त‍इरकर 22:12 - पुना गच्छरना NT (BSI)

¹² तहाँ हनानिया नामे आलस एंगन ऎरा बरचस। आस मूसासी नॆगन भगती गने पॆस्र'ऊ आलस रहचस। आस असन र'ऊ उर्मी यहूदी आलर नू बॆस नामे आलस रहचस।

त‍इरकर 22:12 ပူးပေါင်းရင်းမြစ်များ

लू‍कस 2:25

आ बेड़ा येरुसलॆम नू सुमेयॊन नामे ओन्‍टा पचगी रहचस। आस उजगो अरा भगती आलस रहचस। आस इस्राऎल ही नाड़रनन ओन्‍द्र'उसी पाब ऎरालियस। अरा नेम्‍हा बॊलतस आसी म‍इय्याँ रहचस।

त‍इरकर 10:22

ख़ने आर बाचर, “कोरनेलियोस नॆ सौ सैनर ही मुद्धस अरा उजगो आलस अरा धर्मेसी इल्‍चुस र'अदस। उर्मी यहूदी आलर आसी म‍ईन नन्नर। आस गे ओन्‍टा नेम्‍हा पैकस निंगन आसी एड़पा नू मॆख़ा ओन्‍द्र'आ गे पॆसस अरा निंग्‍है ती सिख्र'आ गे बारकी र'ई।”

त‍इरकर 17:4

अबड़र ती जोक्‍क आलर पत्ताचर ती पौलुस अरा सीलास गने मेसरर। अरा बग्‍गे धर्मेसी इल्‍चू युनानी आलर अरा बग्‍गे मुध मुक्‍कर हूँ पत्ताचर ती मेसरर।

त‍इरकर 6:3

औंगे अना भ‍ईरो, निम्‍है ती सात गोटंग आलारिन चाजा, नॆ नेम्‍हा बॊलतस अरा लूर ती निन्‍द्रका ती बॆस नामे ख़क्‍खका र'अनर, आरिन ई नलख नू ओक्‍त'ओत।

त‍इरकर 8:2

भगतर स्‍तेफनोसिन मंडियर चिच्‍चर अरा आस गे कोड़हे खोबरारर।

2 कोरिन्‍थ 6:8

मईन ख़क्‍ख्रकी अरा लज्‍जे मॊख़रकी, ओहमा ख़क्‍ख्रकी अरा हींड़रकी, बहक'ऊ एन्ने सोचना ती हूँ ऎम मानिम जॊगे जॊंख़म र'अदम।

1 तीमोथियुस 3:7

आस सौंसरिहर नू हूँ बॆस नामे ख़क्ख्रका आलस मन्ना र'ई। औंगे आस निन्‍दा ख़क्‍ख्रकी सैतान ही फंदा नू मल खत्र'ओस।

इब्रानी 11:2

एन्ने लेक्‍खा पत्त'अना ती नम्‍है पूरखर बॆस गोवाह ख़क्‍खियर।

3 यॊहन 1:12

दॆमॆत्रियोसी पत्त नू ओर्मर बॆस गोवाह तेंगनर, अरा मानी हूँ आसी पत्त नू बॆस गोवाह चि'ई। अरा ऎम हूँ आसी पत्त नू बॆस गोवाह चि'अदम। अरा नीन अख़दय का एम्है गोवाह मानिम र'ई।