त‍इरकर 26:2 - पुना गच्छरना NT (BSI)

² “बॆलायो अग्रिप्‍पा, यहूदीर एंग्‍है म‍इय्याँ नगदे बदी ठेकाबाचकानर। इदही पत्त नू ऎन एंग्‍है कत्‍थन निंग्‍है मुन्‍दहारे तेंगा गे इन्ना एंगा मोका ख़क्‍ख्रा इदगे ऎन खुसमारदन।

त‍इरकर 26:2 ပူးပေါင်းရင်းမြစ်များ

मत्तायोस 10:19

इकला निमन हें'ओर नीम अमके घोख'आ का ऎम एकासे तेंगोम महले एन्‍देर ब'ओम। लिकिन निमन एन्‍देर ब'अना र'ई अदिन आ बारिम तेंगतार'ओ कालो।

लू‍कस 12:11

एकाबारी आलर निमन गोड़हा एड़पा अरा मुद्धर अरा आकुस उइय्युर ही मुन्‍दहारे हो'ओर, आ बारी एकासे अरा एन्‍देर आनाकिर्त'ओन अरा एन्‍देर ब'ओन ब'अरकी अमके सोच'आ।

लू‍कस 21:12

लिकिन इबड़ा उर्मी कत्‍था ही मुन्‍द आलर निमन धर'अरकी सताब'ओर। अरा निमन गोड़हा एड़पा नू बिढ़'आ गे सोंप'ओर अरा जेहेल नू सज'ओर अरा बॆलर अरा राजीखापुर ही मुन्‍द इजतार'ओर। एन्‍देरगेका नीम एंग्‍है गने चॊंख़्र‍'उर हिकदर।

त‍इरकर 25:26

नम्‍है उर्बस कोहाँ बॆलस कैसरस गे ईसी पत्त नू लिख'आ गे इन्द्रिइम हूँ ठौका कत्‍थन अरगम ख़क्‍खका। इदगे ऎन ईसिन निम्है मुन्दहारे नू अरा कोड़हे गा बॆलायो अग्रिप्‍पा, निंग्‍है मुन्‍दहारे ओन्‍द्रकन। नाम ईसिन बिढ़चका ख़ॊख़ा एंगा लिख'आ गे इन्द्रिइम ख़क्‍ख्र'ओ।

त‍इरकर 26:1

तहाँ अग्रिप्‍पस पौलुसिन बाचस, “निंग्‍है पत्त नू ब'आ गे निंगा बेड़ा चिर'आ लगी।” ख़ने पौलुस तंग्‍है ख़ेक्खा चॊदस ती तंग्‍है पत्त नू ब'आ हेलरस।

त‍इरकर 26:19

इदगे बॆलायो अग्रिप्‍पा, ऎन आ मेर्ख़ा ता देखार आबोन पॆस्रकन।

त‍इरकर 26:26

बॆलस अग्रिप्‍पस हूँ गा इबड़ा कत्‍था ही पत्त नू अख़दस। औंगेम ऎन बेगर एल्‍चम ती आसिन ब'आ लगदन। ऎन अख़दन का इबड़ा कत्‍था आस ती नूख्रका मल्‍ला, एन्‍देरगेका ईद एकअम कोड़ा नू मल्‍ला मंजका।

त‍इरकर 26:3

एन्‍देरगेका नीन यहूदीर ही उर्मी चाल गुट्ठिन अरा उर्मी आनानख्रना ही कत्था गुट्ठिन बॆस गने अख़दय। औंगे ऎन गोहरारदन का नीन एंग्हैन खतीर गने मेना।

त‍इरकर 26:7

ई गच्‍छरका ही पूरा मन्नन ऎरना ही असरा ती दिम नम्‍‍है बारा गोतोर ता आलर उल्‍ला माख़ा धर्मेसिन ऒड़ नन्नर। बॆलायो, ई असरा ही चड्डेम यहूदीर एंग्‍है म‍इय्याँ बदी ठेकाब'आ लगनर।