त‍इरकर 22:4 - पुना गच्छरना NT (BSI)

⁴ ऎन गा येसुसी डहरे नू ईकू आलारिन पिटा ख़च्‍चना गूटी सताबाचकन, अरा मॆतर अरा मुक्‍कर इरबारिन हॆंच हॆंच जेहेल नू सजताचकन।

त‍इरकर 22:4 ပူးပေါင်းရင်းမြစ်များ

त‍इरकर 16:17

आद पौलुसी अरा एम्‍है ख़ॊख़ा बरचा ती चिच्चि‍यार'आ हेलरा, “इबड़ा आलर उर्मी ती कोहाँ धर्मेसी जॊंख़र हिकनर। ईर नीम एकासे नाड़र'आ ओंग्दर अदही पत्त नू तेंगनर।”

त‍इरकर 18:26

आस गोड़हा एड़पा नू डिड़गर गने ब'आ हेलरस। अरा अकुलास अरा प्रिसका आसी सिखाब'अनन मेंजर ख़ने, आर आसिन तम्‍है गुसन होच्‍चर, अरा आसिन अउर कोड़हे बॆस धर्मेसी डहरे ही पत्त नू बुझाबाचर।

त‍इरकर 19:23

आ बेड़ा नू उर्बासी ई डहरे ही पत्त नू कोड़हे हुलहुली इफेसुस नू चॊचा केरा।

त‍इरकर 19:9

लिकिन जोक्‍क आलर बेड़हा मंजर ती मल मन'आ हेलरर, अरा ई कत्‍था ही प‍त्त नू गोंहड़ा ही मुन्‍दहारे हींड़'आ लगियर। औंगे पौलुस आरिन अम्‍बियस ती पत्त'ऊ आलारिन तंग्‍है गने होच्‍चस। अरा आस तुरान्‍नोसी सिखाब'अना एड़पा नू कालरकी असन उर्मी उल्ला धर्मेसी कत्‍था ही पत्त नू कछनख्र'आ लगियस।

त‍इरकर 24:14

ऎन निंग्‍है मुन्‍दहारे ई कत्‍थन मन्‍दन का, एका डहरेन ऎन मन्‍दन ती ऎकदन आ डहरेन आर ठौका मल्ला ब'अनर। ऎन एंग्‍है पूरखर ही धर्मेसिन ऒड़ नन्‍दन, अरा एकदा एकदा मूसासी नॆग अरा धर्मेसी कत्‍था तिंगुर ही पुथी नू लिख्रकी र'ई, अबड़ा उर्मिन ऎन पत्त'अदन।

त‍इरकर 7:58

अरा आर आसिन नगरे ती बहरी ओथ्रर ती आसिन पखना ती लोड़गाचर। अरा नॆ आसी बिड़दो नू गोवाह रहचर, आर तम्‍है किचरिन स‍उल नामे ओन्‍टा जॊंख़ासी ख़ेडमूली ओक्‍ताचर चिच्‍चर।

त‍इरकर 9:21

अरा ओर्मा मिनू आलर अनचकरर अरा बाचर, “ईस आसिम हिकदस, एकास येरुसलॆम नू येसुसी नामे नू महबा ननुरिन पिटा लगियस। अरा ईस इसन हूँ अदगेम बरचस का येसुसी चॊंख़्र'उरिन हें'ओस ती मुध नैगर गुसन हो'आ गे बरचकादस।”

1 कोरिन्‍थ 15:9

ऎन गा तइरकर ओर्मर ती सन्नी हिकदन। ऎन तइरकन बारना ही जॊगे हूँ मलदन, एन्‍देरगेका ऎन धर्मेसी कलीसियन खिलपत नंजकादन।

गलातिया 1:13

ऎन मुन्‍द यहूदी धरम नू रहचकन ख़ने एकासे उज्‍जा ओक्‍का लिक्‍कन अदिन नीम अख़दर। ऎन कैयो खेप धर्मेसी कलीसिया आबोन बुड़ाब'आ गे चिताबुता नंजकन।

फिलिप्‍पी 3:6

अरा धर्मेस मइय्याँ ता एंग्है सकत ओत्था ती ऎन कलीसिया गुट्ठिन सताबाचका आलन रहचकन। अरा यहूदी नॆगन पॆस्रना ही पत्त नू ऎन उर्मी नॆगन पॆस्रका ती बिगर बदी ही रहचकन।

2 पतरस 2:2

अरा कोड़हे आलर आर ही कोड़हे सोतरा उज्जा ओक्कना नू ऎकोर। अरा आर ही चड्डे मानी ही डहरे गे निंदा मनो।