त‍इरकर 26:10 - पुना गच्छरना NT (BSI)

¹⁰ अरा ऎन येरुसलॆम नू एन्ने नंजकन हूँ, ऎन मुध नैगर ती अदिया ख़क्‍खकन ती अजम बग्‍गे नेम्‍हा आलारिन जेहेल नू सज्‍जकन। अरा आर पिटर'आ लगियर ख़ने, आर ही बिड़दो नू हुँकारी चिच्का र'अदन।

त‍इरकर 26:10 ပူးပေါင်းရင်းမြစ်များ

त‍इरकर 7:58

अरा आर आसिन नगरे ती बहरी ओथ्रर ती आसिन पखना ती लोड़गाचर। अरा नॆ आसी बिड़दो नू गोवाह रहचर, आर तम्‍है किचरिन स‍उल नामे ओन्‍टा जॊंख़ासी ख़ेडमूली ओक्‍ताचर चिच्‍चर।

त‍इरकर 8:1

स‍उलस स्‍तेफनोसिन पिटना नू हुँकारी नंजकाचस। अउलम येरुसलॆम ता कलीसिया गे कोड़हे खिलपत बरचा। त‍इरकारिन अम्‍बर जम्मर गोट्टा यूदेया राजी अरा समारिया राजी नू बींड़रर केरर।

त‍इरकर 8:3

लिकिन स‍उलस कलीसिया आबोन सस्ती नना लगियस। एड़पा एड़पा नू कोर्च कोर्च मुक्‍कारिन अरा मॆतारिन घिडराच घिडराच जेहेल नू सज'आ लगियस।

त‍इरकर 9:21

अरा ओर्मा मिनू आलर अनचकरर अरा बाचर, “ईस आसिम हिकदस, एकास येरुसलॆम नू येसुसी नामे नू महबा ननुरिन पिटा लगियस। अरा ईस इसन हूँ अदगेम बरचस का येसुसी चॊंख़्र'उरिन हें'ओस ती मुध नैगर गुसन हो'आ गे बरचकादस।”

त‍इरकर 9:26

स‍उलस येरुसलॆम अंड़सियस ती पत्त'उर ही खोंड़हा नू मेसर'आ गे चिहुट नंजस। लिकिन अबड़ा ओर्मर आसिन एल्‍चा लगियर, एन्‍देरगेका आर मल पत्त'आ लगियर का आस मानिम नू येसुसी पत्त'ऊ आलस मंज ख़च्‍चिकादस।

त‍इरकर 9:32

पतरस जम्मा अड्डा नू कुद्दनुम कुद्दनुम उन्‍दुल लुद्दा नगरे नू र'ऊ नेम्‍हा आलर गुसन हूँ केरस।

त‍इरकर 9:41

पतरस तंग्‍है ख़ेक्खा ती अदिन चॊदस। अरा आस पत्त'ऊ आलारिन अरा रड़ियाहीरिन मीख़ियस ती अदिन आर गे उज्‍जना ऎदस।

1 कोरिन्‍थ 15:9

ऎन गा तइरकर ओर्मर ती सन्नी हिकदन। ऎन तइरकन बारना ही जॊगे हूँ मलदन, एन्‍देरगेका ऎन धर्मेसी कलीसियन खिलपत नंजकादन।

गलातिया 1:13

ऎन मुन्‍द यहूदी धरम नू रहचकन ख़ने एकासे उज्‍जा ओक्‍का लिक्‍कन अदिन नीम अख़दर। ऎन कैयो खेप धर्मेसी कलीसिया आबोन बुड़ाब'आ गे चिताबुता नंजकन।

इफेसुस 1:1

धर्मेसी मने ती मसी येसुसी तइरकन पौलुस [इफेसुस नगरे ता] मसी येसुसिन पत्त'ऊ नेम्‍हा आलर गे ई चिठिन लिखदन।

दहदर मंजका कत्‍था 17:6

अरा आ आली नेम्हा आलर ही ख़ॆंस ती अरा येसुसी गोवाह आलर ही ख़ॆंस ती उंखका ईरकन। अरा ऎन अदिन ईरकन ख़ने, कोड़हे अनचकरकन केरकन।