त‍इरकर 20:6 - पुना गच्छरना NT (BSI)

⁶ अरा ऎम बिगर बिदगी असमा ही परब ही ख़ॊख़ा मकेदोनिया ता फिलिप्‍पी ती कोहाँ डोंगा अरगकम ती पांच उल्‍ला ख़ॊख़ा त्रोआस नू आर ही गुसन अंड़सकम। अरा सात उल्‍ला गूटी असानिम रहचकम।

त‍इरकर 20:6 ပူးပေါင်းရင်းမြစ်များ

त‍इरकर 12:3

एन्ने नन्ना यहूदीर गे बॆस लग्‍गिया। अदिन ईरियस ती आस पतरसिन हूँ हॆंताचस। अउला बिगर बिदगी असमा ही परब रहचा।

त‍इरकर 16:10

पौलुसी ई देखार ईरका ख़ॊख़ा ऎम लॆम मकेदोनिया काला बिद्दकम। अरा ऎम बुझ्रकम का धर्मेस एमन आरिन दौ कत्‍था तेंगा गे मीख़कादस।

त‍इरकर 16:12

अइय्या ती ऎम फिलिप्‍पी अंड़सकम, आद मकेदोनिया जिला ता मुध नगरे हवे। अरा आद रोमी आलर ही र'अना अड्डा हवे। ऎम आ नगरे नू जोक्‍क उल्‍ला रहचकम।

त‍इरकर 16:8

ख़ने आर मूसिया कट्टियर ती त्रोआस केरर।

त‍इरकर 20:16

एन्‍देरगेका पौलुस इफेसुस नगरेन अम्‍बरकी काला गे तिगचका रहचस। अरा आस आसिया देस नू अउर हूँ घड़ही बेड़ार'आ गे मल बिद्दियस। एन्‍देरगेका आस येरुसलॆम नू चाढ़ेम अंड़सा गे बिद्दियस का आस पेन्‍तॆकोस्‍तॆ परब ही उल्‍ला नू असन र'आ ओंगोस।

त‍इरकर 20:5

आर मुन्‍द केरर ती त्रोआस नू एम्‍है पाब ऎरा लगियर।

त‍इरकर 21:4

असन ऎम पत्त'ऊ आलारिन ख़क्‍खकम ती सात उल्‍ला गूटी आर गने रहचकम। आर नेम्‍हा बॊलतासी कड़हाब'अना ती पौलुसिन, “नीन येरुसलॆम अमके काला” एन्ने तिंगियर।

त‍इरकर 21:8

दोसर उल्‍ला ऎम असले केरकम ती कैसरेया बरचकम, अरा सतियोर ती ओर्तोस दौ कत्‍था तिंगू फिलिप्‍पोसी एड़पा नू कोरचकम अरा आसी गने रहचकम।

त‍इरकर 28:14

असन एमा जोक्‍क पत्त'ऊ भ‍ईर ख़क्‍खरर। आर एंगन तम्‍है गुसन सात उल्‍ला र'आ गे एड्डर। अदही ख़ॊख़ा ऎम रोम बरचकम।

फिलिप्‍पी 1:1

मसी येसुसी जॊंख़म पौलुस अरा तीमोथियुस फिलिप्‍पी नगरे नू मसी येसुसी र'अना उर्मी नेम्‍हा आलर‍ गे अरा आर ही गने कलीसिया ही ईरु-ख़ूजू मुद्धर गे अरा कलीसिया ही ईरू-ख़ूजुर गे ई चिठिन लिखदम।

1 थेस्‍सलोनिकॆयर 2:2

लिकिन नीम अख़दर का मुन्‍द फिलिप्‍पी नगरे नू सस्‍ती सारना पीख़्रना नू हूँ एम्‍है धर्मेस एमा गे एन्ने डिढ चिच्‍चस का ऎम बिगर अटकरका धर्मेसी दौ कत्‍थन तिंकम।

2 तीमोथियुस 4:13

एका कोट आबोन ऎन त्रोआस नगरे नू कारपोस गारिया अम्‍बका बरचकादन, बर'ओ बारी अदन ओन्‍द्रके। अरा एंग्‍है पुथी गुट्ठिन कोड़हे गा चपटा पत्रा गुट्ठिन हों ओन्‍द्रके बरके।