त‍इरकर 26:23 - पुना गच्छरना NT (BSI)

²³ मसीस दुक्‍खे भोग'ओस अरा केचका मधेर ती उर्मी ती मुन्‍द उज्‍जा चो'ओस ती यहूदीरिन अरा नन-यहूदीरिन हूँ धर्मेसी बिल्‍लीन ओन्‍द्र'ओस।”

त‍इरकर 26:23 ပူးပေါင်းရင်းမြစ်များ

मत्तायोस 26:24

धर्मेसी कत्‍था तिंगुर नेम्हा पुथी नू एंग्‍है पत्त नू एन्‍देर लिखचकानर अन्नेम मनवा ख़द्दन ऎन खे'ओन दने। लिकिन नॆ एंगन धरत'आ गे संगे चि'अदस आसी मुंज्रना नगदे भयभयान मनो। आस मल कुन्‍द्रका होले, आस गे दौ रहचा।”

मत्तायोस 27:53

अरा आर मसड़ा गुट्ठी ती उरखर, अरा येसुसी उज्‍जा चॊचका ख़ॊख़ा आर नेम्‍हा नगरे येरुसलॆम नू कालरकी नगदे आलर गे ऎथ्रर।

लू‍कस 2:32

ईस नन-यहूदीर गे धर्मेसिन दहदर नन्ना ही बिल्‍ली अरा निंग्‍है निज आलर इस्राऎल गे महबा आबोन ओन्‍द्र'ओस।”

लू‍कस 24:26

एन्‍देर ईद चाड़ मल रहचा का मसीस गे एन्ने इबड़ा खिलपतन चॊद'अरकी तंग्‍है महबा नू कोर'ओस?”

लू‍कस 24:46

अरा आरिन बाचस, “नेम्हा पुथी नू लिख्रकी र'ई का मसीस दुक्‍खे चॊद'ओस अरा तिसर उल्‍ला केचका ती उज्‍जा चो'ओस।

यॊहनस 10:18

अदिन नॆ हूँ एंग्‍है गुसते मल हो'अदस। ऎन अदिन एंग्‍है मने तिम चि'अदन। एंगा अदिन चि'आ गे हूँ अदिया र'ई, अरा अदिन फिन हो'आ गे हूँ अदिया र'ई। एम्‍बस एंगन पॆसका लेक्‍खा ऎन एन्नेम नन्‍दन।”

यॊहनस 11:25

येसुस अदिन बाचस, “ऎनिम आलारिन उज्‍जा चॊदत'अदन अरा आर गे जनमजुग उज्‍जनन चि'अदन। नॆ एंग्‍है मइय्‍याँ पत्त'अदस आस खे'ओस क'ओस अन्नु हूँ उज्‍जोस।

त‍इरकर 13:34

धर्मेस येसुसिन केचका ती उज्‍जताचस चॊदस अरा अक्‍कु आस इकला हूँ मल खे'ओस। औंगे धर्मेस एन्ने बाचकादस, ‘ऎन निंगा नेम्‍हा अरा मल ताड़रना आसीस आबोन चि'ओन, एकदा ऎन दाऊदसिन गच्‍छरकन।’

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

त‍इरकर 26:8

धर्मेस केचका आलारिन उज्‍जा चॊद्दस, इदिन असरा जॊगे नलख मलकी एन्ने नीम एन्‍देरगे सोचदर?

त‍इरकर 3:18

लिकिन धर्मेस मुन्‍द तिम तंग्‍है कत्‍था तिंगुर ती ‘मसीस गे दुक्खे चॊदना र'ई’ एन्ने बाचका लेक्‍खा अदिन पूरा नंजस।

त‍इरकर 3:24

उर्मी धर्मेसी कत्‍था तिंगुर सामुऎल ती ख़ॊख़ा गूटी ती बरचका धर्मेसी कत्‍था तिंगुर ओर्मर इबड़ा उल्‍ला ही पत्त नू तिंकाचर।

1 कोरिन्‍थ 15:3

ऎन ख़क्‍खका कत्‍था अरा कोड़हे मुध एन्ने बाचर ती निमा गे अंड़सताचका कत्‍था ईद हवे का, नेम्‍हा पुथी नू एकासे लिख्रकी र'ई, अन्नेम मसीस नम्‍है पाप गुट्ठी गे केच्‍चस।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

कोलोस्से 1:18

अरा आसिम तंग्है मॆद कलीसिया ही कुक्‍कु अरा अदही ऒर हिकदस। अरा आसिम केचका मधेर ती उज्‍जा चो'उर नू मुन्दतस हिकदस। औंगे आसिम उर्मी नू मुन्द मनोस।

इब्रानी 2:10

धर्मेस उर्मी जिनिसन कमचस, अरा अबड़ा उर्मी आसी महबा गे र'ई। आस मने नंजस का आसी महबन बग्‍गे ख़द्दर हिसा मनोर। औंगे आस आलर ही नाड़रना ही उर्बस मसीसिन आसी दुक्‍खे चॊदना ती ओन्‍टा पखड़ मुद्धस कमचस।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।