त‍इरकर 21:5 - पुना गच्छरना NT (BSI)

⁵ अबड़ा उल्‍ला मुंज्रा ख़ने, ऎम असले कोहाँ डोंगा तरा किर्रिम बिच्‍चकम। ओर्मा पत्त'ऊ आलर तम्‍है मुक्‍कर अरा ख़द्दर गने एमन नगरे ती बहरी अंड़सताचर। असन ऎम पिंडी नू मूकलिदरकम ती गोहरारकम।

त‍इरकर 21:5 ပူးပေါင်းရင်းမြစ်များ

मत्तायोस 14:21

ओं‍डका आलर मुक्‍कर अरा ख़द्दारिन अम्‍बरकी मलागूटी पाँच हजार मॆतर रहचर।

मरकुस 1:40

उन्‍दुल ओन्‍टा खसरा रोगियस येसुस गुसन बरचस, अरा आसी मुन्‍दहारे मूकलिदरस ती गोहरारस, “एंगन कोड़े ननम चि'आ एन्‍देरगेका ऎन अख़दन, निंग्‍है मने र'ई होले नीन एंगन कोड़े नना ओंग्दय।”

लू‍कस 22:41

अरा आस तान ढेला हेबड़ना गेच्‍छा केरस। अरा मूकलिदरस ती बिन्‍ती नना हेलरस।

त‍इरकर 15:3

अन्‍तियोख़ेया कलीसिया आरिन त‍इय्या। आर फोइनिकॆ दरा समारिया मन्नुम केरर ती असता उर्मी पत्त'उर गने तिंगियर का एकासे नन-यहूदीर धर्मेसिन इंझ्रर। अरा ई कत्‍था ओर्मा पत्त'उरिन नगदे रिझ्रताचा।

त‍इरकर 17:10

पत्त'ऊ भइय्योर लॆम पौलुस दरा सीलासिन माख़ेच माख़ा बेरोया नगरे त‍इय्यर चिच्‍चर। अरा आर असन अंड़सियर ती यहूदीर ही गोड़हा एड़पा नू केरर।

त‍इरकर 20:36

इबड़न बाचस ती आस मूकलिदरस अरा ओर्मर गने गोहरारस।

त‍इरकर 20:38

कोड़हे गा अबड़र ती बग्‍गे आलर, नीम एंग्‍है मुहिन फेन मल ऎरोर एन्ने आसी बाचका चड्डे हेन्‍दवारर केरर। फिन आर आसिन कोहाँ डोंगा गूटी अंड़सताचर।

त‍इरकर 9:40

पतरस ओर्मारिन बहरी त‍इय्यस अरा मूकलिद्रस ती गोहरारस। अदही ख़ॊख़ा आस मरी तरा ईरियस ती बाचस, “तबिता चो'अय!” आद ख़न्नन चलख़ा अरा पतरसिन ईरिया ती चॊचा ती उक्‍किया।