त‍इरकर 21:9 - पुना गच्छरना NT (BSI)

⁹ आसी चार गोटंग डिंडा कुक्‍के ख़द्दर रहचर, आर धर्मेसी कत्‍थन मुन्‍द तिंगू रहचर।

त‍इरकर 21:9 ပူးပေါင်းရင်းမြစ်များ

लू‍कस 2:36

हन्ना ना‍मे ओन्‍टा धर्मेसी कत्‍था तिंगू आली हूँ धर्मेसी मन्दिर नू रहचा। आद आसॆरसी गोतोर नू फनुऎलसी तंग्दा रहचा। आद नगदे पच्‍चकी किरकी रहचा। आद बेंज्रका ख़ॊख़ा तंग्‍आलस गने सात बछर लेका र'आ उंकी रहचा। फिन आस केच्‍चस केरस।

त‍इरकर 13:1

अन्‍तियोख़ेया कलीसिया नू कैनो बग्‍गे धर्मेसी कत्‍था तिंगू अरा सिखाब'ऊ आलर रहचर। इबड़र बरनबास अरा नीगेर बारना सिमॊन अरा कुरॆनॆ नगरे ता लूकियोस अरा बॆलस हॆरॊदॆस अंटिपसी संगे परदका मनायॆन अरा स‍उल हिकनर।

त‍इरकर 2:17

‘धर्मेस बाचकादस ‘मुंज्रना ही उल्‍ला गुट्ठी नू ऎन उर्मी आलर म‍इय्याँ एंग्‍है बॊलतन तुन्‍दोन, होले निम्‍है कुक्‍को कुक्‍के ख़द्दर धर्मेसी कत्थन मुन्द तेंगोर, अरा निम्‍है जॊंख़र देखार गुट्ठी ऎरोर, अरा निम्‍है पचगीर तुंगुल गुट्ठी ऎरोर।

1 कोरिन्‍थ 7:38

औंगे एकास डिंडा पेल्‍लोन बेंज्रदस, आस दौ नन्‍दस। लिकिन एकास अदिन मल बेंज्रदस, आस बॆस दौ नन्‍दस।

दहदर मंजका कत्‍था 2:20

अन्नु हूँ एंगा गे निंगा बिड़दो नू जोक्क कत्था र'ई। नीन आ आली येजबेल आबोन निंग्‍है मझी नू र'आ चि'अदय। आद तंगन धर्मेसी कत्था तिंगू ब'ई, अरा आद तंग्है सिखाब'अना ती एंग्‍है जॊख़ारिन पेहरन ही सोतरा नलख नना गे, अरा मूर्ती गुट्ठी गे दाँड़े अरगका ओन्ना-मॊख़नन मॊख़ा गे भेंवाब'ई।