त‍इरकर 26:13 - पुना गच्छरना NT (BSI)

¹³ ख़ने बॆलायो, डहरे नू लोहाड़ी बेड़ा नू ऎन बीड़ी ही बिलचना ती हूँ कोड़हे बिलचना बिल्‍लिन मेर्ख़ा ती ईरकन, आद एंग्‍है अरा एंग्‍है गने बरचका आलर ही चरियो तरा बिल्‍चा लगिया।

त‍इरकर 26:13 ပူးပေါင်းရင်းမြစ်များ

मत्तायोस 17:2

आ बारी आर ही मुन्‍दहारे आसी ऎथ्रना बदलारा केरा। आसी मुंही बीड़ी लेक्‍खा बिल्‍चिया अरा आसी किचरी नगदे कोड़हे पंडरु बिल्‍ली लेक्‍खा मंजा केरा।

त‍इरकर 22:6

ऎन कानुम कानुम दमसकोस हेद्दे अंड़सकन ख़ने, एन्ने मंजा का लोहाड़ी बेड़ा नू आचका ही मेर्ख़ा ती एंग्‍है चरियो तरा ओन्‍टा कोहाँ बिल्‍ली बिल्‍चिया।

त‍इरकर 22:9

एंग्‍है संगे रहचका आलर बिल्‍लिन गा ईरियर, लिकिन एकास एंग्‍है गने कछनख्र'आ लगियस आसी ब'अनन मल मेंजर।

त‍इरकर 26:12

एन्नेम ओंग्‍होल ऎन मुध नैगर ती अदिया अरा पॆसका ख़क्‍खकन ती दमसकोस नगरे काला लिक्‍कन।

त‍इरकर 26:14

ऎम ओर्मम ख़ॆख़ेल नू खत्रकम। ख़ने ऎन ओन्‍टा सड़ा इब्रानी भखा नू एंग्‍है ती ब'अनन मेंजकन। आद बाचा, ‘स‍उल, स‍उल, नीन एंगन एन्‍देरगे सताब'आलदय? अच्चो नू लथना निंगा सेब्बा मलकी।’

त‍इरकर 9:3

अक्‍कु आस कानुम कानुम दमसकोस गुसन अंड़सियस ख़ने, आचका ही मेर्ख़ा ती ओन्टा बिल्‍ली आसी चरियो तरा बिल्‍चिया।

दहदर मंजका कत्‍था 1:16

अरा आस तंग्है तीना ख़ेक्खा नू सात गोटा बीनको धरचका रहचस। अरा आसी बई ती ओन्टा अखी-पखी धारे तलवार उरखा लगिया। अरा आसी मुंही लोहाड़ी बेड़ा ता बीड़ी लेक्‍खा बिल्‍चा लगिया।

दहदर मंजका कत्‍था 21:23

अरा आ नगरे नू बिल्ली चि'आ गे बीड़ी महले चन्‍दो ही चाड़ मलकी, एन्‍देरगेका धर्मेसी महबा दिम अदिन बिल्‍चत'ई चि'ई, अरा भेंडो ख़द्द मसीस अदही बिल्‍ली र'अदस।