त‍इरकर 24:16 - पुना गच्छरना NT (BSI)

¹⁶ इदगे ऎन धर्मेसी ऎरना नू अरा आलर ही ऎरना नू एंग्‍है लखना आबोन सफा उइय्या गे चिहुट नंजका र'अदन।

त‍इरकर 24:16 ပူးပေါင်းရင်းမြစ်များ

त‍इरकर 23:1

पौलुस गा कोहाँ सभा तरा ओन ढिठ ती ईरियस अरा बाचस, “भ‍ईरो, ऎन इन्ना गूटी दौ लखना ती धर्मेसी मुन्‍दहारे उज्‍जकादन।”

रोमी 2:15

ईर ऎदनर का एकासे धर्मेसी पॆसका र'ई अन्ने तम्‍है जिया नू अख़नर, एन्‍द्रा ठौका र'ई अरा बिड़दो र'ई। अरा आर इदन तम्‍है लखना ती ऎदनर, एका एका बारी आर ही सोच तिंगी का आर ठौका नंजर अरा बिड़दो नंजर।

रोमी 9:1

ऎन मसी नू मानिम ब'आलदन, ऎन ठकना कत्‍था मल ब'अदन, एंग्‍है लखना हूँ नेम्‍हा बॊलतस नू एंगा इदिन बड़ियर ननी,

1 कोरिन्‍थ 10:32

नीम यहूदीर गे महले नन-यहूदीर गे महले धर्मेसी कलीसिया गे नेख'अम हूँ पाप नू खत्रना ही चड्डे अमा मना।

1 कोरिन्‍थ 4:4

एन्‍देरगेका एंग्‍है जिया एंगन एकअम कत्‍था गुट्ठी नू बदी मल ठेकाब'ई, अन्नु हूँ इत्रु ऎन उजगो मल मन्‍दन। एंगन नेंव‍ई ननुस उर्बस दिम हिकदस।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

2 कोरिन्‍थ 4:2

अरा ऎम लज्‍जे ही नुड़ना लेक्खा नलख गुट्ठी मल नन्दम, अरा ऎम कसरहा मल नन्दम, अरा ऎम धर्मेसी कत्‍थन मल बदल'अदम। अन्‍ति मानिमन दहदहर'आ तेंगा कुद्दम ती धर्मेसी मुन्दहारे ओर्त ओर्त आलासी लखना नू ऎम उजगो आलम एन्ने ऎद्ददम चि'अदम।

1 थेस्‍सलोनिकॆयर 2:10

नीम पत्त'ऊ आलर ही मझी नू एम्‍है उज्‍जना ओक्‍कना एकासे नेम्‍हा अरा उजगो अरा बिगर बदी ही रहचा। नीमिम गोवाह र'अदर अरा धर्मेस हूँ गोवाह र'अदस।

1 तीमोथियुस 1:19

अरा नीन उर्मी बेड़ा धर्मेसिन पत्त'आ अरा एकदन सुपट अख़दय अदिन नना। जोक्‍क आलर गा एकदन सुपट अख़नर अदिन ताड़ना ती कोहाँ डोंगा चटड़ी नू ढोस्रना लेक्‍खा धर्मेस ती तम्‍‍है पत्त'अनन नठाबाचर।

1 तीमोथियुस 1:5

इबड़ा आनका ही चड्डे चोन्‍हा दिम हवे। ई चोन्‍हा निमन जिया अरा दौ लखना अरा बड़ियर पत्त'अना ती दिम बर'ई।

1 तीमोथियुस 3:9

अरा आर पत्त‍'अना ही मानिम गड्डी आबोन निमन लखना ती सम्ड़'ऊ उइय्‍युर र'अना र'ई।

2 तीमोथियुस 1:3

ऎन निंगा गे धर्मेसिन धन्‍यवाद चि'अदन। ऎन धर्मेसिन निमन लखना गने महबा नन्‍दन, एन्नेम एंग्‍है पूरखर हूँ नंजर। ऎन सगरो उल्‍ला दरा माख़ा बिन्‍ती नू निंगन सोचदन।

तीतुस 1:15

अरिगा आलर गे उर्मी जिनिस अरिगा र'ई। लिकिन अरिगा मलका अरा मल पत्त'उर गे एन्‍द्रा हूँ अरिगा मल्‍ला। एन्‍देरगेका आर ही लूर अरा लखना गुट्ठी दुयो बगड़ारकी र'ई।

इब्रानी 10:22

औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।

इब्रानी 13:18

एमा गे गोहरार'आ। एन्‍देरगेका एमा थितगर र'ई का एम्‍है लखना सफा र'ई, अरा ऎम नन्‍दम आ उर्मी कत्‍था नू म‍ईन जॊगे ती उज्‍जा गे बेद्ददम।

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।

1 पतरस 2:19

एन्‍देरगेका नीकईम तंग्है उज्जना नू धर्मेसी मने ईद एन्ने अख़ना ती बिगर नेंवई ती कोड़हे सस्‍ती चोद्दस ती कलपारदस होले, आस धर्मेसिन खुसमारतादस।

1 पतरस 3:16

लिकिन लुदऊ जिया अरा मईन गने इदन नना। अरा निम्‍है लखनन निमन उइय्या। ख़ने मसीस नू निमा गे र'अना बॆस जज्जना ओक्कना ही बिड़दो नू मलदौ सोच ती कछनख्र'उर तम्है हींड़ना कत्था ही पत्त नू लज्‍जे मॊंख़ोर।

1 पतरस 3:21

ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।