त‍इरकर 26:11 - पुना गच्छरना NT (BSI)

¹¹ ऎन आरिन उर्मी गोड़हा एड़पा नू कैनो खेप दंडे चि'अरकी येसु नामे ही निंदा नन्‍त'आ गे चिहुट नंजकन। ऎन आर ही बिड़दो ता एंग्‍है खींस ही चड्डे ई गूटी पूरकन का नन्ना नगरे गुट्ठी नू हूँ कालरकी आरिन सताबाचकन।

त‍इरकर 26:11 ပူးပေါင်းရင်းမြစ်များ

मत्तायोस 10:17

लिकिन आलर ती चिहुंक र'अके। नीम एंग्‍है गने चॊख़र'उर र'अना चड्डे आर निमन कोहाँ सभा गुट्ठी नू चि'ओर अरा तम्‍है गोड़हा एड़पा नू कोर्रा ती ल'ओर।

मरकुस 13:9

लिकिन इकला इबड़ा मनो नीम चिहुंक ती र'अके। आलर निमन हें'ओर हो'ओर, अरा पंचायत नू चि'ओर, अरा नीम गोड़हा एड़पा नू लौर'ओर। नीम एंग्‍है चड्डे राजीख़ापुर अरा बॆलर ही मुन्‍द इजतार'ओर। एन्‍देरगेका नीम एंग्‍है गने चॊंख़्र'‍उर हिकदर। लिकिन ईद निमा गे एंग्‍है पत्त नू आरिन तेंगना ही मोका मनो।

मरकुस 3:28

ऎन निमन मानिम ब'अदन, ‘धर्मेसी बिड़दो नू आलर ही उर्मी पाप, अरा आर ही उर्मी हींड़ना कछनख्रना गुट्ठिन धर्मेस छमा ननोस।

लू‍कस 15:17

अक्‍कु आस तंग्‍है फरीफरी सुरता नू बरचस ती बाचस, ‘एम्‍बस गुसन बग्‍गे जॊंख़र र'अनर। आर गे उड़ुच लिंग्‍ह'आ ओन्ना-मॊख़ना र'ई। लिकिन ऎन इसन कीड़ा ती खे'आलदन।

लू‍कस 21:12

लिकिन इबड़ा उर्मी कत्‍था ही मुन्‍द आलर निमन धर'अरकी सताब'ओर। अरा निमन गोड़हा एड़पा नू बिढ़'आ गे सोंप'ओर अरा जेहेल नू सज'ओर अरा बॆलर अरा राजीखापुर ही मुन्‍द इजतार'ओर। एन्‍देरगेका नीम एंग्‍है गने चॊंख़्र‍'उर हिकदर।

लू‍कस 6:11

ख़ने आर नगदे जंगारर ती तम्‍है मझी नू सलहा मना हेलरर का नाम येसुसी बिड़दो नू एन्‍देर ननोत।

त‍इरकर 13:45

एन्ने कोहाँ गोंहड़न ईरियर ती यहूदीर कुटमुटर'आ हेलरर अरा पौलुसी निं‍दा नंजर ती आसी कत्‍था ही बिड़दो नू आनानखर'आ हेलरर।

त‍इरकर 18:6

लिकिन अबड़ा आलर पौलुसिन हिड़'आ अरा निंदा नना हेलरर। ख़ने आस तंग्‍है किचरी ता रीड़ोन ख़ित्तियस ती बाचस, “धर्मेस ती निमा ख़क्‍ख्रना दंडे गे हुदा नीम दिम हिकदर, ऎन गा एंग्‍है नलखन मुंज ख़च्‍चकन। ऎन अक्‍कु ती नन-यहूदीर गुसन क'ओन।”

त‍इरकर 22:19

ख़ने ऎन बाचकन, ‘अना उर्बायो, आर अख़नर का उर्मी गोड़हा एड़पा नू ऎन निंगन पत्त'ऊ आलारिन जेहेल नू सज'आ लिक्‍कन अरा लौत'आ लिक्‍कन।

त‍इरकर 22:5

इबड़ा कत्‍था गे कोहाँ नैगस अरा सभा ही उर्मी सेयान आलर गोवाह र'अनर। ऎन आर ही ती दमसकोस ता यहूदी भइय्योर गे चिठी होच्‍चकन। ई डहरे नू ईकू आलारिन हें'ओन ती येरुसलॆम ओन्‍द्र'ओन ती दंडे चि'आ गे दमसकोस काला लिक्‍कन।

त‍इरकर 9:1

स‍उलस अक्‍कु गूटी हूँ उर्बासी चेलारिन एल्‍कत'अना अरा पिटा गे निसा रहचा। आस कोहाँ नैगस गुसन केरस ती

याकॊब 2:7

नीम नॆख'आ बारदर आ येसु मसीसी बॆस नामे ही आर निंदा मल नन्नर का?

2 पतरस 2:16

अन्नू हूँ आस गा ओन्टा गदही ती तंग्है मलदौ नलख ही पत्त नू केबेर मोक्कस। कछनख्र'आ पोलना आ मेक्खो आलर ही सड़ा ती कछनख्रका ती आ धर्मेसी कत्था तिंगुसी लूर मलका नलखन छेकचा।