त‍इरकर 2:47 - पुना गच्छरना NT (BSI)

⁴⁷ अरा धर्मेसी ओहमा ननालियर ती उर्मी आलर ती मया ख़क्‍खियर। अरा नॆ नॆ नाड़र'आलियर आरिन उर्बस उर्मी उल्‍ला आर नू मेस'आलियस।

त‍इरकर 2:47 ပူးပေါင်းရင်းမြစ်များ

लू‍कस 19:48

लिकिन एन्‍देर उपाय हूँ नना पोल्‍लर का एन्ने एकासे ननोम, एन्‍देरगेका ओर्मा आलर आसहीन मेना लक्‍का रहचर।

लू‍कस 2:52

येसुस लूर अरा परदनुम उसुगनुम केरस। अरा आलर आसिन पत्तारर अरा धर्मेस आस ती खुसमरस।

त‍इरकर 11:21

आर ही गने उर्बासी सवंग रहचा। ख़ने नगदे बग्‍गे आलर पत्ताचर ती उर्बस तरा बरचर।

त‍इरकर 11:24

आस गा दौ आलस रहचस अरा नेम्‍हा बॊलतस अरा पत्त'अना ती निन्‍द्रका आलस रहचस। ईसी चड्डे नगदे आलर उर्बासिन पत्त'ऊ आलर मंजर केरर।

त‍इरकर 13:48

नन-यहूदीर इदिन मेंजर ख़ने, रिझ्र'आ हेलरर अरा धर्मेसी कत्‍था ही ओहमा नना लगियर। एका बग्‍गे आलर मुंजा मलका गुटी उज्‍जना गे चज्रकाचर, अबड़र दौ कत्‍थन पत्ताचर।

त‍इरकर 14:1

अक्‍कु इकोनियोन नगरे नू हूँ पौलुस दरा बरनबास यहूदी गोड़हा एड़पा नू कोरचर अरा एन्ने कत्‍था बाचर का यहूदीर अरा युनानी आलर इरिब जातियर बग्‍गे आलर पत्त'ऊ आल मंजर केरर।

त‍इरकर 14:21

पौलुस अरा बरनबास देरबॆ नगरे नू दौ कत्‍था तिंगियर अरा बग्‍गे आलर पत्त'ऊ मंजर केरर। इदही ख़ॊख़ा आर लुसत्रा अरा इकोनियोन अरा अन्‍तियोख़ेया किर्रियर।

त‍इरकर 16:5

औंगे कलीसिया गुट्ठी पत्त'अना नू बड़ियर मन्नुम केरा अरा अबड़र ही गनती बढरनुम काला लगिया।

त‍इरकर 17:12

औंगे अबड़र ती बग्‍गे आलर पत्ताचर, अरा बग्‍गे युनानी मुध मुक्‍कर अरा मॆतर हूँ पत्ताचर।

त‍इरकर 2:39

एन्‍देरगेका ई गच्‍छरका निमा गे अरा निम्‍है ख़द्दर गे अरा नन्ना राजी गुट्ठी नू र'उर गे हूँ हवे। ईद उर्बस नम्‍है धर्मेस तंग्‍है गुसन मींख़का ओर्मा आलर गे हवे।”

त‍इरकर 2:41

एकार पतरसी कत्‍थन पत्ताचर आर नॊड़रर। अउलम तीन हजार केम आलर चेलर गने मेसरर।

त‍इरकर 4:21

ख़ने आर पतरस अरा यॊहनसिन फिन एलेकताचर ती अम्‍बियर चिच्‍चर। अरा आर आरिन दंडे चि'आ गे एन्‍देर ओट्टा हूँ मल ख़क्‍खरा, एन्‍देरगेका ई मंजका पत्त नू उर्मी आलर धर्मेसी ओहमा नना लगियर।

त‍इरकर 4:33

त‍इरकर कोहाँ सवंग गने आलारिन तम्‍है गोवाह आबोन तेंगा लगियर का उर्बा येसुस मानिम नू केचका ती उज्‍जा चॊचस। अरा अबड़ा ओर्मर म‍इय्याँ धर्मेसी कोड़हे मया रहचा।

त‍इरकर 4:4

लिकिन नॆ आर ही तेंगनन मेंजका रहचर, अत्रु ढ़ॆर आलर पत्ताचर। अक्‍कु मलागूटी मॆतर पाँच हजार पत्त'ऊ आलर मंजर केरर।

त‍इरकर 6:1

अबड़ा उल्‍ला नू पत्त'ऊ आलर बग्‍गे मन्नुम कालालियर ख़ने, युनानी भखा कछनख्र'ऊ यहूदी पत्त'ऊ आलर इब्रानी भखा कछनख्र'ऊ यहूदी पत्त'ऊ आलारिन कुटमुटर'आ हेलरर, एन्‍देरगेका एम्‍है रड़ियाहीर गे उर्मी उल्‍ला ता मंडी बटा बॆस लगे मल ख़क्‍ख्र'ई।

त‍इरकर 6:7

तहाँ धर्मेसी कत्‍था बिंड़रनुम केरा अरा येरुसलॆम नू पत्त'ऊ आलर ही गनती बग्‍गे मन्नुम केरा। अरा बग्‍गे यहूदी नैगर हूँ पत्ताचर अरा मनचर।

त‍इरकर 9:31

आ उल्‍ला सौंसे यूदेया गलिलेया अरा समारिया नू कलीसिया नू सान्‍ति ख़क्‍खरा अरा बड़ियर मन्नुम केरा। अरा पत्त'उर उर्बासी एल्‍चना नू उज्‍जा लगियर। अरा आर नेम्‍हा बॊलतासी जिया सालना ख़क्‍खियर ती गन्‍ती नू परदनुम काला लगियर।

त‍इरकर 9:35

ख़ने लुद्दा अरा सरॊन नगरे ता उर्मी आलर आसिन ईरियर। अरा अबड़र उर्बा येसुसिन पत्ताचर।

रोमी 14:18

एका ओर्तस ई लेक्‍खा मसीसी तेतर-सुसर नन्‍दस, आस धर्मेसिन रिझाब'अदस अरा आलर आसिन सहरारनर।

रोमी 8:30

आस नॆकन मुन्‍द तिम ओट्टा हॆंचस आरिन मीख़का हूँ रहचस। अरा नॆकन मीख़ियस आरिन उजगो आल हूँ कमचस। अरा नॆकन उजगो आल कमचस आरिन तंग्‍है महबा नू भागी मना गे हूँ चिच्‍चस।

रोमी 9:27

धर्मेसी कत्‍था तिंगू यसायास इस्राऎल आलर ही पत्त नू चिच्चियारनुम आनदस, “इस्राऎल आलर समुदर ता चलकुर लेक्‍खा बग्‍गे र'अनर, अन्नु हूँ अइय्या ती जुक्‍किम आलर नाड़र'ओर।

1 कोरिन्‍थ 1:18

क्रूस ही पत्त ता सिखाब'अनन खे'अना ही डहरे नू कालू आलर खईता बुझुरनर। लिकिन नाड़रनन ख़क्‍खू आलर नमा गे आद धर्मेसी सवंग हवे।