त‍इरकर 22:30 - पुना गच्छरना NT (BSI)

³⁰ दोसर उल्‍ला फउद उर्बस यहूदी आलर एन्‍देरगे पौलुस म‍इय्याँ बदी ठेका बाचर, इदन ठौका ठौका अख़'आ बिद्दियस। औंगे आस आसी हॆंचकन कुल्‍लियस चिच्‍चस ती मुध नैगर अरा गोट्टा कोहाँ सभा ता आलारिन ख़ॊंड़र'आ गे आनियस। फिन आस पौलुसिन बहरी ओन्‍द्रस ती आर ही मुन्‍दहारे इजताचस।

त‍इरकर 22:30 ပူးပေါင်းရင်းမြစ်များ

मत्तायोस 10:17

लिकिन आलर ती चिहुंक र'अके। नीम एंग्‍है गने चॊख़र'उर र'अना चड्डे आर निमन कोहाँ सभा गुट्ठी नू चि'ओर अरा तम्‍है गोड़हा एड़पा नू कोर्रा ती ल'ओर।

मत्तायोस 27:2

फिन आर येसुसिन हॆंचर अरा आसिन होच्‍चर ती ‍यूदेया ही रोमी राजीख़ापुस पिलातुसी ख़ेक्खा नू चिच्‍चर।

मत्तायोस 5:22

लिकिन ऎन निमन ब'अदन का, एका ओर्तस तंग्‍है भईस मलता बहिन आबोन खींस मन्‍दस होले आस दं‍डे ख़क्‍खोस। अरा एका ओर्तस तंग्‍है भईस मलता बहिन आबोन मलदौ ब'अदस होले आस महासभा नू दं‍डे जॊगे मनोस। अरा एका ओर्तस एक‍अम ओर्तासिन ‘अना बोया’ ब‍'अदस होले आस नरक ही चिच्‍ची ही जॊगे मनोस।

त‍इरकर 21:11

आस एम्‍है गुसन बरचस ती पौलुसी कमरपटी आबोन होच्‍चस अरा तंग्‍है ख़ेड्डे ख़ेक्खा गुट्ठिन हॆंचस ती बाचस, “नेम्‍हा बॊलतस एन्ने ब'अदस का ई कमरपटी नॆख'आ हवे, आसिन येरुसलॆम नू यहूदी आलर एन्नेम हें'ओर ती नन-यहूदी आलर ही ख़ेक्खा नू सोंप'ओर।”

त‍इरकर 21:33

ख़ने फउद उर्बस हेद्दे बरचस ती पौलुसिन हॆंचस, अरा दुई गोटा सिकड़ी ती हें'आ गे आनियस ती मेंजस, “ईस एका ओर्तस अरा ईस एन्‍देर नंजका र'अदस?”

त‍इरकर 22:5

इबड़ा कत्‍था गे कोहाँ नैगस अरा सभा ही उर्मी सेयान आलर गोवाह र'अनर। ऎन आर ही ती दमसकोस ता यहूदी भइय्योर गे चिठी होच्‍चकन। ई डहरे नू ईकू आलारिन हें'ओन ती येरुसलॆम ओन्‍द्र'ओन ती दंडे चि'आ गे दमसकोस काला लिक्‍कन।

त‍इरकर 23:1

पौलुस गा कोहाँ सभा तरा ओन ढिठ ती ईरियस अरा बाचस, “भ‍ईरो, ऎन इन्ना गूटी दौ लखना ती धर्मेसी मुन्‍दहारे उज्‍जकादन।”

त‍इरकर 23:15

औंगे अक्‍कु नीम अरा कोहाँ सभा ही संगेम फउद उर्बासिन खभर नना का पौलुसिन निम्‍है गुसन त‍इय्योस चि'ओस, अरा एन्ने का नीम इदही पत्त नू अउर बने जँच'आ बेद्ददर। अरा पौलुस एकासे इसन अंड़सोस अदही मुन्‍द तिम आसिन पिटा गे सपड़ारका र'ओम।”

त‍इरकर 23:20

आस बाचस, “जोक्‍क यहूदी आलर एन्ने सलहा मंजका र'अनर का आर निंग्‍है ती गोहरार'ऊ र'अनर का नॆला पौलुसिन कोहाँ सभा नू ओन्‍द्र'आ बरा, इदगे का आसी पत्त नू अउर हूँ बने जँच'आ बेद्ददम।

त‍इरकर 23:28

अरा ऎन अख़'आ बेद्दा लिक्‍कन का आर ईस म‍इय्याँ एन्‍देर गुन्‍हा ठेकाब'अनर, अदगे ईसिन आर ही कोहाँ सभा नू होच्‍चकन।

त‍इरकर 23:6

फिन पौलुस अबड़र नू ओन्‍टा खोंड़हा सदुकीर ही अरा नन्ना खोंड़हा फरिसीर ही एन्ने अक्‍खस ती कोहाँ सभा नू चिच्चि‍यारस ती बाचस, “अना भ‍ईरो, ऎन फरिसी आलन अरा फरिसीर ही ख़द्द हिकदन, केचका आलर ही उज्‍जा चो'ओर एन्ने एंग्‍है असरा ही पत्त नू एंग्‍है नेंव‍ई मना लगी।”

त‍इरकर 26:29

ख़ने पौलुस आनाकिर्ताचस, “जुक्‍की नू महले बग्‍गे नू एन्ने मला, धर्मेस ती एंग्‍है गोहरारना र'ई का, इन्ना नीन लेका मला लिकिन नॆ नॆ एंग्‍है कत्‍थन मेना लगनर, आर येसुसिन पत्त'अना नू एंग्‍है लेक्‍खा मन्नर नेकअन, लिकिन एंग्है लेक्खा हॆंरका मल मन्नर नेकअन।”

त‍इरकर 5:21

आर इदिन मेंजर ती बिज बेड़ा नू धर्मेसी मन्दिर नू कोरचर ती सिखाब'आ हेलरर। तहाँ कोहाँ नैगस अरा आसी संगेर बरचर ती इस्राऎल ही उर्मी सेयान आलर र'अना कोहाँ सभा आबोन मीख़ियर। अरा जोक्‍क आलारिन जेहेल ती त‍इरकारिन ओन्‍द्र'आ गे त‍इय्यर।