त‍इरकर 26:16 - पुना गच्छरना NT (BSI)

¹⁶ अक्‍कुन नीन चो'आ ती निंग्‍है ख़ेड्डे ती इज'आ। ऎन निंगन एंगन सुसर'ऊ अरा गोवाह चि'ऊ ओक्‍त'आ गे ऎन निंगन ऎथ्रका र'अदन। एकदन नीन एंग्‍है पत्त नू ईरकादय अरा एकदन नीन ऎरोय, अबड़न नीन आलर गे तेंगोय।

त‍इरकर 26:16 ပူးပေါင်းရင်းမြစ်များ

लू‍कस 1:2

एकदन ऒरे तिम इबड़ा कत्‍थन मेंजका आलर अरा धर्मेसी कत्‍थन तिंगू आलर एकासे ऎम पत्त‍'ऊ आलर गे तेंग्‍रा अन्नेम आर लिखचर।

त‍इरकर 1:17

यूदस गा एम्‍है गने गन्‍तारस, अरा ई सुसर'अना नू संगे रहचस।

त‍इरकर 1:25

का आस ई सुसर'अना नलख अरा त‍इरकर ही अड्डन हो'ओस, एकदन यूदस अम्‍बियस ती तंग्‍है अड्डा किर्रिम बिच्‍चियस।”

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

त‍इरकर 21:19

ख़ने आस आरिन मोंजरा नंजस ती एन्‍देर एन्‍देर नलख धर्मेस आसी दौ कत्‍था तेंगना नलख ती नन-यहूदी आलर नू नंजका रहचस, ओन्‍टा ओन्‍टा उर्मिन तिंगियस।

त‍इरकर 22:10

ख़ने ऎन बाचकन, ‘उर्बायो, ऎन एन्‍देर ननोन?’ उर्बस एंगन बाचस, ‘चो'आ ती दमसकोस कला, अरा एन्‍देर निंगा नना गे उइरकी र'ई असन निंगन जम्मा तेंगतार'ओ कालो।’

त‍इरकर 23:11

अउलम माख़ा उर्बस पौलुसी हेद्दे इज्‍जस ती बाचस, “अना पौलुस डिढ नना, एन्‍देरगेका एकासे नीन येरुसलॆम नू एंग्‍है गोवाह चिच्‍कय, अन्नेम निंगा रोम नगरे नू हूँ गोवाह चि'अना र'ई।”

त‍इरकर 26:15

ऎन बाचकन, ‘उर्बायो, नीन एका ओर्तय।’ उर्बस बाचस, ‘ऎन येसु हिकदन, नॆकन नीन सताब'आलदय।

त‍इरकर 6:4

होले ऎम गा गोहरारना नू अरा दौ कत्‍था तेंगना नू लक्‍का र'ओम।”

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

रोमी 15:16

नन-यहूदीर गे मसी येसुसी जॊंख़ मंजकन। ऎन आसी दौ कत्‍थन सिखाब'अना ती नैगस लेक्‍खा धर्मेसी तेतर-सुसर नंजकन। होले नन-यहूदीर नेम्‍हा बॊलतस ती नेम्‍हा मंजका ती धर्मेस गे इंझ्रना दाँड़े बेसे मना ओंगोर।

2 कोरिन्‍थ 4:1

धर्मेसी सोग्‍गे एम्‍है मइय्याँ मंजा ती एमा ई सुसर'अना ही नलख चीतारा, औंगे ऎम कहियों मल हदियारदम।

2 कोरिन्‍थ 5:18

अरा इबड़ा उर्मी धर्मेस ती मंजकी र'ई। आस दिम मसीस ती नमन तंग्है गने मेसाबाचस, अरा ई मेसेर नख्रत'अना ही नलखन एमा सोंपचकादस।

गलातिया 1:12

ऎन अदिन एकअम आलस ती मल्‍ला इंझ्रका, अरा एकअम आलस ती हूँ मल्‍ला सिख्रका, आद एंगा येसु मसीस दहदर नंजस ख़ने ख़क्‍ख्रा।

गलातिया 2:2

धर्मेस दहदर नंजकाचस का एंगा असन काना चाड़ र'ई, औंगे ऎन केरकन। ऎन कलीसिया ही मुध आलर गने सुनसान नू भेंटारकन अरा बाचकन का एका दौ कत्‍थन ऎन नन-यहूदीर मझी नू तेंगा लिक्‍कन। एन्‍देरगेका एंगा एल्‍चना रहचा का एंग्‍है दौ कत्‍था तेंगना नलख एकदन ऎन नंजकादन अरा ऎन अक्कुन ननालदन आद अनभनियाँ अम्‍बो मना।

इफेसुस 3:3

धर्मेस तान तंग्है गम चिताबुतन एंगा दहदर नंजस। ऎन इदही पत्त नू मुन्द दिम अंछर ती लिखचका र'अदन।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 1:25

निमा गे धर्मेसी कत्थन उर्मी तरा तेंगा गे धर्मेसी चिताबुता ही लेक्‍खा ऎन सुसर ननू मंजकन।

कोलोस्से 1:7

ई दौ कत्थन नीम एम्है गने सुसर ननू एम्है चोन्हा भई एपाफ्रास ती सिख्रकर। आस एम्है ऊजी नू निम्है मझी नू मसीसी पत्त'अना जॊगे सुसर ननुस हिकदस।

1 थेस्‍सलोनिकॆयर 3:2

अरा ऎम तीमोथियुसिन निम्‍है हेद्दे तइय्कम। आस एम्‍है भईस अरा मसीसी दौ कत्‍था तेंगना नू धर्मेसी जॊंख़स हिकदस। अरा आस निम्‍है पत्त'अना नू निमन बड़ियर ननोस अरा रिझ्रत'ओस, इदगे ऎम आसिन तइय्कम।

1 तीमोथियुस 1:12

ऎन नम्‍‍है उर्बा मसी येसुस गे धन्‍यवाद चि'अदन, एन्‍देरगेका आसिम एंगा सवंग चि'अरकी एंगन पत्त‍'अना जॊगे ब'अरकी तंग्‍है नलख नू उइय्यस।

1 तीमोथियुस 4:6

नीन भइय्योरिन इबड़ा कत्‍थन सिखाब'ओय होले, नीन पॆस्रका पत्त'अना ही मानिम नू अरा दौ सिखाब'अना नू बड़ियर मंजका मसी येसुसी बॆस जॊंख़य मनोय।

2 तीमोथियुस 4:5

लिकिन नीन इबड़ा उर्मी कत्‍था गुट्ठी नू चिहुंक र'आ, दुक्‍खे सार'आ, दौ कत्‍था मेन्त'आ कुद्दना ही नलख नना, अरा धर्मेसी चिच्का उर्मी नलखन नना।