त‍इरकर 24:5 - पुना गच्छरना NT (BSI)

⁵ एम्‍है अख़ना ती ई आलस गा हींड़'ऊ आलस हवे, अरा ख़ॆख़ेल ता ओर्मा यहूदीर नू लड़ाई नन्‍त'ऊ आलस हवे, अरा नासरेत ता ओर्तोसी धरम खोंड़हा ही मुद्ध आलस हवे।

त‍इरकर 24:5 ပူးပေါင်းရင်းမြစ်များ

मत्तायोस 10:25

चेलस गे तंग्‍है गुरुस लेक्‍खा अरा जॊंख़स तंग्‍है उर्बस लेक्‍खा मन्ना दिम कोड़हे र'ई। आर एड़पा उर्बस एंगन बॆलजेबूल बाचकानर होले, आसी एड़पातारिन एन्‍देर मल ब'ओर।

मत्तायोस 2:23

अरा नासरेत नामे पद्दा नू केरस ती ओक्रस। होले धर्मेसी कत्‍था तिंगुर ती बारकी रहचा, “आस नासरेत ता आलस बार'ओस” आ कत्‍था मनन नेक‍अन।

मरकुस 1:24

“हे नासरेत पद्दा ता येसु! एम्‍है गने निंगा गे एन्‍देर नलख र'ई? नीन एमन नास नना गे बरचका र'अदय का? ऎन अख़दन नीन एका ओर्तय, नीन गा धर्मेस ती बरचका नेम्‍हा आलय।”

लू‍कस 23:19

ई बरब्‍बस नगरे नू हुलहुली नंजका दरा आल पिटका चड्डे जेहेल नू गुड़ुरका रहचस।

लू‍कस 23:2

अरा आर आसी म‍इय्याँ एन्ने बाचर ती दोस ठेका ब'आ हेलरर, “ऎम ईसिन एम्‍है आलारिन बहक'‍अना ‍अरा कैसरस गे मालगुजारी चि'आ गे छेंकना अरा तंगन मसी बॆल ब'अना मेंजका र'अदम।”

लू‍कस 23:25

अरा आस हुलहुली नंजका दरा पिटका चड्डे जेहेल नू गुड़ुरकासिन आर ही ने'अना लेक्‍खा आसिन अम्‍बियस चिच्‍चस अरा येसुसिन आर ही मने लेक्‍खा नन्‍त'आ गे सोंपचस।

लू‍कस 23:5

लिकिन आर कोड़हे ब'आ लगियर, “ईस गलिलेया जिला ती ऒरे ननारकी इय्या गूटी यूदेया राजी नू ओर्मा अड्डा नू सिखाबाचस ती आलारिन भड़क'अदस।”

त‍इरकर 15:5

लिकिन फरिसीर ही खोंड़हा ता जोक्‍क पत्त'ऊ आलर इज्‍जर ती बाचर, “नन-यहूदी पत्त'ऊ आलर खतना नन्ना दिम र'ई अरा मूसासी पॆसकन पॆस्रना र'ई।”

त‍इरकर 21:28

अरा चिच्चियारर, “अना इस्राऎल आलारो, एमा सहाड़ा नना! ईस आ आलस दिम, एकास नम्‍है आलारिन अरा मूसासी नॆग ही अरा ई अड्डा ही बिड़दो नू उर्मी आलारिन अरा उर्मी अड्डा नू सिखाब'अदस, अरा नन-यहूदी आलारिन हूँ आस धर्मेसी मन्दिर नू ओन्‍द्रस ती ई नेम्‍हा अड्डन सोतबोड़'आ नंजका र'अदस।”

त‍इरकर 22:22

आसी एन्ने ब'अना गूटी अबड़ा आलर आसहीन मेना लगियर। तहाँ जॊरसरिया चिच्चियारर ती बाचर, “एन्ने आलासिन ख़ॆख़ेल ती पिटा चि'आ, ईस गा उज्‍जना जॊगे मलकस।”

त‍इरकर 24:14

ऎन निंग्‍है मुन्‍दहारे ई कत्‍थन मन्‍दन का, एका डहरेन ऎन मन्‍दन ती ऎकदन आ डहरेन आर ठौका मल्ला ब'अनर। ऎन एंग्‍है पूरखर ही धर्मेसिन ऒड़ नन्‍दन, अरा एकदा एकदा मूसासी नॆग अरा धर्मेसी कत्‍था तिंगुर ही पुथी नू लिख्रकी र'ई, अबड़ा उर्मिन ऎन पत्त'अदन।

त‍इरकर 24:4

ऎन निंग्‍है ती बग्‍गे बेड़ा मल हो'आ बेद्ददन, ऎन निंग्‍है ती गोहरारदन का एम्‍है कत्‍था गुट्ठिन मेना गे एमा गे जोक्क बेड़ा चि'आ।

त‍इरकर 25:7

पौलुस बरचस ख़ने, येरुसलॆम ती बरचका यहूदीर ही अदिया उइय्युर आसिन बेड़हचर चिच्‍चर, अरा आसी म‍इय्याँ कैनो गोटंग कोड़हे कोहाँ बदी ठेकाब'आ हेलरर, लिकिन अदही आर सबुती चि'आ पोल्‍लर।

त‍इरकर 26:5

आर एंगन नगदे उल्‍ला ती अख़नर। आर बेद्दनर होले, एंग्‍है गोवाह हूँ चि'आ ओंग्‍नर का ऎन फरिसी मंजकन ती एकासे नम्‍है धरम ही कोड़हे ठिम-ठिम खोंड़हा ही लेक्‍खा उज्‍जा लिक्‍कन।

त‍इरकर 28:22

लिकिन निंग्‍है ब'अना एन्‍देर र'ई अदिनिम ऎम मेना बेद्ददम। एन्‍देरगेका ऎम अख़दम का उर्मी अड्डा ता आलर ई धरम खोंड़हा ही बिड़दो नू कछनख्रनर।”

त‍इरकर 5:17

तहाँ कोहाँ नैगस अरा आसी गने रहचका संगेर सदुकी आलर कैर ती भरमारर केरर।

त‍इरकर 6:13

अरा आर ठकवा गोवाह गुट्ठिन इजताचर का “ईस नेम्‍हा अड्डा अरा मूसासी पॆसका ही बिड़दो नू ब'अनन मल अम्‍बदस।

1 कोरिन्‍थ 11:19

नॆ निम्‍है नू बड़ियर उरखकानर आरिन अख़तार'आ गे, ख़ाड़रना निम्‍है मझी नू मन्ना ही चाड़ र'ई दिम हिके।

1 कोरिन्‍थ 4:13

आर एमन निंदा नन्नर ख़ने, ऎम बॆस कत्‍था ती किर्त'अर ब'अदम। ऎम इन्ना गूटी हूँ ख़ॆख़ेल ता चिंदी अरा कस्‍सा लेक्‍खा मंजकादम।

1 पतरस 2:19

एन्‍देरगेका नीकईम तंग्है उज्जना नू धर्मेसी मने ईद एन्ने अख़ना ती बिगर नेंवई ती कोड़हे सस्‍ती चोद्दस ती कलपारदस होले, आस धर्मेसिन खुसमारतादस।