन्‍दहारे ब'अदन।

त‍इरकर 24:4

ऎन निंग्‍है ती बग्‍गे बेड़ा मल हो'आ बेद्ददन, ऎन निंग्‍है ती गोहरारदन का एम्‍है कत्‍था गुट्ठिन मेना गे एमा गे जोक्क बेड़ा चि'आ।

त‍इरकर 25:26

नम्‍है उर्बस कोहाँ बॆलस कैसरस गे ईसी पत्त नू लिख'आ गे इन्द्रिइम हूँ ठौका कत्‍थन अरगम ख़क्‍खका। इदगे ऎन ईसिन निम्है मुन्दहारे नू अरा कोड़हे गा बॆलायो अग्रिप्‍पा, निंग्‍है मुन्‍दहारे ओन्‍द्रकन। नाम ईसिन बिढ़चका ख़ॊख़ा एंगा लिख'आ गे इन्द्रिइम ख़क्‍ख्र'ओ।

त‍इरकर 26:2

“बॆलायो अग्रिप्‍पा, यहूदीर एंग्‍है म‍इय्याँ नगदे बदी ठेकाबाचकानर। इदही पत्त नू ऎन एंग्‍है कत्‍थन निंग्‍है मुन्‍दहारे तेंगा गे इन्ना एंगा मोका ख़क्‍ख्रा इदगे ऎन खुसमारदन।

त‍इरकर 26:26

बॆलस अग्रिप्‍पस हूँ गा इबड़ा कत्‍था ही पत्त नू अख़दस। औंगेम ऎन बेगर एल्‍चम ती आसिन ब'आ लगदन। ऎन अख़दन का इबड़ा कत्‍था आस ती नूख्रका मल्‍ला, एन्‍देरगेका ईद एकअम कोड़ा नू मल्‍ला मंजका।

त‍इरकर 26:7

ई गच्‍छरका ही पूरा मन्नन ऎरना ही असरा ती दिम नम्‍‍है बारा गोतोर ता आलर उल्‍ला माख़ा धर्मेसिन ऒड़ नन्नर। बॆलायो, ई असरा ही चड्डेम यहूदीर एंग्‍है म‍इय्याँ बदी ठेकाब'आ लगनर।

त‍इरकर 28:17

तीन उल्‍ला ख़ॊख़ा पौलुस यहूदीर ही मुद्ध आलारिन मीख़ियस। आर जुम्मरर ख़ने आरिन बाचस, “अना भ‍ईरो, ऎन नम्‍है आलर ही बिड़दो महले नम्‍है पूरखर ही चाल ही बिड़दो नू एन्‍देर हूँ मल नंजकन। अन्नु हूँ ऎन येरुसलॆम नू हॆंरकन ती रोमीर ही ख़ेक्खा नू सोंपतारकन।

त‍इरकर 6:14

अरा ऎम गा ईसी एन्ने ब'अनन मेंजकम का नासरेत ता येसुस ई अड्डन नठाब'ओस अरा मूसस नमा चिच्का चाल गुट्ठिन बदल'ओस चि'ओस।”

1 कोरिन्‍थ 13:2

ऎन धर्मेसी कत्‍थन मुन्‍द तिंगू आलन, अरा उर्मी नूख़्रका ही गम्मन अरा उर्मी लूरन अख़ना ही सवंग र'ऊ आलन, अरा परता गुट्ठिन हूँ गुछाब'अना ही कोड़हे बड़ियर पत्त'अना र'ऊ आलन, अन्नु हूँ एंग्‍है नू चोन्‍हा मलकी होले, ऎन एन्‍देर हूँ मलकन।