त‍इरकर 21:8 - पुना गच्छरना NT (BSI)

⁸ दोसर उल्‍ला ऎम असले केरकम ती कैसरेया बरचकम, अरा सतियोर ती ओर्तोस दौ कत्‍था तिंगू फिलिप्‍पोसी एड़पा नू कोरचकम अरा आसी गने रहचकम।

त‍इरकर 21:8 ပူးပေါင်းရင်းမြစ်များ

त‍इरकर 10:1

कैसरेया नू इतालियन पलटन ही सौ सैनर ही मुद्धस कोरनेलियोस नामे ओन्टा आलस रहचस।

त‍इरकर 16:10

पौलुसी ई देखार ईरका ख़ॊख़ा ऎम लॆम मकेदोनिया काला बिद्दकम। अरा ऎम बुझ्रकम का धर्मेस एमन आरिन दौ कत्‍था तेंगा गे मीख़कादस।

त‍इरकर 16:13

ख़न्न ऎख़्रना उल्‍ला ऎम नगरे ही फाटक ती बहरी ख़ाड़ ही पिंडी नू गोहरारना अड्डा र'ई बाचकम ती केरकम। अरा ऎम असन उक्‍कम ती असन ख़ॊंड़रका जोक्‍क मुक्‍कर गने कछनख्र'आ हेलरकम।

त‍इरकर 16:16

उन्‍दुल ऎम गोहरारना अड्डा काला लिक्‍कम ख़ने, एमा ओन्‍टा बिट्ठी ननू जॊंख़ पेल्‍लो भेंट मंजा। अदही म‍इय्याँ सगड़ी ऎरना ही ओन्‍टा बॊलता रहचा, अरा आद सगड़ी ऎरना ती तंग्‍है उर्बर गे नगदेम बग्‍गे ‍ढिबा अर्ज'आ लगिया।

त‍इरकर 18:22

अरा आस कैसरेया अंड़सियस। अरा असलेक ती आस केरस ती कलीसियन मोंजरा नंजस, फिन आस अन्‍तियोख़ेया किर्रियस।

त‍इरकर 20:13

ऎम मुन्‍द तिम कोहाँ डोंगा ती आस्‍सोस नगरे केरकम का अइय्या ती एमा पौलुसिन अरगना रहचा। आस दिम एन्ने चिताबुता नंजकाचस, एन्‍देरगेका आस ईकनुम असन काला बिद्दियस।

त‍इरकर 20:6

अरा ऎम बिगर बिदगी असमा ही परब ही ख़ॊख़ा मकेदोनिया ता फिलिप्‍पी ती कोहाँ डोंगा अरगकम ती पांच उल्‍ला ख़ॊख़ा त्रोआस नू आर ही गुसन अंड़सकम। अरा सात उल्‍ला गूटी असानिम रहचकम।

त‍इरकर 21:16

अरा कैसरेया ती हूँ जोक्‍क पत्त'ऊ आलर एम्‍है गने केरर, अरा एमन कुप्रियोस टापू ता मनासॊन नामे ओन्‍टा पच्चा पत्त'ऊ आलस गुसन ओन्‍द्रर बरचर का ऎम आसी गुसन र'आ ओंगोम।

त‍इरकर 23:23

तहाँ फउद उर्बस दो सैनर ही मुद्धारिन मीख़ियस ती बाचस, “कैसरेया नगरे काला गे इन्ना माख़ा नौ बजे गूटी दो सौ सैनर अरा सत्तर झन घोड़ो अरगुर अरा दो सौ बरछी भज'उरिन सपड़'अरकी उइय्या।

त‍इरकर 27:1

ऎम कोहाँ डोंगा ती इताली देस काना र'ई एन्ने ओट्टा उक्‍किया ख़ने, आर पौलुसिन अरा नन्ना हॆंरकारिन यूलियस नामे रोमी फउद ही सौ सैनर ही मुद्धासी ख़ेक्खा नू सोंपचर।

त‍इरकर 28:11

तीन चन्‍दो ख़ॊख़ा अलेक्‍सन्‍द्रिया नगरे ता ओन्‍टा कोहाँ डोंगा नू केरकम। आ कोहाँ डोंगा प‍इय्याँ गूटी आ टापू नू रहचा, अरा अदही चिन्‍हा “जोड़ा देंवता” रहचा।

त‍इरकर 28:16

ऎम रोम अंड़सकम ख़ने, पौलुस गे ओन्‍टा सैनस ही पहरा नू ओर्त लेका र'आ गे पॆसका ख़क्‍खरा।

त‍इरकर 6:5

ई कत्‍था उर्मी खोंड़हा गे बॆस लग्‍गिया, ख़ने आर सात आलारिन चज्‍जियर। आर ईर हिकनर का पत्त'अना अरा नेम्‍हा बॊलतस नू पोकता रहचका स्‍तेफनोस अरा फिलिप्‍पोस अरा प्रोख़ोरोस अरा निकानॊर अरा तीमॊन अरा परमेनास अरा अन्‍तियोख़ेया नगरे ता निकालाउस एकास मुन्द यहूदी धरम नू मन्रका नन-यहूदी रहचस।

त‍इरकर 9:30

पत्त'ऊ भईर इदन अक्‍खर ख़ने, आर स‍उलसिन कैसरेया होच्‍चर ती तरसोस नगरे त‍इय्यर।

इफेसुस 4:11

आसिम जोक्कोरिन तइरकर, अरा जोक्कोरिन धर्मेसी कत्था तिंगुर, अरा जोक्कोरिन दौ कत्‍थन तेंगा कुद्दुर, अरा जोक्कोरिन नैगर अरा धर्मेसी कत्थन सिखाब'उर मन्ना ही इनाम चिच्चस।

2 तीमोथियुस 4:5

लिकिन नीन इबड़ा उर्मी कत्‍था गुट्ठी नू चिहुंक र'आ, दुक्‍खे सार'आ, दौ कत्‍था मेन्त'आ कुद्दना ही नलख नना, अरा धर्मेसी चिच्का उर्मी नलखन नना।